Jeremia 52:18 - O Debleskro Lab 2024 (Sinte-Manouche)

¹⁸ Ninna lan le pentsa krik kol pirya, bare roya, i činepangre, kolentsa i dorya an i momlia tele činlo venn, oun bare oun tikne čare oun o tselo vavar koova dran lolo saster, kay boudran le leha an o Debleskro kheer.

O Debleskro Drom 2021 (Sinte)

¹⁸ Ninna lan le pentsa krik kol pirja, bare roja, i tchinepangre, kolentsa i dorja an i momlia tele tchinlo wenn, un bare un tikne tchare un o tselo wawar koowa dran lolo saster, kai budran le leha an o Debleskro kheer.

Jeremia 52:18 ပူးပေါင်းရင်းမြစ်များ

1. Rajengro liil 7:40

Oun o Houram kras ninna pirya, bare roya, oun čare. Oun yaake kras lo halauter, hoy o ray Salomo lestar kamas, te krell lo o baro Debleskro khereske.

1. Rajengro liil 7:45

i pirya, bare roya oun čare; Kol tsele kotya, hoy kras o Houram o baro Debleskro khereske, yaake har o baro ray Salomo leske penas, kolla his halauter dran shoukar kerdo lolo saster.

1. Rajengro liil 7:50

i čare, čourya, čare o rateske, roya oun pirya, – kolla lauter his dran djoudjo sonakay; i hidjepangre, hoy i voudya rikrenn: ko voudar glan o Debleskri kouč isema oun o khereskro voudar. Kalla his kerdo dran sonakay.

1. Familjakro liil 28:17

ninna har boud lačo sonakay fer i forshette, i čare oun i khore, oun har boud roup i roupene khorenge,

2. Familjakro liil 4:11

Oun o Houram kras ninna pirya, bare roya, oun čare. Oun yaake kras lo halauter, hoy o ray Salomo lestar kamas, te krell lo o Debleskro khereske.

2. Familjakro liil 4:16

Kol tsele kotya, hoy kras o Houram-Abi o baro Debleskro khereske, yaake har o baro ray Salomo leske penas, kolla his halauter dran shoukar kerdo lolo saster.

2. Familjakro liil 4:22

i čourya, čare o rateske, roya oun pirya, – kolla lauter his dran djoudjo sonakay; kol voudya glan o Debleskri kouč isema oun glan o Debleskro kheer. Kalla his kerdo dran sonakay.

2. Familjakro liil 4:8

Oun yob kras deesh rhapangre oun čivas len ninna an o kheer, panč ap i čači rig oun panč ap i servi rig. Oun yob kras sheel sonakangre čare.

Esra 1:10

30 (triyanda) sonakangre khore oun 410 (star-sheel-te-deesh) roupene khore oun 1.000 (yek zero) vavar koola.

2. Mose 25:29

Dran lačo sonakay kress tou ninna kol čare oun khore, an kolende i mool o Debleske čoredo vell.

2. Mose 25:38

Kre ninna čare, kay i momelengri čik dren vella, oun činepangre, kolentsa i dorya an i momlia tele činlo venna. Kolla lauter venn dran o lačo sonakay kerdo.

2. Mose 27:3

Kre ninna kol tsele koola dran saster, kolentsa boudrenn le ap o Debleskri rhačepaskri: pirya, an kolende i yagakri čik dren vella, bare roya, čare, kay o rat dren vella, massengre forshette, yagakre čare.

2. Mose 37:16

Oun yob kras ninna ko tselo koova, hoy ap i rhapaskri vell, dran lačo sonakay: čare oun khore, an kolende i mool o Debleske dren anlo vell.

2. Mose 37:23

Oun ninna dran lačo sonakay kras lo kol efta momlia, lengre činepangre, kolentsa i dorya an i momlia tele činlo venna, oun i čare, kay i momelengri čik dren vella.

2. Mose 38:3

Oun yob kras kol tsele koola dran lolo saster, kolentsa boudrenn le ap i sasterni rhačepaskri: i pirya, an kolende i yagakri čik dren vella, bare roya, čare, kay o rat dren vella, massengre forshette, yagakre čare.

4. Mose 4:14

Oun ko tselo koova, kay boudrenn yon peha, čivenn le koy pral pre: yagakre čare, massengre forshette, bare roya, kolentsa lenn le i yagakri čik krik, čare, kay o rat dren vella, oun ko tselo koova, hoy koy pashel hi. Pral halauter čivenn le i lači ledertikri plarhta. Palle čivenn le kol hidjepaskre kashta an i goustria ap o bob.

4. Mose 4:7

Oun pral i rhapaskri, kay o Debleskro maro pre čiddo vell, hounte čivenn le ninna i blaueti plarhta. Oun koy pre čivenn le kol pirya oun roya, kol čare oun khore, kay i mool o Debleske dren vella. Ninna o Debleskro maro hounte vell koy pre čiddo.