Jeremia 36:28 - O Debleskro Lab 2024 (Sinte-Manouche)

²⁸ Le i nevo liil oun mouk halauter dren te činell, hoy an o phouro liil činlo his!

O Debleskro Drom 2021 (Sinte)

²⁸ Le i newo liil un muk halauter dren te tchinell, hoi an o phuro liil tchinlo his!

Jeremia 36:28 ပူးပေါင်းရင်းမြစ်များ

Hiob 23:13

Yob ačell koon yob hi. Koon nay anell les kolestar krik, hoy lo kamell te krell? Kova, hoy kamell lo te krell, kova krell lo.

Jeremia 30:2

O baro Devel, kay o Israeleskro Devel hi, penas ap leste: Čin touke halauter, hoy touke penom, an i liil!

Jeremia 36:23

Les hi i čouri an o vast oun hako kopo, har draveras o Yehoudi triin te star kotya, činas o baro ray len i čouryeha tele oun vitsras len an i yag, bis te his o tselo liil pre rhačedo.

Jeremia 36:4

Koy kharas o Yeremia o morshes, koleskro lab Barouk hi. Leskro dad his o Neriya. Oun o Barouk činas i tsele laba pre, hoy o baro Devel ap o Yeremia penas, yaake har o Yeremia leske kova penas.

Jeremia 44:28

Kokres i vast pherdo lendar vell gar maredo o rhareha an Egiptia, oun vell pale an o them Youda. Yaake hayvenn halauter, kay pral ačan dran o them Youda, oun kay an o them Egiptia djan, te djivenn le kote, havo rakepen čačo vas, miro rakepen oder lengro rakepen.

Mateo 24:35

O bolepen oun i phoub ačenna gar. Mire laba ačenna hako tsiro.

2. Timoteo 2:13

Te rikrah men gar pash leste, yob rikrell pash mende. Oun yob ačell yaake har yob hi.