Jesaja 1:28 - O Debleskro Lab 2024 (Sinte-Manouche)

²⁸ Khetne phagedo venn kolla, kay o Debleskro dromestar tele djan, khetne kolentsa, kay doosh ap pende anan. Oun kolla, kay o baro Debles moukan, hounte merenn.

O Debleskro Drom 2021 (Sinte)

²⁸ Khetne phagedo wenn kolla, kai o Debleskro dromestar tele djan, khetne kolentsa, kai doosh ap pende anan. Un kolla, kai o baro Debles mukan, hunte merenn.

Jesaja 1:28 ပူးပေါင်းရင်းမြစ်များ

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

2. Familjakro liil 21:10

Pal kova his kol Edomarya bouder gar an i vasta kol menshendar an o them Youda bis ap kava dives. An ko tsiro peran ninna kolla an o foro Libna o themestar Youda tele. Kova vas doleske, kay yob moukas o baro Debles, ko Devel, koles leskre phoure an-mangan.

2. Familjakro liil 28:23

Yob rhačras firhen glan i rhorhene debla dran o foro Damaskus, ninna te dan i lourde dran Damaskus leskre lourden khetne. Yob penas: “Kal debla van i bare rayenge pral o them Syria ap i rig; doleske anau len firhen, te venn le mange ninna ap i rig.” Kolla anan les oun i tsele menshen an leskro them an i bari bibarht.

2. Familjakro liil 28:6

O Israelengro baro ray – leskro lab his Peka, leskro dad his o Remalya – yob peskre lourdentsa maras ap yek dives 120.000 (sheel-te-biish-zerya) kourepangre an o them Youda. Kova his i phagi doleske, kay moukan yon o baro Debles, ko Devel lengre phourendar.

Hiob 31:3

Pral i čilačo vell bibarht, oun koleske, kay krell djoungelo koova, djal či mishto.

Hiob 34:26

Ap i platsa, kay i čilače pengri phagi lenna, oun hakeno nay dikell len, dell lo len lengri phagi.

Hiob 34:27

Kova krell lo doleske, kay djan yon leskro dromestar tele, oun dan gar yak ap kova, hoy yob lendar kamas.

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

Debleskri gili 104:35

Mou ačenn kolla gar djido ap i phoub, kay o Debleskro drom moukan. Mou vell ko tsiro, kay hi bouder kek čilače koy! Miro tselo djiyestar sharau o baro Debles. Sharedo vell o baro Devel!

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Debleskri gili 37:38

Kolla, kay o Deblestar tele peran, venna lauter moulo dino. Oun i čilačendar pengre čaventsa oun čavengre čaventsa ačell kek pral.

Debleskri gili 5:6

Kol pre-phourden kameh tou gar glan tire yaka te dikell, oun tou rhoyreh tout ap hakeneste, kay i vavarenge čilačepen krella.

Debleskri gili 73:27

Koon toutar krik djal, djal tele. Oun koon moukell tout, koles aneh an o moulengro them.

Debleskri gili 9:5

Ava, tou lal miro koova an tiro vast, oun beshal tout ap tiro čačepaskro stamin oun dal man čačes. Tou hal i čačepaskro ray, kay an o čačepen tardo hi.

Debleskri gili 92:9

Tou, baro Devel, hal o pralstouno, oun ačeh hake tsirenge.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Jesaja 24:20

I phoub perell yek rigyatar ap i vavar har i mato, oun perell khetne har i plarhteno kheer. O čilačo koova ap i phoub hi yaake pharo, te perell li oun stell gar bouder pre.

Jesaja 30:13

Kay doosh hi har i phagepen an i kheer. Ko kheer hi bouder gar zoreles tardo, oun ap yek kopo perell lo khetne. Oun kek patsas te vell kova yaake.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jesaja 50:11

T'mer lauter, kay i yag krenn, oun kashta činenn oun an-rhačenn, te denn čourye lentsa, nashenn an t'mari yag! Oun rhačrenn t'men kokres kol kashtentsa, hoy an-rhačan! Kava hi, hoy ap t'mende vell dran o vast o baro Deblestar: An phare douka venn t'mer koy čiddo.

Jesaja 58:2

Yon venn hako dives, har te rodans le man, oun penenn, te kamans le mire dromma te djinell, har te vans le menshe, kay o čačepen krenn, oun pengro Debles gar moukan. Oun yon kamenn, te krap me o čačepen lenge vin, oun te vap pash lende.

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

Jesaja 65:11

T'menge, kay o baro Debles moukan, vell vavarčandes: T'mer bistran miri berga, kay vau an-mangedo, oun čivan o rhorheno debleske, o Gad, rhapen glan. Oun glan o rhorheno debleste, o Meni, čoran mool vin.

Jesaja 66:17

Kolla hi save, kay krenn pen djoudjo, te mangenn le i rhorheno debles an, hoy hi tardo mashkral ap i shoukar platsa. Kolla hi ninna save, kay rhan ko mass i balendar oun i kermuse oun vavar pale-čidde firhendar. Kolla lauter venn khetne trouyel, penell o baro Devel.

Jesaja 66:24

Oun yon djan vin, te dikenn le penge kol moule menshen an, kay mantsa phagan. Kolengro kirmo merell gar, oun lengri yag djal gar vin. Oun yon hi čadepaske halauterenge, kay dikenn le.

Jeremia 17:13

Tou, baro Devel, hal kova, ap koleste i Israelitarya dikenn. Pral halauterende, kay moukan tout, vell ladj. Oun kolla, kay djan toutar krik, kolengre laba venn bistedo har te vans le činlo an i čik. Yon moukan tout, o baro Debles, kova, kay hi har i kvella, dran kolate djido pani vell.

Jeremia 44:12

Me moukau kekes te djivell kolendar, kay ačan djido an o them Youda, oun kay djan an o them Egiptia, te djivenn le kote. Yon halauter hounte merenn kote an o them Egiptia. O rhareha venn le maredo, oun i bokatar merenn le: i tikne oun i bare. Te dikenn vavar menshe, har lenge djal, hi le lenge har praasede menshe, kolendar darenn le. Yon san pral lende. Oun te kamenn le yekes te praasell, penenn le: Mou djal touke har i Israelenge an o them Egiptia!

Hosea 14:9

Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

2. Petro 3:7

Pral o bolepen oun i phoub, hoy kanna kay hi, penas o Devel, te ačenn le yaake rah, bis te venn le rhačedo an i yag. Yon ačenn yaake rah tardo, bis te vell ko dives, kay vell o Debleskri rholi pral i menshende ap kay phoub, oun yob kolen i phagi della, kay gar ap leste shounan.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

1. Samuel 12:25

T'mer te ačenn ap t'maro čilačo drom, palle djan t'mer oun t'maro ray nashedo.”