Jesaja 10:29 - O Debleskro Lab 2024 (Sinte-Manouche)

²⁹ djan doureder mank kol douy berge oun venn an o foro Geba, te ačenn le kote pral i rat. I menshe an o foro Rama trissenn i daryatar. Kolla dran o Sauleskro foro Gibea nashenn penge.

O Debleskro Drom 2021 (Sinte)

²⁹ djan dureder mank kol dui berge un wenn an o foro Geba, te atchenn le kote pral i rat. I menshe an o foro Rama trissenn i darjatar. Kolla dran o Sauleskro foro Gibea nashenn penge.

Jesaja 10:29 ပူးပေါင်းရင်းမြစ်များ

1. Rajengro liil 15:23

Oun ko tselo vavar koova, hoy pral o Asa penepaske hi, oun leskri tseli zoor, oun halauter, hoy yob kras, oun i forya, hoy yob zoreles kras, kova hi činlo an i familyakro liil i rayendar pral o them Youda. Har lo phouro his, van leskre pire nasselo.

Jeremia 31:15

Kova penell o baro Devel: I gole oun zorelo ropen vell shounlo an o foro Rama: I Rachel rovell pral peskre čaven: Yon hi moulo. Oun yoy kamell kek shoukar laba te shounell.

Hosea 10:9

O baro Devel penell ap i Israelitarya: T'mare phoure hadan pen pral mande an o foro Gibea. Foun ko tsiro moukan t'mer pale te pale miro drom. Doleske vell an o foro Gibea o kourepen pral kol čilače menshende.

Hosea 5:8

Phourdenn an i phourdepaskri an i forya Gibea oun Rama! Denn i kourepaskri gole an o foro Bet-Aven! T'mer kourepangre dran o kheer Benyamin, nashenn glan, mer nashah t'menge palla!

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

Josua 21:17

An o them Benyamin lan le star forya: Gibeon oun koy phoub troul o foro, kay i firhe nay rhan; Geba oun koy phoub troul o foro, kay i firhe nay rhan;

1. Samuel 10:26

Oun ninna o Saul djas pale an peskro kheer an Gibea. Oun khetne leha djan lourde, kolen das o Devel kova yaake an o dji.

1. Samuel 11:4

Koy van kol morsha, kay dran Yabesh bičedo van an o foro Gibea, kay o Saul djivas, oun penan kol laba i tsele menshenge an o foro. Har kolla kova shounan, rovan le zoreles.

1. Samuel 13:16

Oun o Saul oun peskro čavo, o Yonatan, oun i lourde, kay pash lende hi, ačan an Geba an o them Benyamin. Oun i Filistaryen his lengri platsa pash Mikmas.

1. Samuel 13:2

Oun o Saul rodas peske 3.000 (triin-zerya) morshen vin. 2.000 (douy-zerya) lendar his pash leste an o foro Mikmas oun ap i berge pash Betel. Oun 1.000 (yek zero) morsha his peskro čaveha, o Yonatan, pash o foro Gibea an o them Benyamin. Kol tsele vavar bičras lo khere.

1. Samuel 13:23

Oun i Filistarya bičran pengre morshen vin, te denn le yak, te djal kek ap ko tikno drom, hoy djal ap i berga pash Mikmas.

1. Samuel 14:2

O Saul his ko tsireske beshdo tel o phabyengro rouk, hoy hi tardo an Migron, gar dour o forestar Gibea. Pash leste his yaake 600 (shob-sheel) lourde.

1. Samuel 14:4

Ap ko tikno drom, kay hounte djas o Yonatan, te vell lo pash i Filistarya, his yek baro bar ap haki rig. Ko yek kharas Bozez, oun ko vavar kharas Senne.

1. Samuel 14:5

Ko yek his serves tardo vergel Mikmas. Oun ko vavar his čačes tardo vergel Geba.

1. Samuel 15:34

Pal kova djas o Samuel an o foro Rama. Oun o Saul djas pale an peskro kheer an o foro Gibea.

1. Samuel 7:17

Palle djas lo pale an Rama, kay lo khere hi, oun rakras kote o čačepen vin pral i Israelitarya. Ninna kote kras lo i rhačepaskri, kay čomone rhačedo vell o baro Debleske.