Jeremia 52:20 - O Debleskro Lab 2024 (Sinte-Manouche)

²⁰ Kolla douy turme, ko baro thopaskro čaro, kol deesh-te-douy groumya, ap kolende ko thopaskro čaro tardo his, oun kol vourdya, kay o baro ray Salomo moukas te krell o baro Debleskro khereske, kolla lauter his dran yaake boud lolo saster kerdo, te djinas kek, har phares kova his.

O Debleskro Drom 2021 (Sinte)

²⁰ Kolla dui turme, ko baro thopaskro tcharo, kol deesh-te-dui grumja, ap kolende ko thopaskro tcharo tardo his, un kol wurdja, kai o baro rai Salomo mukas te krell o baro Debleskro khereske, kolla lauter his dran jaake bud lolo saster kerdo, te djinas kek, har phares kowa his.

Jeremia 52:20 ပူးပေါင်းရင်းမြစ်များ

1. Rajengro liil 7:25

Tardo his ko thopaskro čaro ap 12 (deesh-te-douy) groumya dran lolo saster. Kolendar dikan triin ap i servi rig, triin ap i palstouni rig, triin ap i čači rig oun triin ap i glanstouni rig. Lengre palstoune herya his mashkral tel o thopaskro čaro. Kova his tardo ap lengre dume.

1. Rajengro liil 7:47

Kol tsele kotya his yaake boud, te moukas o baro ray Salomo gar vin te hatsell, har pharo kova lauter his.

2. Rajengro liil 25:16

Kolla douy turme, ko baro thopaskro čaro oun kol vourdya, kay o Salomo moukas te krell o baro Debleskro khereske, kolla lauter his dran yaake boud lolo saster kerdo, te djinas kek, har phares kova his.

1. Familjakro liil 22:14

Oun kanna dik, me marom man tele te anom boud koova khetne o khereske o baro Deblestar: sheel zerya (100.000) centnarya sonakay oun i zero zerya (1.000.000) centnarya roup; koy pashel lolo saster oun vavar saster yaake boud, kay nay penau gar har boud kova hi. Ninna moukom kasht oun barra te anell. Oun tou nay čiveh gomme boudeder pashel.

2. Familjakro liil 4:18

Oun o Salomo moukas yaake boud kotya dran lolo saster te krell, te nay penas kek, har pharo kova lauter his.

Jeremia 52:17

Oun i lourde dran Babilonia phagan i bare turme paash, hoy dran lolo saster kerdo van oun glan o kheer o baro Deblestar tardo his. Ninna phagan le kol vourdya an kotya oun ko baro thopaskro čaro, hoy dran lolo saster kerdo vas, oun hoy an o baro Debleskro kheer tardo his. Oun ko tselo lolo saster anan i Babilonarya an o them Babilonia.