Jeremia 43:12 - O Debleskro Lab 2024 (Sinte-Manouche)

¹² Oun me moukau kol khera te rhačrell, hoy i Egiptarya pengre deblenge kran. Oun lengre debla moukau pandles krik te anell. Oun yob krell o them Egiptia djoudjo i rhorhene deblendar yaake har i bakrengro i djouva vin lell dran peskri plaashka. Oun palle djal lo doureder oun kek rikrell les pre.

O Debleskro Drom 2021 (Sinte)

¹² Un me mukau kol khera te chatchrell, hoi i Egiptarja pengre deblenge kran. Un lengre debla mukau pandles krik te anell. Un job krell o them Egiptia djudjo i chochene deblendar jaake har i bakrengro i djuwa win lell dran peskri plaashka. Un palle djal lo dureder un kek rikrell les pre.

Jeremia 43:12 ပူးပေါင်းရင်းမြစ်များ

2. Samuel 5:21

Har i Filistarya nashan penge, lan le pengre rhorhene deblen gar pentsa. O David oun leskre lourde lan len peha.

Ester 6:9

Oun yek o pralstunendar o baro rayestar rivell ko morshes an, oun anell les ap o gray pral i foreskri platsa, oun moukell glan leste vin te kharell: Yaake krell o baro ray ko morsheha, koles yob kamell o djiyestar te hadell.”

Hiob 40:10

Sike, har baro oun an-diklo hal! Mouk tout an tiro shoukapen oun raylepen te dikell!

Debleskri gili 104:2

Har i baya čival i bari momeli troul toute. Tou tserdal o bolepen bourhlo har i bari plarhta,

Debleskri gili 132:16

Lengre rashayenge dau an o dji, te penenn le miro lačepen doureder. Oun kol menshe, kay mire hi, denn gole i barhtyatar.

Debleskri gili 132:18

Leskro raylepen vell baro oun bareder. Oun ap kolende, kay leske čilačepen kamenn, čivau bari ladj.

2. Mose 12:12

Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Jesaja 21:9

Kanna dikom i morshes ap i vourdin douy grayentsa. Oun ko morsh das gole: O foro Babilon peras, peras. Oun i tsele rhorhene debla hi paash dino ap i phoub.

Jesaja 46:1

O rhorheno devel Bel phagas khetne, oun o rhorheno devel Nebo peras. Lengre figure, hoy t'mer trouyel hidjran, van kanna i firhenge ap lengro doumo pandlo. Yon hounte hidjrenn len oun venn khino tel ko pharo hidjepen.

Jesaja 46:2

Kal rhorhene debla phagenn khetne oun perenn, oun nay anenn gar pengre figuren vin, oun hounte djan pandles an i vavar them.

Jesaja 49:18

Dik, hoy an i themma troul toute djal! Kol menshe van khetne, te venn le pash toute! Me dau man sovel pash miro djipen, penell o baro Devel: Yon hi touke har i sonakaskri verkli, hoy troul tiri meen čiveh, oun har i shoukar pereskri dori, hoy i čay troul late pandell, te hi lat biyab.

Jesaja 52:1

Ste pre! Ste pre, Sion! Ab pale zoreles! Čip tire kouč rayengre ripya ap toute, Yerusalem, tou Debleskro foro! Čačepah, kek tsiro vell kanna bouder, kay djal yek an toute dren, hoy gar činlo vas ap peskro mass, vitar gar yek, kay glan mande pale-čiddo hi.

Jesaja 59:17

Oun yaake har rivell i lourdo i sasterno gad an, yaake rivell yob o čačepen an. Oun yaake har i lourdo i sasterni stadi ap peskro shero čivell, yaake čivell yob o kourepaskri barht ap peste. Leskri rholi hi har i plaashka ap leste, te dell lo kolende pengri phagi, kay i vavarenge čilačepen kran.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Jesaja 61:5

Vi-themarya venna oun denn yak ap t'mare bakre, oun boudrenn t'menge ap i harhetikri phoub oun ap o drakengro them.

Jeremia 10:11

Pen lenge: Kol deblenge, kay kran gar o bolepen, vitar gar i phoub, hi kek platsa ap kay phoub oun tel o bolepen, oun nay ačenn gar.

Jeremia 10:15

Yon molenn či, oun hi sapaske. An ko tsiro, kay rakrell o baro Devel o čačepen vin, hounte djan yon tele.

