Jeremia 51:50 - O Debleskro Lab 2024 (Sinte-Manouche)

⁵⁰ T'mer i menshendar Israel, kay van gar maredo, djan vin dran o foro Babilon! Oun rikrenn t'men gar pre! Ninna te han an i dour them, ma bistrenn o baro Debles, vitar gar o foro Yerusalem!

O Debleskro Drom 2021 (Sinte)

⁵⁰ Tumer i menshendar Israel, kai wan gar maredo, djan win dran o foro Babilon! Un rikrenn tumen gar pre! Ninna te han an i dur them, ma bistrenn o baro Debles, witar gar o foro Jerusalem!

Jeremia 51:50 ပူးပေါင်းရင်းမြစ်များ

Debleskri gili 122:6

Mangenn o Deblestar i barht pral o foro Yerusalem oun penenn: “Kolenge, kay kamenn tout, Yerusalem, mou djal mishto!

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 51:11

Kolen o baro Devel dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 52:2

Yerusalem, ste pre dran i čik! Trissle koy čik tele! Oun besh tout ap i rayeskri beshepaskri! Vitse kol shelle tele, hoy troul tiri meen pandlo hi, tou stildi čay Sion!

Jeremia 31:21

Tou terni čay Israel, mouk touke an o shero te vell, havo drom tou djal, har djal an o pandepen. Ap kava drom djas pale khere an tire forya! Čip barra pre pash o drom, hoy sikrenn toute, har te djas!

Jeremia 44:28

Kokres i vast pherdo lendar vell gar maredo o rhareha an Egiptia, oun vell pale an o them Youda. Yaake hayvenn halauter, kay pral ačan dran o them Youda, oun kay an o them Egiptia djan, te djivenn le kote, havo rakepen čačo vas, miro rakepen oder lengro rakepen.

Jeremia 50:8

Nashenn sik dran o foro Babilon, moukenn ko them! Oun krenn har i morsh bakre, kay nashenn glan kol vavar bakre!

Jeremia 51:45

T'mer Israelitarya, mire menshe, djan vin dran ko them! Hakeno t'mendar mou nashell peskro djipaske! Miri bari rholi vell pral o foro.

Jeremia 51:6

Nashenn sik dran o foro Babilon, nashenn t'maro djipaske! te djan gar halauter tele an koy doosh, hoy kava foro ap peste anas! Kova hi o baro Debleskro tsiro, kay dell lo i Babilonaryen ko čilačepen pale, hoy kolla kran.

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Daniel 6:11

Oun har o Daniel shounas, te vas savo lab činlo o baro rayeskro labeha koy tele, djas lo an peskro kheer. Oun an peskri pralstouni isema his les valya, ap koy rig, kay o foro Yerusalem hi. Oun triin kope an o dives djas lo tele ap peskre čanga oun mangas peskro Debles an oun sharas les. Oun kova kras lo kanna ninna har hako vavar dives.

Debleskro tsiro 18:4

Oun me shounom, har yek vavar dran o bolepen rakras oun penas: “Mire menshe! Djan dran ko foro vin, te lenn t'mer gar leskri doosh oun leskri bibarht ap t'mende!