Jeremia 9:15 - O Debleskro Lab 2024 (Sinte-Manouche)

¹⁵ Me tradau len krik pash menshende, kay prindjrenn yon gar, vitar gar lengre phoure, oun kamau o rharo pal lende bičrell, bis te yon lauter moulo hi.

O Debleskro Drom 2021 (Sinte)

¹⁵ Me tradau len krik pash menshende, kai prindjrenn jon gar, witar gar lengre phure, un kamau o charo pal lende bitchrell, bis te jon lauter mulo hi.

Jeremia 9:15 ပူးပေါင်းရင်းမြစ်များ

Debleskri gili 60:3

Miro Devel, tou čival men pale, oun tradal men kate te kote. Bari rholi hi tout ap mende. Rake mentsa pale lačes!

Debleskri gili 69:21

Kay ladj phagell miro dji, oun krell man nasselo. Patsom, te khaytoms me yekes, te vals yek kay, kay mange mire sva tele khossals. Na-a, kote his kek, gar yek, kay kova krals.

Debleskri gili 75:8

Na-a, o Devel hi o čačepaskro ray, kay ko yekeske i zoor krik lell, oun o vavares bares krell.

Debleskri gili 80:5

Tou, baro Devel oun ray pral o bolepen oun i phoub, har rah kameh tou mentsa rhoyedo te vell, kanna, kay tire menshe tout an-mangenn?

Jesaja 2:17

Palle vell lenge kova krik lino, koleha i menshe phourdan pen pre. Oun lengro sharepen ačell gar. Ap ko dives hi kokres o baro Devel o Devel pral halauter.

Jesaja 2:22

Moukenn tele i menshendar! Lengro djipen hi yaake tikno har i dourho. Hoy hi le moldo?

Jeremia 23:15

Doleske penell o baro Devel, ko ray pral o bolepen oun i phoub, pral lende: Kol rakepangre an Yerusalem kran, te kamenn i menshe an o tselo them či bouder mandar te djinell. Doleske dau me kal rakepangren rhapen te rhal oun pani te piyell, hoy krell len nasselo.

Jeremia 24:10

Me anau kourepen, bok oun nasslepen mank lende, bis te kek lendar pral ačas an kava them, hoy dom len oun lengre phourende.

Jeremia 25:15

O baro Devel, ko Devel pral o Israel, penas ap mande: Le ko khoro mool dran miro vast. Kava khoro hi pherdi miri rholi. De les i tsele natsyonenge te piyell, pash kolende me tout bičrau.

Jeremia 44:27

Me dau garda, te vell bibarht ap lende oun kek barht: Koon dran o them Youda hi, oun an o them Egiptia vas, kova merell o rhareha oun i bokatar, bis te hi kek lendar bouder koy.

Jeremia 49:37

Oun me krau, te lenn i Elamarya traash kolendar, kay kourenn pen lentsa oun kamenn len te marell. Miri rholi pral lende hi baro. Doleske anau bibarht pral lende. Oun bičrau o rharo pal lende, bis te bouder kek lendar pral ačell.

Jeremia 8:14

Hoske ham mer kay trouyel beshdo? [poučenn i menshe dran Youda.] Mer vas khetne, te djas mer an kol zorele forya, te vas koy maredo! Mer moukam o baro Debles, maro rayes. Doleske kamell lo maro merepen, oun dell men savo pani te piyell, hoy marell men.

Ropaskre gilja 3:15

Shoutlo zenlepen das lo man rhapaske, oun shoutlo pipen te piyell.

Ropaskre gilja 3:19

Te dikau, har djoungeles mange djal, oun har mouklo hom, hi kova mange har i shoutlo pipen, hoy nasselo krell.

Ezekiel 5:12

O triinto kotar t'mendar merell ap i pharo nasslepen oun i bokatar. Oun i triinto kotar t'mendar vell glan o foro o rhareha moulo dino. Oun i triinto kotar t'mendar tradau vin ap hake rigya, oun me lau len palla o rhareha.

Ezekiel 5:2

Ap ko tsiro, kay vell o foro dren lino, rhače yek triinto kotar foun kol balla mashkral an o foro. Oun i vavar triinto kotar de ko rhareha paash vin glan kol foreskre voudya. Oun ko vavar triinto kotar vitse pre, te lell len o dourho peha! Yaake lau me i menshen dran Yerusalem palla o rhareha.

5. Mose 28:36

O baro Devel tradell t'men oun ko rayes, koles t'mer pral t'mende čivan, pash i menshende an i vavar them, kay t'mer an kek tsiro djivan, vitar gar t'mare phoure. Oun kote mangenn t'mer oun barrengre deblen an.

5. Mose 29:18

Kek te vell mank t'mende kava dives, kay shounell har kava praasepen vin rakedo vell, oun penell koy pashel an peskro dji: “Kova hi gar mange. Mange djal mishto, ninna te djau pal miro shero.” Kova vals djoungeles t'menge halauterenge, i lačenge har i čilačenge.

Debleskro tsiro 8:11

Oun ko bolepaskri momeli kharella shout. Oun o triinto kotar kol panyestar vas shoutlo. Oun boud kol menshendar, kay piyan ko pani, meran lestar.