Jeremia 25:19

Pal lende hounte piyenn i vavar menshe dran kava khoro: o baro ray pral Egiptia; ninna kol vavar pralstunende; oun i tsele Egiptarya;

Jeremia 43:13

Oun yob phagell i bare barra pash o foro Bet-Shemesh an kotya. Oun i khera i deblentsa rhačrell lo tele an o them Egiptia.

Jeremia 46:25

O baro Devel, ko ray pral o bolepen oun i phoub, kay o Israeleskro Devel hi, yob penell: Me anau i phagi ap ko debleste Amon an o foro No, ninna ap o baro rayeste pral o them Egiptia, oun ap o tselo them Egiptia peskre deblentsa oun rayentsa. Ava, o Farao oun halauter, kay patsenn, te vell lo lenge ap i rig, kolla lenn pengri phagi.

Jeremia 48:7

Tou Moab, patsal, kay taprell tout kek čilačepen an tire zorele khera oun pash tiro baro bravlepen. Doleske veh tou ninna dren lino. Tiro devel, o Kemosh, leskre rashaya oun pralstoune hounte venn pandles anlo an i vavar them.

Jeremia 49:27

Me čivau yag ap i massurya o forestar Damaskus, te venn i bravele khera, kay o Ben-Hadad djivas, pre rhačedo.

Jeremia 50:2

Denn vin gole an i vavar themma! Halauter hounte shounenn! Hadenn t'mari themeskri plarhta pre! Hakeno te shounell kova! Rikrenn les gar pale! Penenn: O foro Babilon hi dren lino, Lengro devel Bel nay kras či, lengro devel Marduk hi khetne phagedo; lengre moule debla nay kran či, lengre figure hi pash kerdo!

Jeremia 51:44

O baro Devel penell: Ava, me dom o rhorheno debles Bel an o them Babilonia peskri phagi, oun tserdom dran leskro mouy kova, hoy yob pre rhas. I menshe dran vavar themma nashenn leske bouder gar palla. I massurya o forestar Babilon peran khetne.

Ezekiel 29:11

An o tselo them Egiptia djal bouder kek mensho trouyel, vitar kek firho. 40 (Star-deesh) bersha djivell bouder kek an o them.

Ezekiel 29:19

Doleske penell o baro Devel, maro ray: Kamau te dap o them Egiptia o rayeske Neboukadnezar an i vasta, te lell yob ko tselo bravlepen kote krik oun moukell o them vin te randell. Oun kova, hoy yon khetne randan, vell palle o playsepen leskre lourdenge.

Ezekiel 30:13

Kava penell o baro Devel, maro ray: Me moukau i rhorhene deblen paash te krell, oun lau i figuren dran o foro Memfis krik. Oun an o them Egiptia hi bouder kek ray. Oun bari daar taprell o tselo them.

Daniel 11:8

Ninna lell lo lengre deblen oun figuren oun lengro kouč koova, hoy dran roup oun sonakay hi, oun anell kova an o them Egiptia. Oun palle moukell lo bershenge tele ko baro rayestar pral o them Syria.

Zefanja 2:11

Kanna krell o baro Devel lenge bari daar, te krell lo i rhorhene deblen ap i tseli phoub paash. Oun an hake themma vitsrenn pen i menshe glan leste tele, hakeno an peskro them.

Remarja 13:12

Kava tsiro kanna hi har i rati. Sik hi i rati bouder gar kay. Oun o dives vella. Dran kova djivas gar har i menshe, kay djivenn an i rati. Te kras bouder gar čilačo koova! Kanna hounte kras mer kova, hoy mishto hi, te vell o čilačepen gar o ray pral mende.

Efesarja 4:24

Djivenn kanna o nevo djipen, hoy t'men o Devel das! Palle han t'mer an o čačepen tardo, oun han čačepah leske koy.

Efesarja 6:11

O beng kamell t'men an peskro vast te lell. Doleske rivenn kol koola ap t'mende, hoy dell o Devel t'mende, te ačenn nay zoreles tardo an o kourepen o bengeha!

Kolossarja 3:12

T'mer han kanna o Debleskre menshe, kolen yob peske vin rodas. Yob kamell t'men o djiyestar. Doleske hounte vell t'men i baro dji o vavareske, te vell hakeno lačo ap o vavareste, te krell pes kek bareder har o vavar, te rakrell hakeno lačes o vavareha, te dell kek o vavares sik pre,

Kolossarja 3:14

Bareder har lauter hi o kamlepen, hoy vella o Deblestar. Te kamenn t'mer i vavaren o djiyestar, palle krenn t'mer lauter, hoy o Devel t'mendar kamella, oun hoy t'men khetne rikrella.