Jeremia 35:6 - O Debleskro Lab 2024 (Sinte-Manouche)

⁶ Yon penan: Mer piyah kek mool; maro dad, o Yonadab, koleskro dad o Rekab his, penas menge zoreles: T'mer oun t'mare čave kay pal t'mende venna, hounte piyenn an kek tsiro mool,

O Debleskro Drom 2021 (Sinte)

⁶ Jon penan: Mer pijah kek mool; maro dad, o Jonadab, koleskro dad o Rechab his, penas menge soreles: Tumer un tumare tchawe kai pal tumende wenna, hunte pijenn an kek tsiro mool,

Jeremia 35:6 ပူးပေါင်းရင်းမြစ်များ

1. Mose 25:27

I čave van baro. O Esau vas i vesheskro, kay hayvas mishto firhen te taprell. O Yakob vas i morsh, kay his pokones. Yob ačas pash i plarhtene khera.

1. Mose 36:7

Kova, hoy kol douyen his, his yaake boud, kay nashte djivenn le gar an yek them. An ko them his gar doha rhapaske lengre boud firhenge.

2. Rajengro liil 10:15

Oun har yob kotar doureder djas, dikas yob o Yonadabes, koleskro dad o Rekab hi, oun penas ap leste: “Lačo dives”, oun poučas lestar: “Rikreh tou ap mande, yaake har rikrau me ap toute?” O Yonadab penas: “Ava!” Koy penas o Yehou: “Te hi kova yaake, de man tiro vast!” Oun o Yonadab das les peskro vast. Koy moukas o Yehou les pash peste ap o vourdin te djal,

2. Rajengro liil 10:23

Oun o Yehou oun o Yonadab, koleskro dad o Rekab hi, kol douy djan khetne an o kheer o deblestar Baal. Oun o Yehou penas ap kolende, kay mangenn o debles Baal an: “Dikenn t'men trouyel oun denn garda, te vell kek mashkral t'mende, kay mangell o baro Debles an! Kokres kolla hounte venn kate, kay mangenn o debles Baal an!”

1. Familjakro liil 16:19

An ko tsiro his le gar boud, gar boudeder har i vast pherdo, oun his vi-themarya an o them.

1. Familjakro liil 2:55

Ko morshestar Salma van ninna kol činepangre, kay činan an lila, hoy djas an o them. Yon djivan an o foro Yabez. Kolla his i Tirarya, i Shimatarya, i Soukarya. Kolla hi i Kenarya, oun van pal o Hammat. Kova his o phouro dad kolendar dran o kheer Rekab.

Debleskri gili 105:12

An ko tsiro his le gar boud, gar boudeder har i vast pherdo, oun his vi-themarya an o them.

2. Mose 20:12

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

Jeremia 35:10

Mer djivah an plarhtene khera oun krah halauter yaake, har maro dad o Yonadab menge penas.

Jeremia 35:14

Kol laba, hoy penas o Yonadab, koleskro dad o Rekab his, peskre menshenge, kay pal leste venna, rikrenn yon dren bis ap kava dives, oun piyenn kek mool, yaake har lengro dad lenge penas. Me moukom t'menge pale te pale mire laba te penell, oun t'mer shounenn gar, hoy me penau.

3. Mose 10:9

“Tou oun tire morsh čave, ma piyenn mool oun zorelo pipen, te kamenn an miro kheer te djal, te hounte merenn gar. Ap kova hounte rikrenn t'men oun t'mare čave kanna oun hako tsiro.

Louka 1:15

Oun yob vella bares glan o Debleskre yaka. Mool oun vavar zorelo pipen piyell yob gar. Oun har yob gomme gar boldo hi, hi lo pherdo Debleskro Dourho.

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!

Čačepangre 13:14

Lauterestar, hoy ap o drakengro rouk bares vas, rhal li či. Oun mool oun zorelo pipen piyell yoy gar. Oun pale-čiddo rhapen rhal li gar. Kava lauter, hoy lake penom, hounte rikrell li.”

Čačepangre 13:7

Yob penas ap mande: Tou veh vavarčandes oun tou leh i morsh čaves. Oun kanna pi kek mool oun kek vavar zorelo pipen! Oun rha či, hoy pale-čiddo hi. Tiro čavo vell i morsh, kay o Debleske hi foun tiknes pre bis te merell lo.”