Jeremia 48:32 - O Debleskro Lab 2024 (Sinte-Manouche)

³² T'mer menshe an o foro Sibma, rovau boudeder pral t'mende har rovom pral o foro Yaser. Tou hal har i drakengro rouk; tire lengste kashta djan pral o baro pani, oun van bis pash o foro Yaser. An ko tsiro, kay i drake oun i vavar roukengre dren anlo venn, venn kolla pral lende, kay lauter paash krenna. Či ačell pral.

O Debleskro Drom 2021 (Sinte)

³² Tumer menshe an o foro Sibma, rowau budeder pral tumende har rowom pral o foro Jaser. Tu hal har i drakengro ruk; tire lengste kashta djan pral o baro pani, un wan bis pash o foro Jaser. An ko tsiro, kai i drake un i wawar rukengre dren anlo wenn, wenn kolla pral lende, kai lauter paash krenna. Tchi atchell pral.

Jeremia 48:32 ပူးပေါင်းရင်းမြစ်များ

Jeremia 40:10

Me ačau kate an Mispa, oun hom t'maro rakepaskro, kay rakrau ap i Babilonarya, te venn le pash mende. Djan an t'mare forya, oun djivenn pale kote! Anenn dren, hoy kote bares vas: molyengre drake, niyaleskre roukengre oun djeteskre drake. Krenn mool oun djet oun čivenn kova lauter an bare pirya!

Jeremia 48:15

O them Moab vell paash dino, oun leskre forya venn dren lino. Leskre feteder lourde djan vin, te kourenn le pen, oun venn maredo. Kova penell o baro ray, kay kharell baro Devel, ko ray pral o bolepen oun i phoub.

Jeremia 48:18

T'mer an o foro Dibon, kay han pre-phourdo pral t'maro raylepen, djan tele oun beshenn t'men an i čik! Kolla, kay phagan i vavar forya an o them Moab khetne, venn pash t'mende, oun krenn t'mare zorele khera paash.

Jeremia 48:8

O marepaskro, kay halauter marella, vell pral hako foro an tiro them, kek foro ačell tardo. O telstouno them vell har o moulo them, oun o pralstouno them vell khetne stakedo. Kova penas o baro Devel.

4. Mose 21:32

Oun o Mose bičras morshen vin pash o foro Yaser, te hatsenn le vin, har zorelo ko foro hi. Oun i Israelitarya lan ko fores penge dren, ninna kol gaba, hoy koy pashel hi. Oun yon tradan kol Amorarya krik, kay koy dren his.

4. Mose 32:1

I menshen dran o kheer Ruben oun dran o kheer Gad his boud firhe. Oun yon dikan, te hi lačo zenlepen i firhenge an ko them Yaser oun Gilead.

4. Mose 32:3

“Ko them pash kol forya Atarot, Dibon, Yaser, Nimra, Heshbon, Elale, Sibma, Nebo, oun Beon,

4. Mose 32:35

Atrot-Shofan, Yaser, Yogboha

4. Mose 32:38

Nebo, Baal-Meon oun Sibma oun dan kol foryen, kay yon kran, neve laba.

Josua 13:19

Kiryatayim, Sibma, Seret-Shahar ap koy berga hoy an i tala čiddo hi;

Josua 13:25

Ko foro Yaser oun i tsele forya an o them Gilead oun o paash them Ammon bis pash o foro Aroer, hoy ap koy rig o forestar Rabba čiddo hi, kay o kham pre djal.

Josua 21:39

Heshbon oun koy phoub troul o foro, kay i firhe nay rhan; Yaser oun koy phoub troul o foro, kay i firhe nay rhan.