Jeremia 46:26 - O Debleskro Lab 2024 (Sinte-Manouche)

²⁶ Me dau len an i vasta kolendar, kay kamenn len te marell: an o vast ko baro rayestar dran Babilonia, o Neboukadnezar, oun an o vast leske bare morshendar. Pal ko tsiro vell pale yaake har an i phoure tsirya: An o them Egiptia djivenn pale menshe. Kova penell o baro Devel.

O Debleskro Drom 2021 (Sinte)

²⁶ Me dau len an i wasta kolendar, kai kamenn len te marell: an o wast ko baro rajestar dran Babilonia, o Nebukadnezar, un an o wast leske bare murshendar. Pal ko tsiro well pale jaake har an i phure tsirja: An o them Egiptia djiwenn pale menshe. Kowa penell o baro Dewel.

Jeremia 46:26 ပူးပေါင်းရင်းမြစ်များ

Jesaja 19:4

Oun me dau o them Egiptia an o vast i čilačo rayestar. Ava, yek, kay djal zoryah ap lende, vell lengro baro ray. Kova penell o baro Devel, ko ray pral o bolepen oun i phoub.

Jeremia 44:30

Me dau o baro rayes pral o them Egiptia – leskro lab hi Farao Hofra – an i vasta kolendar, kay kamenn les te marell, yaake har dom o Sedekyes, ko rayes dran o them Youda, an o vast o rayestar pral o them Babilonia, kova kay kamas les te marell. Leskro lab hi Neboukadnezar. Kova penau me, o baro Devel.

Jeremia 48:47

I dives vell, kay krau me, te vell i menshenge dran o them Moab pale lauter mishto, penell o baro Devel. Kate herell pre, hoy o Yeremia pral o them Moab penas.

Jeremia 49:39

Pal i rah tsiro krau me, te vell i menshenge dran o them Elam pale lauter mishto. Kova penell o baro Devel.

Ezekiel 32:11

Kava penell o baro Devel, maro ray: O baro ray dran o them Babilonia vell, te kourell lo pes touha.

Amos 9:11

O baro Devel penell: Ap ko dives krau o Davideskro kheer neves, kova hoy kanna khetne peredo hi. Kote, kay lo paash hi, krau les tseles. Kote, kay barra vin phagedo hi, čivau len pale pre. Me krau les yaake har lo glan boud tsiro his.