Jeremia 45:1 - O Debleskro Lab 2024 (Sinte-Manouche)

¹ An o starto bersh, har o Yoyakim, koleskro dad o Yosia his, o baro ray pral o them Youda his, činas o Barouk, koleskro dad o Neriya his, halauter an i liil, hoy o Debleskro rakepaskro, o Yeremia, leske penas. Koy penas o Yeremia ap o Barouk:

O Debleskro Drom 2021 (Sinte)

¹ An o starto bersh, har o Jojakim, koleskro dad o Josia his, o baro rai pral o them Juda his, tchinas o Baruch, koleskro dad o Nerija his, halauter an i liil, hoi o Debleskro rakepaskro, o Jeremia, leske penas. Koi penas o Jeremia ap o Baruch:

Jeremia 45:1 ပူးပေါင်းရင်းမြစ်များ

2. Rajengro liil 24:1

An ko tsiro, har o Yoyakim o baro ray his, djas o baro ray dran o them Babilonia peskre lourdentsa pre ap o them Youda. Leskro lab his Neboukadnezar. Oun o Yoyakim hounte vitsras pes tel leste oun hounte playsras leske boud love. Pal triin bersha phagas lo leha oun kras bouder gar, hoy kova kamas.

2. Familjakro liil 36:5

Har vas o Yoyakim baro ray, his lo 25 (biish-te-panč) bersh phouro. Oun yob his 11 (deesh-te-yek) bersh baro ray an o foro Yerusalem. Oun yob kras, hoy čilačo his glan i yaka o baro Deblestar, kay leskro Devel his.

Jeremia 25:1

O Yoyakim, koleskro dad o Yosia his, his o starto bersh o baro ray pral o them Youda. Oun o Neboukadnezar his o ersto bersh baro ray pral o them Babilonia. Koy rakras o baro Devel ap o Yeremia, oun das les i lab o tselo themeske Youda.

Jeremia 26:1

Kava hi ko lab, hoy penas o baro Devel ap mande. Kova his i tikno tsiro palla, kay vas o Yoyakim, koleskro dad o Yosia his, o baro ray pral o them Youda:

Jeremia 32:12

oun dom hake douy lila o morsheste Barouk. Koleskro dad his o Neriya, koleskro dad his o Maasseya. Koy pashel his miro neboudo, o Hanamel, oun kol morsha kay kova halauter dikan, oun kay tel o ginepaskro liil pengro labeha tardo his, ninna i tsele morsha dran Youda, kay ap i lourdengri platsa his.

Jeremia 32:16

Oun har dom me ko liil o Baroukeste, koleskro dad o Neriya his, rakrom o baro Debleha oun penom:

Jeremia 36:1

O Yoyakim, koleskro dad o Yosia his, kova his an o starto bersh baro ray pral o them Youda, koy penas o baro Devel ap o Yeremia:

Jeremia 36:2

Le i liil oun čin halauter dren, hoy penom touke pral o Israel oun o Youda, oun i menshende an kol tsele vavar themma dran ko tsiro, kay o baro ray Yosia djivas bis kava dives.

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Jeremia 36:32

Koy las o Yeremia i nevo liil oun das les o Baroukes, ko činepaskres, koleskro dad o Neriya his. Oun o Barouk činas kol tsele laba pre, hoy o Yeremia leske glan penas, kol laba, hoy an o ersto liil tardo his, hoy o Yoyakim, ko baro ray pral Youda an i yag vitsras. Oun boud vavar laba, hoy yaake har kolla his, van koy pashel činlo.

Jeremia 36:4

Koy kharas o Yeremia o morshes, koleskro lab Barouk hi. Leskro dad his o Neriya. Oun o Barouk činas i tsele laba pre, hoy o baro Devel ap o Yeremia penas, yaake har o Yeremia leske kova penas.

Jeremia 45:2

O baro Devel, ko ray pral o bolepen oun i phoub, kay o Israeleskro Devel hi, penell pral toute:

Jeremia 46:2

An o starto bersh, har o Yoyakim, koleskro dad o Yosia his, ko baro ray pral o them Youda his, rakras o baro Devel pral o them Egiptia. Koy his i lourde o Faraestar Neko, ko baro ray pral o them Egiptia, pash o pani Eufrat tardo pash o foro Karkemish. Oun o Neboukadnezar, ko baro ray dran o them Babilonia, kouras pes lentsa oun das len.

Jeremia 51:59

Kal tsele laba, kay penenn, havi bibarht pral o foro Babilon vell, činas o Debleskro rakepaskro, o Yeremia, an i liil. Kava liil das lo i morsheste, kova kharas Seraya. Leskro dad his o Neriya, koleskro dad his o Maasseya. Kova his an ko tsiro, har o Sedekya an o starto bersh baro ray pral o them Youda his, oun an o foro Babilon djas. O Seraya djas leha. Oun an leskro vast his, te dikell lo, kay lauter mishto djas ap o drom.

Daniel 1:1

An ko tsiro, har o Yoyakim an o triinto bersh o baro ray pral o them Youda his, vas o baro ray pral o them Babilonia – leskro lab his Neboukadnezar – glan o foro Yerusalem, oun čivas pes peskre lourdentsa troul o foro.