Jeremia 44:28 - O Debleskro Lab 2024 (Sinte-Manouche)

²⁸ Kokres i vast pherdo lendar vell gar maredo o rhareha an Egiptia, oun vell pale an o them Youda. Yaake hayvenn halauter, kay pral ačan dran o them Youda, oun kay an o them Egiptia djan, te djivenn le kote, havo rakepen čačo vas, miro rakepen oder lengro rakepen.

O Debleskro Drom 2021 (Sinte)

²⁸ Kokres i wast pherdo lendar well gar maredo o chareha an Egiptia, un well pale an o them Juda. Jaake haiwenn halauter, kai pral atchan dran o them Juda, un kai an o them Egiptia djan, te djiwenn le kote, hawo rakepen tchatcho was, miro rakepen oder lengro rakepen.

Jeremia 44:28 ပူးပေါင်းရင်းမြစ်များ

Debleskri gili 33:11

Kova, hoy o baro Devel kamell te krell, ačell zoreles tardo, oun kova, hoy les an peskro dji hi, te krell lo, ačell yaake rah har menshe koy hi.

Jesaja 10:19

I tsele veshendar ačell kokres i vast pherde rouka pral. Har boud kolla hi, nay činell i tikno čavo pre.

Jesaja 10:22

Ninna te vans i Israelitarya yaake boud har i santa pash o baro pani, gar boud lendar ačenn pral, oun venn pale pale ap o Debleskro drom. O merepen vell boudenge. Kova hi i vi-kerdo koova. Yaake vell o čačepen kerdo.

Jeremia 42:17

Hi koon hi: Kova kay krell pes ap o drom te djal lo an o them Egiptia, oun te djivell lo kote, kova merell o rhareha, i bokatar oun o djoungelo nasslepah. Oun kek ačell djido lendar. Oun kek nay nashell dran koy bibarht, hoy kamau me pral lende te anell.

Jeremia 44:13

Yaake har dom i menshende an Yerusalem i phagi, yaake dau ninna kol menshende dran Youda i phagi, kay an Egiptia djivenn. Yon merenn o rhareha, i bokatar oun o djoungelo nasslepah.

Jeremia 44:14

Kek kolendar, kay pral ačan an o them Youda, oun kate an o them Egiptia van, te djivenn le kate, nay nashell krik oun ačell djido. Yon venn bouder gar pale an o them Youda, ninna te kamans le pale pale te djal, oun kote te djivell. Kokres i vast pherdo lendar nay nashell peske oun nay vell kote pale.

Jeremia 44:29

Oun kava hi ko sikepen, penell o baro Devel: Me kamau t'men kate t'mari phagi te dell, te djinenn t'mer halauter, kay miro rakepen čačo vella, te vell koy bibarht pral t'mende.

Jeremia 51:50

T'mer i menshendar Israel, kay van gar maredo, djan vin dran o foro Babilon! Oun rikrenn t'men gar pre! Ninna te han an i dour them, ma bistrenn o baro Debles, vitar gar o foro Yerusalem!

Ezekiel 6:8

Gar halauter t'mendar moukau o rhareha moulo te dell. Kolla, kay ačenn djido, moukau pandles krik te anell an vavar themma.

Zakarie 1:6

Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

4. Mose 14:41

O Mose penas: “Hoske kamenn t'mer gar ap o baro Debleskro lab te shounell? Kova djal gar mishto t'menge!

Mateo 24:35

O bolepen oun i phoub ačenna gar. Mire laba ačenna hako tsiro.