Jeremia 4:31 - O Debleskro Lab 2024 (Sinte-Manouche)

³¹ Me shounau i gole, har i djouvyatar, kay lell o ersto kopo i ternepen. Kaya hi koy gole o forestar Sion, kay taprell pal dourho, oun peskre vasta pre hadell, oun gole dell: Me hom nashedo! Kolla venna oun denn man moulo!

O Debleskro Drom 2021 (Sinte)

³¹ Me shunau i gole, har i djuwjatar, kai lell o ersto kopo i ternepen. Kaja hi koi gole o forestar Zion, kai taprell pal ducho, un peskre wasta pre hadell, un gole dell: Me hom nashedo! Kolla wenna un denn man mulo!

Jeremia 4:31 ပူးပေါင်းရင်းမြစ်များ

1. Mose 27:46

Oun i Rebekka penas ap o Isaakeste: “Kol douy rhalya, kol Hetarya, kolen o Esau romedineras, krenn mange miro djipen pharo. Te romedinerell ninna o Yakob i čat dran kava them, i Hetaretsa, vals feteder, te merap.”

Hiob 10:1

Kamau bouder gar te djivell. Doleske rikrau miro ropen ninna gar pale, oun rakrau yaake, har miro doukedo dji mange penell.

Debleskri gili 120:5

Havi bibarht hi mange, te hounte djivap mank i vi-themarya, pash i menshende, kay prindjrenn gar miro Debles.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jesaja 13:8

Oun yon perenn an pende khetne, tserdenn pen khetne i doukatar har i djouvel, te lell li i ternepen. Yek dikell darenes ap o vavareste, oun lengre mouya hi lolo har yag.

Jesaja 21:3

Hoy shounom, hi yaake djoungelo, kay phagau khetne. Hoy dikom, krell man bari traash. Mire kokale trissenna, douka tapran man har i djouvyat, kay lell i ternepen.

Jesaja 26:17

Yon dan gole glan toute, baro Devel, har i djouvel, kay lell i ternepen oun dell gole i doukatar.

Jesaja 42:14

Yob penell: I rah tsiro penom či, ačom pokones, oun rikrom man pale. Kanna kamau gole te dell, har i djouvel, kay i ternepen lell, lau pharo dourho oun dau palle bari gole.

Jesaja 6:5

Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

Jeremia 10:19

Ah, har doukell man miro dji! Miro doukepen kamell gar sasto te vell. Patsom, kova hi har i nasslepen oun me rikrap kova vin.

Jeremia 13:21

Hoy peneh tou, te kamell o baro Devel, te venn kolla ray pral toute, kay an tire yaka tire mala his? I doukatar deh tou gole har i djouvel, kay lell i ternepen.

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Jeremia 15:18

Hoske venn mire douka gar sasto? Hoske hi miro doukepen yaake djoungelo, te vell lo gar sasto? Tou val mange har i brounna, kay an o niyale kek pani dren hi.

Jeremia 18:21

Kanna mouk lengre čaven merell i bokatar, oun mouk len moulo dino te vell o rhareha, te ačenn lengre djouvyenge kek čave oun romma, te venn lengre morsha tapedo o merepastar, oun lengre terne morsha an o kourepen maredo.

Jeremia 22:23

Kanna hi tiro baro ray beshdo ap i berga Libanon, oun moukell peske mishto te djal an khera dran cedertikro kasht. Sik vell koy phagi pral leste. Oun palle dell lo gole i doukatar, har i djouvel, kay lell i ternepen.

Jeremia 30:6

Poučenn oun dikenn: Nay anenn morsha čave ap i phoub? Har djal kova, te dikau, har rikrenn i tsele morsha pengre vasta ap o per, har djouvya, kay i ternepen lenna? Hoske hi lengre mouya yaake parno?

Jeremia 45:2

O baro Devel, ko ray pral o bolepen oun i phoub, kay o Israeleskro Devel hi, penell pral toute:

Jeremia 48:41

Kal forya oun zorele khera venn dren lino. Ap ko dives hi i djia o čače morshendar an o them Moab yaake dareno, har o dji i djouvyatar, kay anell i ternepen ap kay phoub.

Jeremia 49:22

Dik, yob vella pral o them har i adlari, oun čivell peskre moussya pral o foro Bozra. An ko tsiro hi i djia kol čače morshendar an o them Edom yaake dareno, har ko dji i djouvyatar, kay anell i ternepen ap i phoub.

Jeremia 49:24

I menshe an Damaskus hi dareno oun nashenn penge. Yon trissenna, oun bari traash oun douka hi an lende, har i djouvyat hi, kay anell i ternepen ap i phoub.

Jeremia 50:43

Te shounell o baro ray an Babilon lendar, perenn leskre vasta ap leskre herya tele. Oun i bari traash vell ap leste har i traash i djouvyatar, kay i ternepen lella.

Jeremia 6:2

Tou, shoukar foro Yerusalem, ko tsiro hi koy, kay veh paash dino.

Ropaskre gilja 1:17

O foro Yerusalem hi har i djouvel, kay rikrell peskre vasta dour pre, oun kek hi koy, kay lake ap i rig vell. O baro Devel kharas haki rigyatar kolen khetne, kay kourenn pen o Yakobeskre čaventsa. O foro Yerusalem hi lenge har i rhačedi djouvel, ap kolate yon tele dikenn.

Ropaskre gilja 1:20

Ah, baro Devel, dik, har boud traash man hi, har i douk an mande rhačella! Miro dji rissrell pes an mande! Hoske shounom gar ap toute? Glan o kheer tapras o rharo mire čaven, oun an o kheer meran le dran i djoungelo nasslepen.

Ropaskre gilja 2:21

Čave oun phoure hi čiddo an i dromma. Terne ča oun terne morsha van o rhareha maredo. Ap ko dives kay tiri rholi pral mende vas, hi tout kek dji lenge, oun maral len halauteren.

Hosea 13:13

Douka venna pral leste, har i djouvyat douka hi, kay anell i ternepen ap i phoub. O Efrayim hi har i ternepen, kay hayvell gar, te vas o tsiro, kay vell lo boldo, oun yob kamell gar vin te vell.

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.

Micha 4:9

Hoske deh kanna savi bari gole? Hi kek baro ray pash toute? Oun kol morsha, kay sikran tout, hoy te kress, nashan le penge? Hoske hi tout save douka har i djouvel, kay lell i ternepen?

Micha 7:1

Me bibarhtelo, mange hi har yekeske, kay bokella, oun hatsell kek phabya ap o rouk, oun kek drake ap i drakengro rouk. Kol tsele lače phabya oun goudle drake hi krik.

Mateo 21:5

Penenn i menshenge an o foro Yerusalem: Dik, tiro baro ray vell pash toute. Yob hi lačo oun krell pes gar bares. Yob hi beshdo ap i esla, ap i terni esla.

1. Korintarja 9:16

Me sikrau i menshende leskro drom gar, te vap sharedo. Na-a, me hounte rakrap lestar. Har bibarhtelo voms, te kroms kova gar!

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.