Jeremia 42:15 - O Debleskro Lab 2024 (Sinte-Manouche)

¹⁵ Palle shounenn o baro Debleskro lab, t'mer kay ačan pral an o them Youda! Kova penell o baro Devel, ko ray pral o bolepen oun i phoub, kay o Israeleskro Devel hi: Te krenn t'men ap o drom, te djan an o them Egiptia, oun te djivenn kote,

O Debleskro Drom 2021 (Sinte)

¹⁵ Palle shunenn o baro Debleskro lab, tumer kai atchan pral an o them Juda! Kowa penell o baro Dewel, ko rai pral o bolepen un i phub, kai o Israeleskro Dewel hi: Te krenn tumen ap o drom, te djan an o them Egiptia, un te djiwenn kote,

Jeremia 42:15 ပူးပေါင်းရင်းမြစ်များ

1. Mose 31:21

Oun o Yakob oun halauter, hoy les his, nashan oun djan pral o lengsto pani Eufrat. Oun djan ap o drom an i berge, kay kharenna Gilead.

Jeremia 27:8

Kanna penau t'menge, te hounte krenn t'mer, hoy kamell o baro ray dran Babilonia t'mendar, yaake har hounte krell i gouroum, koles i kasht troul leskri meen hi, kova, hoy leskro ray kamell. Hako them peskre menshentsa, hoy kamell kova gar te krell, koles dau i phagi. Leskre menshe hounte merenn an o kourepen, i bokatar oun dran nasslepen, bis te moukau o Neboukadnezares ko them dren te lell.

Jeremia 42:17

Hi koon hi: Kova kay krell pes ap o drom te djal lo an o them Egiptia, oun te djivell lo kote, kova merell o rhareha, i bokatar oun o djoungelo nasslepah. Oun kek ačell djido lendar. Oun kek nay nashell dran koy bibarht, hoy kamau me pral lende te anell.

Jeremia 44:24

Oun o Yeremia penas ap i tsele menshende, ninna ap i djouvyende: Shounenn o baro Debleskro lab, t'mer halauter dran o them Youda, kay han an o them Egiptia!

Daniel 11:17

Oun yob kamell ninna o tselo them Egiptia an peskro vast te lell. Doleske rakrell lo pes o baro rayeha pral o them Egiptia tele, oun dell les peskri ča, te vell li leskri romni. Kova krell lo, te anell lo nay koleskro them an i bibarht. Kova djal leske gar, oun vell gar yaake har yob kamell.

Louka 9:51

Har ko tsiro kay his, te vell o Yezous maredo, kras pes lo ap o drom, te djal lo an o foro Yerusalem. Oun kek nay rikras les pale.

5. Mose 17:16

T'maro rayes hounte vell gar boud graya oun hounte bičrell gar i Israelitaryen pale an o them Egiptia, te ginenn le leske graya. O baro Devel penas t'menge, te djan t'mer kava drom gar bouder pale.