Jeremia 45:4 - O Debleskro Lab 2024 (Sinte-Manouche)

⁴ Pen leske: Kova penell o baro Devel: Dik, miro them, hoy me bares krom, kova krau me paash. Mire menshe, kolendar i natsyona krom, tradau vin dran o them.

O Debleskro Drom 2021 (Sinte)

⁴ Pen leske: Kowa penell o baro Dewel: Dik, miro them, hoi me bares krom, kowa krau me paash. Mire menshe, kolendar i natsjona krom, tradau win dran o them.

Jeremia 45:4 ပူးပေါင်းရင်းမြစ်များ

Sikepaskro 3:3

Dell yek tsiro, kay vell maredo, oun yek tsiro, kay vell o doukepen sasto; yek tsiro, kay vell o kheer tele phagedo, oun yek tsiro, kay vell o kheer pre-čiddo.

Jeremia 1:10

Dik kay! Me dau tout kay dives penepaske pral boud menshende oun themma, te tradess len vin, phagess len khetne, dess len tele oun kress len paash, oun moukess len pale bares te vell, oun kress len zoreles.

Jeremia 11:17

Me, o baro Devel, ko ray pral o bolepen oun i phoub, krom dran o kheer Israel oun dran o kheer Youda i natsyona. Oun yon kran čilačo koova oun rhoyran man, har rhačran le firhen o debleske Baal. Doleske dau len trad, te vell bari bibarht pral lende.

Jeremia 12:2

Yon hi har rouka, kay tou čival an i phoub. Yon van baro oun zorelo, oun hidjrenn boud roukengre. Lengro mouy rakrell lačepen toutar, lengro dji hi dour toutar krik.

Jeremia 31:28

Yaake har garda dom, te van le vin tserdedo oun khetne phagedo, paash kerdo, oun tele dino oun doukedo, yaake dau palle garda, te venn le pale bares oun zoreles, penell o baro Devel.

Ropaskre gilja 2:6

Yob phagas peskro kheer tele, har te vals lo i kashteno kheer an i baar, oun kras koy platsa paash, kay vam khetne glan leste. Yob kras, te vell bouder kek an o foro Sion ap i bare divessa oun ap o Debleskro dives. An peskri zoreli rholi čivas lo o baro rayes oun i rashayen pale.

Hosea 2:14

Me krau lakre drakengre rouka paash, ninna lakre faygetikre rouka, kolendar yoy penas: “Kolentsa playsran man mire pirne.” Me krau i divyo veesh dran lende. Oun kol roukengre, hoy pral ačenn, rhan i divye firhe.

5. Mose 28:63

Oun yaake har o baro Debleske shoukar his, te krell lo t'menge lačepen, oun te krell lo t'mendar boud menshe, yaake vell leske palle shoukar, te krell lo t'menge čilačepen, bis te ačenn gar boud t'mendar pral. Oun dran ko them, kay kanna dren djan, te lenn les t'menge dren, venn t'mer palle vin tserdedo.