Jeremia 36:4 - O Debleskro Lab 2024 (Sinte-Manouche)

⁴ Koy kharas o Yeremia o morshes, koleskro lab Barouk hi. Leskro dad his o Neriya. Oun o Barouk činas i tsele laba pre, hoy o baro Devel ap o Yeremia penas, yaake har o Yeremia leske kova penas.

O Debleskro Drom 2021 (Sinte)

⁴ Koi kharas o Jeremia o murshes, koleskro lab Baruch hi. Leskro dad his o Nerija. Un o Baruch tchinas i tsele laba pre, hoi o baro Dewel ap o Jeremia penas, jaake har o Jeremia leske kowa penas.

Jeremia 36:4 ပူးပေါင်းရင်းမြစ်များ

Jesaja 30:8

Mange penas o baro Devel: Dja tou kanna koy, oun čin kal laba an i bar glan i yaka kal menshendar, ava, čin len an i liil, te venn le i sikepen, hoy ačell o tsireske, hoy vella.

Jesaja 8:1

Oun o baro Devel penas ap mande: “Le touke čomone, kay nay čineh laba pre, oun čin an i lačo činepen yaake, te nay draverell hakeno kol laba Sik-randedo oun sik-čoredo.”

Jeremia 25:13

Me moukau mire tsele laba čačo te vell, hoy penom pral kava them, lauter hoy an kava liil činlo hi, hoy o Yeremia glan-vi penas pral i tsele natsyone.

Jeremia 30:2

O baro Devel, kay o Israeleskro Devel hi, penas ap leste: Čin touke halauter, hoy touke penom, an i liil!

Jeremia 32:12

oun dom hake douy lila o morsheste Barouk. Koleskro dad his o Neriya, koleskro dad his o Maasseya. Koy pashel his miro neboudo, o Hanamel, oun kol morsha kay kova halauter dikan, oun kay tel o ginepaskro liil pengro labeha tardo his, ninna i tsele morsha dran Youda, kay ap i lourdengri platsa his.

Jeremia 36:14

Kote bičran kol pralstoune i morshes, kay kharas Yehoudi, pash o Barouk. O Yehoudi his i čavo o Netanyestar, leskro papo his o Shelemya oun koleskro dad o Koushi. – O Yehoudi penas ap o Barouk: An ko liil, dran koleste glan draveral, pash i pralstunende! Oun o Barouk, koleskro dad o Neriya his, las ko liil peha oun djas pash lende.

Jeremia 36:21

O baro ray bičras o Yehoudes, te anell lo o liil. Yob las les dran i isema ko morshestar Elishama oun draveras o baro rayeske glan, ninna kol pralstunenge, kay pash leste his.

Jeremia 36:23

Les hi i čouri an o vast oun hako kopo, har draveras o Yehoudi triin te star kotya, činas o baro ray len i čouryeha tele oun vitsras len an i yag, bis te his o tselo liil pre rhačedo.

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Jeremia 36:27

Har rhačras o baro ray Yoyakim ko liil, penas o baro Devel ap o Yeremia:

Jeremia 36:28

Le i nevo liil oun mouk halauter dren te činell, hoy an o phouro liil činlo his!

Jeremia 36:32

Koy las o Yeremia i nevo liil oun das les o Baroukes, ko činepaskres, koleskro dad o Neriya his. Oun o Barouk činas kol tsele laba pre, hoy o Yeremia leske glan penas, kol laba, hoy an o ersto liil tardo his, hoy o Yoyakim, ko baro ray pral Youda an i yag vitsras. Oun boud vavar laba, hoy yaake har kolla his, van koy pashel činlo.

Jeremia 36:6

Doleske dja tou koy ap ko dives, kay rhan le či o Debleske. Oun drave kol laba an ko liil glan i menshende, kay an o baro Debleskro kheer hi, ninna glan kolende dran Youda, kay dran pengre forya kote venn.

Jeremia 43:3

O Barouk, koleskro dad o Neriya hi, kova rakras an toute dren, te penal savo koova. Yob kamell, te peras an o vast i lourdendar dran Babilonia, te marenn le men oder te anenn men pandles an o them Babilonia.

Jeremia 51:59

Kal tsele laba, kay penenn, havi bibarht pral o foro Babilon vell, činas o Debleskro rakepaskro, o Yeremia, an i liil. Kava liil das lo i morsheste, kova kharas Seraya. Leskro dad his o Neriya, koleskro dad his o Maasseya. Kova his an ko tsiro, har o Sedekya an o starto bersh baro ray pral o them Youda his, oun an o foro Babilon djas. O Seraya djas leha. Oun an leskro vast his, te dikell lo, kay lauter mishto djas ap o drom.

Ezekiel 2:9

Oun me dikom i vast, hoy his vin rikedo ap mande. Oun an ko vast his i liil, hoy khetne lino his.

Daniel 7:1

An ko tsiro, har o Belsazar an o ersto bersh o baro ray his pral o them Babilonia, dikas o Daniel i dikepen an i souni, har his lo čiddo ap peskro čiben. Oun yob činas an i liil, hoy dikas lo. Oun kava hi koy souni:

Zakarie 5:1

Me dikom pale pre oun dikom i liil, hoy djas an i loufta.

Remarja 16:22

Me, o Tertio, činom an kava liil kova, hoy o Paulo mange penas, oun me penau t'menge ninna lače laba.