Jeremia 50:10 - O Debleskro Lab 2024 (Sinte-Manouche)

¹⁰ Yon čorenn o tselo them Babilonia vin. Halauter kay kote randenna, venn čalo. Kova penell o baro Devel.

O Debleskro Drom 2021 (Sinte)

¹⁰ Jon tchorenn o tselo them Babilonia win. Halauter kai kote randenna, wenn tchalo. Kowa penell o baro Dewel.

Jeremia 50:10 ပူးပေါင်းရင်းမြစ်များ

Jesaja 33:23

Te vell yek shiffo, palle hi lengre pesse shelle gar zoreles pandlo, oun nay rikrenn ko mashkralstouno pesso kasht gar. Oun kol plarhte hi gar bourhles kerdo. Palle venn kolla, kay pash o pani djivenn oun lenn, hoy le hatsenn. Ninna kolla, kay bango djan, hidjrenn čomone krik, – yaake boud hi koy.

Jesaja 33:4

Palle perah pral kova, hoy le čiddo moukan, har stepangre perenn pral o zenlepen, ava, har boud stepangre venna oun halauter pre rhana.

Jesaja 45:3

Me dau tout bravlepen, hoy khatedo his, oun kouč koova, hoy mishto čakedo his. Te hayvess tou, te hom me o baro Devel, ko Devel pral o Israel, oun dom tout gole pash tiro lab.

Jeremia 25:12

Pal kol efta-deesh bersha dau me i phagi ko rayeske pral o them Babilonia oun leskre menshenge koy doshake, hoy le ap pende anan. Palle vell o them Babilonia i moulo them hako tsireske.

Jeremia 27:7

I menshe dran i tsele themma hounte boudrenn leske oun leskro čaveske, oun koleskro čaveske, bis te vell ko tsiro, kay nashrell ninna leskro them peskri zoor. Oun menshe dran vavar bare themma oun lengre zorele bare raya venn i raya pral lende.

Jeremia 50:26

Avenn pral kava them haki rigyatar, krenn leskre djobenge khera pre, vitsrenn halauter khetne ap i phoub, oun rhačrenn les pre, te ačell či pral!

Jeremia 50:37

O rharo mou vell pral lengre graya oun lengre kourepaskre vourdya, oun pral hake lourdende, kay venn dran vavar themma, te venn le har djouvya! O rharo mou vell ninna pral lengro bravlepen, kova vell lenge krik lino!

Jeremia 51:24

Kanna dikenn t'mer, har playsrau o foreske Babilon oun i tsele menshenge, kay an o them Babilonia djivenn, lengro tselo čilačepen pale pale, hoy yon ap i berga Sion kran. Kova penell o baro Devel.

Ezekiel 11:24

Oun an ko dikepen, hoy dikom, oun hoy vas o Deblestar, hadas man o dourho pre, oun anas man pale pash kolende, kay pandlo krik anlo van an o them Babilonia. Oun ko dikepen, hoy dikom, djas krik.

Habakuk 2:8

Tou čoral i menshen an boud themma vin. Tou maral boud lendar, kral lengro them oun lengre forya paash, oun djal zoryah ap halauterende, kay kote djivenn. Doleske čorenn tout kanna kolla vin, kay djido ačan.

Debleskro tsiro 17:16

Oun kol deesh shinga, hoy dikal, khetne o firheha venn le rhoyedo ap koy djouvel, oun lenn lake lauter krik, hoy lat hi, yaake te hi li nango. Oun yon rhan lakro mass oun rhačrenn lat pre.