Jeremia 50:27 - O Debleskro Lab 2024 (Sinte-Manouche)

²⁷ Marenn i tsele terne morshen, denn len tele čourye har terne gourma! Har djoungeles djal lenge! Lengro dives vas, ko tsiro, kay lenn le pengri phagi!

O Debleskro Drom 2021 (Sinte)

²⁷ Marenn i tsele terne murshen, denn len tele tchurje har terne gurma! Har djungeles djal lenge! Lengro diwes was, ko tsiro, kai lenn le pengri phagi!

Jeremia 50:27 ပူးပေါင်းရင်းမြစ်များ

Hiob 18:20

Te vell o dives, kay vell leskri phagi pral leste, lenn kolla traash, kay kote djivenn, kay o kham pre djal. Oun kolenge ačell o rakepen krik i daryatar, kay kote djivenn, kay o kham tele djal.

Debleskri gili 22:12

Ač gar dour mandar, man hi daar, oun kek hi ap miri rig tardo.

Debleskri gili 37:13

O baro Devel sal pral leste, yob dikell leskro dives te vell.

Jesaja 21:12

Me penau: “Ninna te vell o dives sik, kanna hi gomme rat! Te kamenn i vavar kopo te poučell, palle avenn pale!”

Jesaja 34:6

O rharo o baro Deblestar hi pherdo rat oun thulepen, yaake har i čouri pherdo rat oun boukengro thulepen hi ap ko dives, kay venn terne bakre, bouzya oun morsh bakre maredo o Debleske. Kanna rikrell o baro Devel i marepaskro dives an o foro Bozra, oun marell boud boud menshen an o them Edom.

Jesaja 34:7

Ninna divye gourma merenn lentsa, terne gourma khetne kol zorele phourentsa. Oun lengro them vell pherdo rat, oun thulepen čakrell lengri phoub.

Jeremia 12:3

Baro Devel, tou dikeh oun prindjreh man, oun djineh, kay miro dji hako tsiro pash toute his. Kol vavaren tserde krik har bakre krik tserdedo venn, te venn yon maredo! Oun čip len ap i rig, te venn yon moulo dino!

Jeremia 25:34

T'mer pralstoune, kay hounte vans har bakrengre o baro Debleskre menshenge, rovenn oun denn gole! Čivenn t'men tele an i yagakri čik! O tsiro hi koy, kay venn maredo. T'mer perenn tele oun venn phagedo har i kouč khoro, hoy perell tele.

Jeremia 27:7

I menshe dran i tsele themma hounte boudrenn leske oun leskro čaveske, oun koleskro čaveske, bis te vell ko tsiro, kay nashrell ninna leskro them peskri zoor. Oun menshe dran vavar bare themma oun lengre zorele bare raya venn i raya pral lende.

Jeremia 46:21

Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

Jeremia 48:10

Praasedo hi, koon o baro Debleskri boudi čiddo moukell; praasedo hi, kay rikrell leskro rharo pale, te marell lo gar!

Jeremia 48:15

O them Moab vell paash dino, oun leskre forya venn dren lino. Leskre feteder lourde djan vin, te kourenn le pen, oun venn maredo. Kova penell o baro ray, kay kharell baro Devel, ko ray pral o bolepen oun i phoub.

Jeremia 48:44

Kova kay nashell peske glan koy bari traash, kova perell an i rheb dren, oun kova kay nay stakrell dran i rheb vin, kova vell i doryentsa pandlo. Ava, ko bersh vella, kay dau i menshenge an o them Moab pengri phagi. Kova penell o baro Devel.

Jeremia 50:11

Ninna te han barhtelo oun sharenn t'men, kay randan miro them vin, oun stenn har o terne groumya an o zenlepen, oun denn gole har i zorele graya,

Jeremia 50:31

Dik, tou pre-phourdo, me kamau ap toute te vell, penell o baro Devel, ko ray pral o bolepen oun i phoub; tiro dives vas, ko tsiro, kay tiri phagi leh.

Jeremia 51:40

Me kamau len kote te anell, kay venn le tele čourye dino har terne bakre, morsh bakre oun bouzya.

Ropaskre gilja 1:21

I menshe shounan, har dau phares dourho, oun kek vell, te penell lo mange lače laba. Kolla, kay hi rhoyedo ap mande, shounan miri bibarhtyatar, oun sanan, te kral tou kova mantsa. Mouk ko dives te vell, kolestar rakral, te djal lenge har mange kanna.

Debleskro tsiro 18:10

Dour glan o foro hi le tardo i daryatar, te vell koy bibarht ninna ap lende, oun yon penenna: “Dikenn! Havi bibarht! Havi bibarht! O baro foro Babilon, o zorelo foro! Leskri phagi vas an yek tikno tsiro pral leste.”

Debleskro tsiro 19:17

Oun me dikom i bolepaskro an o kham tardo. Kova das zoreles gole, oun penas ap i tsele čirkle, kay denn pen dour pral an o bolepen. “Avenn kate pash o Debleskro baro rhapen khetne,