Jeremia 31:35 - O Debleskro Lab 2024 (Sinte-Manouche)

³⁵ Kova penell o baro Devel, kay moukell o kham pre te djal, te vell dives, oun o čon oun o bolepangre momlia, te nay dikah mer an i rat. Yob krell o baro pani divyo, te djal lo pral oun tele. Leskro lab hi baro Devel, ray pral o bolepen oun i phoub.

O Debleskro Drom 2021 (Sinte)

³⁵ Kowa penell o baro Dewel, kai mukell o kham pre te djal, te well diwes, un o tchon un o bolepangre momlia, te nai dikah mer an i rat. Job krell o baro pani diwjo, te djal lo pral un tele. Leskro lab hi ‘baro Dewel, rai pral o bolepen un i phub’.

Jeremia 31:35 ပူးပေါင်းရင်းမြစ်များ

Hiob 26:12

Peskri zoryah kras lo o baro pani, te vell lo divyo, oun yob hayvas, har nay das lo o Rahab moulo.

Hiob 38:33

Prindjreh tou kol laba, ap kolende o bolepen shounell? Peneh tou leske, har te vell lo ray pral i phoub?

Debleskri gili 106:9

Yob čingras ap o Baro Lolo Pani. Koy djas o pani pale, oun i phoub his bouder gar sapeno. Oun yob moukas len mank o pani te djal har te vals trouk them.

Debleskri gili 119:89

Baro Devel, tiro lab ačella hako tsireske, oun hi zoreles tardo an o bolepen.

Debleskri gili 119:91

Yaake har tou kamal, hi li gomme kava dives tardo. Lauter ap i phoub hounte krell, hoy tou kameh.

Debleskri gili 148:6

Yob čivas len ap pengro drom. Oun kote ačenn le hako tsireske. Yob penas lenge, har dour nay djan le, oun yon nay stakrenn gar vergel.

Debleskri gili 72:17

Leskro lab mou ačell hako tsireske. Yaake rah har o kham ap o bolepen hi, mou vell leskro lab sharedo! Lestar mou vell lačepen ap i menshende an i tsele themma. Oun yon te rakrenn i barht pral leste vin.

Debleskri gili 72:5

Mouk les te djivell yaake rah har o kham oun o čon ap o bolepen hi, oun yaake rah har menshe ap i phoub hi!

Debleskri gili 74:13

Tiri bari zoryah phagal o baro pani pre, stakral i sherya kol bare panyeskre sapendar dren.

Debleskri gili 74:16

Tiro hi o dives, oun tiro hi i rat. Tou dal o kham oun o čon pengro drom, kay te djan le.

Debleskri gili 78:13

Yob kras i drom an o baro pani, oun moukas len mashkral ap i vavar rig te djal. Ap kol douy rigya his o pani pral tardo har i kheer.

Debleskri gili 89:2

Hako tsiro kamau te givell pral o lačepen, hoy o baro Devel men dell. Lauterenge kamau te penell, har yob pash peskre menshende rikrell.

Jesaja 48:2

T'mer kharenn t'men pal o Debleskro foro, oun rikrenn t'men ap o Debleste pral o Israel. Leskro lab hi baro Devel, ray pral o bolepen oun i phoub.

Jesaja 51:15

Me hom o baro Devel, tiro Devel, kova, kay o baro pani divyo krell, oun moukell i baro phourdepen pral leste te djal. Miro lab hi baro Devel, ray pral o bolepen oun i phoub.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 63:12

Kay hi kova, kay peskri bari zoryah ap o Moseskri čači rig vas? – Kova, kay kras, te djal ko pani glan lende ap douy rigya, oun peske yaake i baro lab kras, hoy an kek tsiro bistedo vell.

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jeremia 32:18

Tou moukeh lačepen pral boud zerya menshende te vell. Oun i doosh i dadendar moukeh ap i sherya lengre čavendar te vell. Tou hal o baro oun zorelo Devel. Tiro lab hi: Baro Devel, ko ray pral o bolepen oun i phoub.

Jeremia 33:20

Kova penell o baro Devel: Pal o dives vell i rat. Yaake, har kek nay krell kova vavarčandes,

Jeremia 33:25

Doleske penell o baro Devel: Yaake har krau me gar i tsirya vavarčandes, oun pal o dives i rati vella,

Jeremia 33:26

yaake čivau me gar mire menshen pale, kay venna pal o David, kova, kay mange koy his, oun pal o Yakobeskre vavar čavende. Dran o Davideskro kheer lau yekes, kay vell o baro ray pral i menshende, kay venna pal o Abraham, o Isaak oun o Yakob. Me krau te vell mire menshenge halauter pale mishto. Oun me krau miro dji lenge pre.

Jeremia 46:18

Me dau man sovel pash miro djipen, penell o baro ray, koleskro lab hi o baro Devel, o ray pral o bolepen oun i phoub’: I baro ray vella, kay hi bareder har i tsele vavar, yaake har i berga Tabor bareder hi har i berga troul late, oun har i berga Karmel hadell pes pash o baro pani.

Jeremia 5:22

Hi t'men kek traash mandar, poučell o baro Devel. Trissenn t'mer gar glan mande? Me krom, te ačell o baro pani ap yek platsa, oun čivom santa koy glan. Koy hounte ačell o pani hako tsiro, oun doureder nay nashell lo gar. Ninna te vell ko pani yaake divyo, oun djal pral oun tele, nay djal lo gar doureder.

Jeremia 50:34

O dives vell, kay lau len kote vin, me hom zorelo. Me, o baro Devel, ko ray pral o bolepen oun i phoub, lau lengro koova an miro vast, oun lau o kourepen krik i phoubyatar, Pral i menshende an o them Babilonia anau traash.

Jeremia 51:19

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

Amos 9:8

Me, o baro Devel hom o ray, oun lau ko tselo čilačepen an o yak, hoy i menshe an o them Israel krenn. Doleske thovau les krik i phoubyatar. Vin lino venn gar boud menshe, ninna te vell gar o tselo kheer Israel maredo. Kova penau me, o baro Devel.

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.