Jeremia 52:17 - O Debleskro Lab 2024 (Sinte-Manouche)

¹⁷ Oun i lourde dran Babilonia phagan i bare turme paash, hoy dran lolo saster kerdo van oun glan o kheer o baro Deblestar tardo his. Ninna phagan le kol vourdya an kotya oun ko baro thopaskro čaro, hoy dran lolo saster kerdo vas, oun hoy an o baro Debleskro kheer tardo his. Oun ko tselo lolo saster anan i Babilonarya an o them Babilonia.

O Debleskro Drom 2021 (Sinte)

¹⁷ Un i lurde dran Babilonia phagan i bare turme paash, hoi dran lolo saster kerdo wan un glan o kheer o baro Deblestar tardo his. Ninna phagan le kol wurdja an kotja un ko baro thopaskro tcharo, hoi dran lolo saster kerdo was, un hoi an o baro Debleskro kheer tardo his. Un ko tselo lolo saster anan i Babilonarja an o them Babilonia.

Jeremia 52:17 ပူးပေါင်းရင်းမြစ်များ

1. Rajengro liil 7:50

i čare, čourya, čare o rateske, roya oun pirya, – kolla lauter his dran djoudjo sonakay; i hidjepangre, hoy i voudya rikrenn: ko voudar glan o Debleskri kouč isema oun o khereskro voudar. Kalla his kerdo dran sonakay.

2. Rajengro liil 20:17

Ko tsiro vella, kay halauter an o them Babilonia anlo vella, hoy an tiro kheer hi, oun hoy tire phoure khetne čivan bis ap kava dives. Oun či ačell kate. Kova penell o baro Devel.

2. Familjakro liil 36:18

Oun o tselo koova dran o Debleskro kheer, bare oun tikne koola, ninna ko kouč koova dran o baro Debleskro kheer oun o bravlepen o baro rayestar oun kol pralstunendar an o them, halauter moukas o Neboukadnezar an o foro Babilon te anell.

Jeremia 52:20

Kolla douy turme, ko baro thopaskro čaro, kol deesh-te-douy groumya, ap kolende ko thopaskro čaro tardo his, oun kol vourdya, kay o baro ray Salomo moukas te krell o baro Debleskro khereske, kolla lauter his dran yaake boud lolo saster kerdo, te djinas kek, har phares kova his.

Ropaskre gilja 1:10

Oun yon čivan pengre vasta ap lakro tselo kouč koova. Yoy hounte dikas peske yakentsa, har i vavar menshe an lakro Debleskro kheer dren djan. Oun tou, baro Devel, penal, te hounte djan yon gar kote dren.

Ezekiel 40:49

Koy tseli glanstouni halla his deesh metarya bourhlo oun shob metarya lengsto. Oun deesh stufe djan ap late pre. Oun pash o voudar his ap haki rig yek turmo tardo.

Daniel 1:2

Oun o baro Devel, maro ray, das o Yoyakimes, ko baro rayes pral o them Youda, an o vast o baro rayestar dran o them Babilonia. Ninna ko shoukar koova, hoy an o Debleskro kheer his, kolestar peras an leskre vasta. Oun yob anas kova an o them Shinar, an o kheer leskro deblestar. Oun čivas les pash ko bravlepen leskro deblestar pashel.