Jeremia 51:37 - O Debleskro Lab 2024 (Sinte-Manouche)

³⁷ Či te ačell o forestar Babilon har barra, oun divye djoukle djivenn kote. Kolenge, kay dikenn ko foro, ačell o rakepen krik i trashatar. O foro vell lenge sapaske. Oun kek mensho djivell bouder kote.

O Debleskro Drom 2021 (Sinte)

³⁷ Tchi te atchell o forestar Babilon har barra, un diwje djukle djiwenn kote. Kolenge, kai dikenn ko foro, atchell o rakepen krik i trashatar. O foro well lenge sapaske. Un kek mensho djiwell buder kote.

Jeremia 51:37 ပူးပေါင်းရင်းမြစ်များ

2. Familjakro liil 29:8

Doleske vas i rholi o baro Deblestar pral o them Youda oun o foro Yerusalem. Oun yob moukas mentsa savo koova te krell, te ačell kol vavar menshenge, kay kova dikenn, o rakepen krik i trashatar, oun yon rissrenn pengre yaka krik. Oun mer vam lenge sapaske, har t'mer t'mare yakentsa dikenna.

Jesaja 14:23

Me krau dran o foro i sapeni platsa, kay i starhelengre djivenn. Oun khossau o tselo foro krik, har yek i besa lell oun o kheer vin khossell. Kova penau me, o baro Devel, ko ray pral o bolepen oun i phoub.

Jeremia 18:16

Doleske vell lengro them har i moulo them, kay le daar lenna. Oun kolenge, kay dikenn kova, ačell o rakepen krik. Oun yon denn i vasta pral o shero khetne.

Jeremia 19:8

Me kamau savi bari bibarht pral kava foro te anell, kay hakeneske, kay dikell kova, o rakepen krik ačella oun yob pral leste sala.

Jeremia 25:12

Pal kol efta-deesh bersha dau me i phagi ko rayeske pral o them Babilonia oun leskre menshenge koy doshake, hoy le ap pende anan. Palle vell o them Babilonia i moulo them hako tsireske.

Jeremia 25:18

Kolla his i menshe pengre bare rayentsa oun pralstunentsa an o foro Yerusalem oun an kol vavar forya an o them Youda. Yon hounte piyenn, te venn le khetne dino oun paash kerdo, yaake te denn i vavar menshe i vasta khetne pral o shero oun rakrenn lendar har praasede menshendar.

Jeremia 25:9

Doleske moukau kol lourden te vell dran i themma, kay kote čiddo hi, kay norden hi. Lengro pralstouno hi o baro ray, o Neboukadnezar, dran o them Babilonia. Koles rodom vin, te krell yob, hoy kamau. Kolla perenn pral t'mende oun t'maro them, ninna pral kol tsele themma kay trouyel. Kal themma moukau yaake paash te dell, te ačell či har barra pral hako tsireske. Oun i vavar menshenge, kay kova dikenn, ačell o rakepen krik i trashatar, oun yon denn i vasta pral o shero khetne.

Jeremia 29:18

O kourepen, i bok oun o nasslepen lenn len palla. Oun i menshe dran i tsele themma ap kay phoub denn i vasta khetne pral o shero, te dikenn le len. An hako them, kay tradau len, dikenn le ap lende har ap praasede menshende, kolendar darenn le. Oun yon denn shol pral lende oun praasenn len.

Jeremia 49:17

Me kamau o them Edom yaake paash te krell, kay hakeneske, kay dikell kova, o rakepen krik ačella, oun yob pral kova sala, har kava themeske djas.

Jeremia 49:33

O them Hazor vell i moulo them hako tsireske. Divye djoukle djivenn koy, oun bouder kek menshe. Kek mensho krell pes kote i kheer.

Jeremia 51:29

I phoub trissella oun darella! Kova, hoy o baro Devel pes glan las, vell yaake: O foro Babilon oun o tselo them Babilonia vell i moulo them, kay bouder kek nay djivella.

Jeremia 9:11

Me poučom: Baro Devel, hoske rhačell ko them oun vell moulo, yaake kay nay djal kek bouder koy trouyel? Koon hi gosevo oun hayvell kova? Ap koneste penal tou kova, yaake te penell yob kova i vavarenge?

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

Nahum 3:6

Me vitsrau čik ap toute oun praasau tout, oun sikrau halauterenge tiri ladj.

Zefanja 2:15

Yaake djala ko foreske, hoy hi yaake pre-phourdo, oun koleskre menshe patsenn, te djal lenge kek čilačepen, oun an pengro dji penenn: “Dell kek foro har maro foro!” Har mouklo vell ko foro! Divye firhe djivenna koy! Hakeno, kay nashell koy trouyel, sal pral leste, oun dell peskre vasta pral o shero khetne.

Debleskro tsiro 18:2

Oun yob das zoreles oun bares gole: “O foro peras khetne! O baro foro Babilon peras khetne! Kanna djivenn kote i benga. Kote khatrenn pen kol čirkle oun vavar firhe, kay pale-čiddo hi, oun i menshe darenn lendar.