Jeremia 36:26 - O Debleskro Lab 2024 (Sinte-Manouche)

²⁶ Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

O Debleskro Drom 2021 (Sinte)

²⁶ Job penas ap peskro tchaweste, o Jerachmeel un ap o Seraja, koleskro dad o Asrijel his, un ap o Shelemja, koleskro dad o Abdeel his, te tapenn le o tchinepaskres, o Baruch, un o Debleskro rakepaskres, o Jeremia. Kolen khatras o baro Dewel. Doleske hatsan le len gar.

Jeremia 36:26 ပူးပေါင်းရင်းမြစ်များ

1. Rajengro liil 17:3

“Dja touke kate krik! Dja kote, kay o kham pre djal, oun khate tout pash o tikno pani Krit, kova, kay nashell an o pani Yordan dren!

1. Rajengro liil 17:9

“Kre tout ap o drom oun dja an o foro Zarpat, ko hi pash Sidon čiddo, oun ač kote! Me penom kote i djouvyake, kolakro rom meras, te dell li tout rhapen oun pipen.”

1. Rajengro liil 18:4

Oun an ko tsiro, kay i Isebel o baro Debleskre rakepangren kamas te marell, las o Obadya sheel lendar oun khatras len, i paash-sheel an kay grotta oun i paash sheel an koy grotta, oun anas lenge maro oun pani, te rhan le oun piyenn le.

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

1. Rajengro liil 19:14

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

1. Rajengro liil 22:26

Kote penas o ray pral Israel: “Lenn o Mika oun anenn les pash ko pralstuneste pral o foro, o Amon, oun pash miro čaveste, o Yoash,

2. Rajengro liil 11:2

Kova shounas i čay o baro rayestar Yoram. Lakro lab hi Yosheba. Oun lakro phraal his o Ahasya. Koya čoras peskro phraleskro čaves, o Yoash, mashkral dran o rayeskre čavende, kay venn marede. Oun anas les oun koy djouvel, kay das ap leste garda, an i čibyengri isema oun khatras les glan i Atalya. Oun yaake nay vas lo gar maredo.

2. Familjakro liil 18:26

oun pen lenge: Kava penell o baro ray: “Čivenn koles an o stilepen, oun denn les gar boud maro te rhal, oun gar boud pani te piyell, bis te vau me sasto dran o kourepen pale.”

Debleskri gili 105:15

“Lenn i vasta krik mire menshenge, kolen mange vin rodom! Ma krenn čilačepen kolenge, kay mire rakepangre hi!”

Debleskri gili 121:8

O baro Devel rikrell peskre vasta pral toute ap tire tsele dromma, kote kay veh oun kote kay djah kanna oun hako tsiro.

Debleskri gili 27:5

An o čilačo tsiro lell lo man an peskro kheer. Ava, an peskro kheer khatrell lo man, pral ap i baro bar hidjrell lo man.

Debleskri gili 32:7

Pash toute nay khatrau me man, glan kova, hoy mange daar krell. Doleske sharau tout i barhtelo djiyeha pral kova, har tou man vin lal dran i bibarht.

Debleskri gili 57:1

I gili o rayeske pral o gipangre, te givell har koy gili Ma mare men. O David činas kay gili an ko tsiro, har yob glan o Saul ap o naashepen his, oun pes an koy grotta khatras.

Debleskri gili 64:2

Miro Devel, shoun har ap toute rovau. Man hi daar glan kolende, kay kamenn man te marell. De yak ap miro djipen!

Debleskri gili 91:1

Kova, kay beshell tel o vast o Deblestar, ko pralstunestar, oun ačell pash leste, ko zorelo Debleste,

Jesaja 26:20

T'mer, mire menshe, djan an t'mare khera! Pandenn i voudya pal t'mende! Khatrenn t'men i tikno tsiro, bis te i rholi trouyel hi.

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 26:24

Pral o Yeremiyes rikras o Ahikam peskro vast. Koleskro dad his o Shafan. O Ahikam moukas les gar an i vasta kol menshendar te dell, kay kaman les te marell.

Jeremia 36:19

Koy penan kol pralstoune ap leste: Tou oun o Yeremia, t'mer hounte khatrenn t'men, te djinell kek, kay han!

Jeremia 36:5

Palle penas o Yeremia ap leste: Mange vas penlo, te djap bouder gar an o baro Debleskro kheer.

Jeremia 38:6

Kote lan le o Yeremiyes oun anan les pash i brounna ap koy lourdengri platsa. Koy brounna his o baro rayeskro čaves, o Malkiya. Oun doryentsa moukan le o Yeremiyes tele an kay brounna. Kote dren his kek pani, kokres sapeni čik his kote, oun o Yeremia peras i kotar dren an koy čik.

Johanni 11:57

Kol bare rashaya oun kol Farisarya penan, te djinell yek, kay yob hi, hounte penell yob les, te taprenn yon les nay.

Johanni 7:32

I Farisarya shounan, hoy kol menshe pral o Yezouseste rakran. Oun i Farisarya oun i bare rashaya bičran klisten, te taprenn le o Yezouses.

Johanni 8:20

Har yob kava penas, his yob an o Debleskro baro kheer, kote, kay i pirya tardo his, kay i menshe love o Debleske dren čivan. Kote penas yob i menshenge o Debleskro lab. Oun kek tapras les. I tsiro his leske kanna gar koy.

Johanni 8:59

Koy hadan yon barra pre, te vitsrenn le kolla ap leste. Oun yob khatras pes, oun djas dran o Debleskro baro kheer vin.

Bičepangre 12:11

Kanna djinas o Petro, kay kova kek souni his, oun yob penas: “Kanna djinau čačepah, kay bičras o ray Yezous peskro bolepaskres mange. Oun kova las man dran o Herodeskre vasta vin, ninna dran halauter, hoy kaman i bibolde mantsa te krell.”