Jeremia 42:22 - O Debleskro Lab 2024 (Sinte-Manouche)

²² Doleske shounenn oun djinenn: Mank t'mende hi save, kay venn maredo o rhareha, vavar merenn i bokatar oun o djoungelo nasslepah kote, kay djan koy, te djivenn kote.

O Debleskro Drom 2021 (Sinte)

²² Doleske shunenn un djinenn: Mank tumende hi sawe, kai wenn maredo o chareha, wawar merenn i bokatar un o djungelo nasslepah kote, kai djan koi, te djiwenn kote.

Jeremia 42:22 ပူးပေါင်းရင်းမြစ်များ

Jesaja 30:3

Kova djal t'menge gar mishto. O Farao nay rikrell gar peskre vasta pral t'mende. O them Egiptia nay vell gar t'maro khatepen. T'mer hounte djan khere i ladjah.

Jeremia 24:10

Me anau kourepen, bok oun nasslepen mank lende, bis te kek lendar pral ačas an kava them, hoy dom len oun lengre phourende.

Jeremia 42:17

Hi koon hi: Kova kay krell pes ap o drom te djal lo an o them Egiptia, oun te djivell lo kote, kova merell o rhareha, i bokatar oun o djoungelo nasslepah. Oun kek ačell djido lendar. Oun kek nay nashell dran koy bibarht, hoy kamau me pral lende te anell.

Jeremia 43:11

Yob peskre lourdentsa vell dren an o them Egiptia oun vell o zorleder. Palle merenn boud menshen, vavar venn pandles lino, oun vavar o rhareha maredo. Hakeno vell yaake tapedo har leske glan-vi diklo hi

Jeremia 44:12

Me moukau kekes te djivell kolendar, kay ačan djido an o them Youda, oun kay djan an o them Egiptia, te djivenn le kote. Yon halauter hounte merenn kote an o them Egiptia. O rhareha venn le maredo, oun i bokatar merenn le: i tikne oun i bare. Te dikenn vavar menshe, har lenge djal, hi le lenge har praasede menshe, kolendar darenn le. Yon san pral lende. Oun te kamenn le yekes te praasell, penenn le: Mou djal touke har i Israelenge an o them Egiptia!

Ezekiel 33:27

Yaake peness tou lenge: Kava penell o baro Devel, maro ray: Pash miro djipen dau man sovel, halauter, kay an kol tele phagede forya djivenn, venn maredo o rhareha. Oun kolla, kay vin ap o them djivenn, venn khetne dandedo i divye firhendar. Oun kolla, kay khatrenn pen an zorele barrengre khera oun an i phoub, kolla merenn ap i djoungelo nasslepen.

Ezekiel 6:11

Oun o baro Devel, miro ray, penas ap mande: De an tire vasta oun stake tire heryentsa zoreles pre, oun de vin gole: Havi bibarht vell pral i menshende Israel dran ko boud djoungelo koova, hoy yon kran! O rhareha oun i bokatar oun ap i pharo nasslepen hounte merenn le.

Ezekiel 6:12

Kolla, kay an i dour them hi, merenn ap o nasslepen. Oun kolla, kay djivenn an o them Israel oun troul o them trouyel, kolla merenn an o kourepen. Oun kolla, kay pral ačenn, merenn i bokatar. Yaake krau lentsa, bis te miri rholi trouyel hi.

Hosea 9:6

Dran t'maro them, hoy paash kerdo hi, hounte djan t'menge krik. O them Egiptia lell t'men pash peste pre, oun an o foro Memfis venn t'mer paskedo. Kote, kay kanna t'maro kouč roup hi, vell soubyengro zenlepen baro, oun soubyengre bourra venn baro an t'mare khera.