Jeremia 51:41 - O Debleskro Lab 2024 (Sinte-Manouche)

⁴¹ O foro Sheshak hi khetne phagedo! Ko foro, hoy ap i tseli phoub bares an-diklo his, hi dren lino! Har nay vas kova? I menshenge an i vavar themma ačell o rakepen krik i trashatar.

O Debleskro Drom 2021 (Sinte)

⁴¹ O foro Sheshach hi khetne phagedo! Ko foro, hoi ap i tseli phub bares an-diklo his, hi dren lino! Har nai was kowa? I menshenge an i wawar themma atchell o rakepen krik i trashatar.

Jeremia 51:41 ပူးပေါင်းရင်းမြစ်များ

2. Familjakro liil 7:21

Oun hakeno kay djal kate, oun dikell, hoy pral ačas kava kherestar, hoy kanna yaake baro oun raylo hi, koleske ačell o rakepen krik i trashatar, oun yob penell: “Hoske kras o baro Devel savo koova kava themeha oun kava khereha?”

Jesaja 13:19

O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

Jesaja 14:4

Palle givenn le kay sapaskri gili pral o baro rayeste pral Babilon: Har nay djal kova? Tou, kay menge i pharo djipen kral, val dino. Kekes nay doukreh bouder.

Jeremia 25:26

i tsele bare raya an kol themma, kay kote čiddo hi, kay norden hi. Ava, i tsele themma ap i phoub, kolla, kay hi dour, oun kolla kay hi gar dour o themestar Israel. Lengre bare raya hounte piyenn dran ko khoro, yek pal o vavar. Oun o baro ray pral Sheshak hounte piyell pal lende.

Jeremia 49:25

Har hi lo kanna kokres mouklo, ko bravelo oun barhtelo foro!

Jeremia 50:23

Babilonia, tou hal har i depaskro saster, kay das vavar themma an kotya. Kanna veh tou ninna tele phagedo oun an kotya dino. I menshenge an i vavar themma ačell o rakepen krik, te dikenn le tout.

Jeremia 50:46

Te vell o foro Babilon dren lino, trissell i phoub koy golyatar. Oun koy ropaskri gole vell shounlo an i vavar themma.

Jeremia 51:37

Či te ačell o forestar Babilon har barra, oun divye djoukle djivenn kote. Kolenge, kay dikenn ko foro, ačell o rakepen krik i trashatar. O foro vell lenge sapaske. Oun kek mensho djivell bouder kote.

Ezekiel 27:35

I daar taprell i tsele menshen, kay pash o baro pani djivenn, oun shounenn, hoy touha djas. Oun lengre rayenge ačenn i balla tardo i trashatar. Oun lengre mouya venn parno.

Daniel 2:38

Oun das an tiro vast i tsele themma, kay menshe djivenna, ninna i firhen an o veesh oun i čirklen tel o bolepen. Oun kras tout ray pral lende. Tou hal ko shero dran sonakay.

Daniel 4:22

Tou veh pale-čiddo oun hounte djivess pash i firhende oun bouder gar mank i menshende. Yon denn tout khass te rhal har i groumyen. Oun tou čiveh tout vin tele. Oun o brishin perell ap toute tele oun krell tout sapenes. Oun efta bersha djan yaake trouyel, bis te tou hayveh, te hi o pralstouno Debles i tsele rayengre themma an peskro vast, oun yob dell kol themma koleste yob kamell.

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

5. Mose 28:37

Te dikenn i menshe an i themma, hoy troul t'mende hi, har t'menge djal, ačell lenge o rakepen krik i trashatar pral kova. Oun yon rakrenn oun sanenn pral t'mende.