Jeremia 4:28 - O Debleskro Lab 2024 (Sinte-Manouche)

²⁸ I phoub rovella, oun o bolepen rivell pes an kalepen. Me, o baro Devel penom, hoy kamau te krell, oun kova khaytell man gar, oun moukau gar kolestar tele.

O Debleskro Drom 2021 (Sinte)

²⁸ I phub rowella, un o bolepen riwell pes an kalepen. Me, o baro Dewel penom, hoi kamau te krell, un kowa khaitell man gar, un mukau gar kolestar tele.

Jeremia 4:28 ပူးပေါင်းရင်းမြစ်များ

Jesaja 24:4

Hako zenlepen ap i phoub vell trouk oun merell tele. I phoub nashrell peskri zoor oun merell tele, oun i an-dikle menshen hi bouder kek zoor.

Jesaja 34:4

Oun i tsele bolepangre momlia perenn khetne. Oun o bolepen tserdell pes khetne har i liil, hoy vell khetne lino. Oun kol bolepangre momlia perenn tele har moule patria ap o drakengro rouk oun har fayge, hoy gar bares van ap i faygetikro rouk.

Jesaja 5:30

Oun an ko tsiro vell pral lende i bari gole, savi gole har o baro pani krell. Oun te dikell yek palle tele ap i phoub, dikell lo kalepen oun bare douka. Oun pesse volke krenn, te vell o dives tamlo.

Jesaja 50:3

Me rivau o bolepen an kalepen, yaake te hi lo, har hidjrals lo kales yekeske, kay meras.

Jeremia 12:11

Hi ropaske, har paash ko them glan mande čiddo hi, kek djivell bouder koy. O tselo them hi paash, oun kek khaytell les.

Jeremia 12:4

I rah tsiro hi kava them kek brishineha, oun ko tselo zenlepen meras tele. I firhe oun i čirkle meran. Kova lauter vas dran o čilačepen kol menshendar, kay kate djivenn. Yon penenna: O Devel dikell gar, hoy krah.

Jeremia 14:2

O them Youda hi bibarhtelo koy čiddo. I menshe an i forya merenna i bokatar. Lenge hi ropaske oun yon beshenn pen ap i phoub. Oun an Yerusalem denn le i vasta pral o shero khetne.

Jeremia 23:10

O tselo them hi pherdo kolentsa, kay moukan o baro Debles. Doleske hi i praasepen ap o them čiddo: Kek brishin dell, oun o zenlepen merell tele. Či har čilačepen hi an lengro shero, oun an o rhorhepen hi le zorelo.

Jeremia 23:20

O baro Debleskri rholi moukell gar tele, bis te kras lo, hoy les glan his. I tsiro vell, kay hayvenn t'mer kova.

Jeremia 30:24

O baro Debleskri rholi moukell gar tele, bis te kras lo, hoy les glan hi. I tsiro vell, kay hayvenn t'mer kova.

Jeremia 51:12

Hadenn o kourepaskri plarhta pre, te sikrenn, kay djan t'mer an o kourepen o foreha Babilon. Čivenn boud kourepangren troul o foro! Čivenn ninna kol lourden kote koy, kay garda denn! Čivenn ninna lourden khatemen pal o foro, te nay perenn le i Babilonaryen an o doumo. O baro Devel krell, hoy yob pes glan las, oun hoy lo pral i menshende an o foro Babilon rakras.

Jeremia 7:16

Tou, Yeremia, mangess gar oun rovess gar glan mande kal menshenge, vitar gar peness mange, hoy len ap o dji hi, oun hoy len hounte vell, oun stakress lenge pash mande vitar gar dren. Me kamau t'men gar an-shounell.

Ropaskre gilja 2:17

O baro Devel kras, hoy lo peske glan las. Oun kras kova, har lo menge glan i rah tsiro trad das. Les khaytal tou gar, har moukas lo tout khetne te dell, oun kolen, kay ap toute djan, i zorleder te vell. Har tou peral, nay san le.

Ezekiel 24:14

Me, o baro Devel penom kova, oun me krau les ninna yaake. Kava tsiro vas, te krap kova. Me rikrau man gar pale, te dap t'men i phagi, t'mer khaytenn man gar. Me krau miro dji gar pre t'menge. T'mer lenn t'mari phagi pal kova har djivan oun hoy kran. Kova penell o baro Devel, maro ray.

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

Hosea 4:3

Doleske troushell o them, oun i menshe merenn; ninna i divye firhe, i čirkle oun i mače hounte merenn.

Joel 1:10

O harhetikri phoub hi pherde barra, oun či vell bouder baro koy pre. O djob hi paash, i molengre drake oun i djetengre drake meran tele.

Zakarie 8:14

Kova penell o baro Devel, ko ray pral o bolepen oun i phoub: “Har kran man t'mare phoure rhoyedo, kamom i bibarht pral lende te anell, oun či rikras man kolestar pale.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

Mateo 27:45

His deesh-te-douyenge, koy vas o dives kalo har i rat an o tselo them. Oun kova ačas yaake bis trinenge.

Markus 15:33

His deesh-te-douyenge, koy vas o dives kalo har i rati an o tselo them. Oun kova ačas yaake bis pash trinenge.

Louka 23:44

His nay deesh-te-douyenge, koy vas o dives kalo har i rati an o tselo them. Oun kova ačas yaake bis trinenge.

Efesarja 1:11

Yob kras, te vam mer o Debleskre čave. Oun ko bolepaskro bravlepen, hoy leskro hi, vell ninna maro. Kova kamas o Devel glan i rah tsiro yaake. Oun lauter, hoy yob kamella, krell lo.

Efesarja 1:9

Kek mensho djinas, hoy o Devel kamas te krell. Mende sikras lo, hoy les an peskro dji hi. Kova, hoy yob kamell te krell, krell lo o Yezous Kristeha.

Debleskro tsiro 6:12

Oun me dikom, har o terno bakro i shobti dori pre pandas, hoy ko liil khetne rikras. Koy trissas i phoub zoreles. Oun o kham vas kalo har i kalo gono. Oun o tselo čon vas lolo har o rat.

1. Samuel 15:29

Ko Devel, koleha o Israel nay sharell pes, kova rhorhella gar, oun leskre laba khaytenn les gar. Yob hi kek mensho, koles peskre laba nay khaytans.”