Jeremia 31:19 - O Debleskro Lab 2024 (Sinte-Manouche)

¹⁹ Har dikom miri doosh dren, moukom miro čilačo drom, oun har khaytas man, hoy krom, dom mire vasta pral o shero khetne. Ko vi-ladjedo koova, hoy krom, har terno homs, koleske ladjom oun vom lolo i ladjatar.”

O Debleskro Drom 2021 (Sinte)

¹⁹ Har dikom miri doosh dren, mukom miro tchilatcho drom, un har khaitas man, hoi krom, dom mire wasta pral o shero khetne. Ko wi-ladjedo koowa, hoi krom, har terno homs, koleske ladjom un wom lolo i ladjatar.”

Jeremia 31:19 ပူးပေါင်းရင်းမြစ်များ

Esra 9:6

oun penom: “Miro Devel, me ladjau oun trashau man, te hadap mire yaka pral pash toute, miro Devel; mari doosh vas pral maro shero, oun maro čilačepen hi baro bis pral an o bolepen.

Hiob 13:26

Tou aneh djoungelo koova ap mande pre oun čineh les an i liil. Ninna koy doosh, hoy anom ap mande, har terno homs, aneh tou ap miro shero pale.

Hiob 20:11

Ninna te hi lo gomme terno oun zorelo, hounte merell lo, oun vell an i čik čiddo.

Debleskri gili 119:67

Har djom tiro dromestar tele, dal tou man i phagi. Kanna rikrau tiro lab.

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

Jesaja 54:4

Ma dare! Tou veh gar vi-ladjedo koy tardo! Moukau kekes, te sal lo pral toute. Doleske ma ladj tout! Tou bistreh koy ladj, hoy ap toute his, har terno hals. Oun ko tsiro, har tiro rom meras, vell touke bouder gar an o shero.

Jeremia 22:21

Yerusalem, har djas touke gomme mishto, dom me tout trad. Tou penal, me dau gar yak ap kova, hoy lo rakrell. Yaake kral hako tsiro. Ninna har tou gomme terno hals, shounal gar ap mande.

Jeremia 3:25

Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

Jeremia 32:30

I menshe dran o kheer Israel oun dran o kheer Youda kran, hoy glan mire yaka djoungelo hi, yaake rah har yon i natsyona hi:

Ezekiel 21:12

Oun te poučenn le toutar: Hoske le tou yaake phares dourho? Palle peness: Shounom djoungelo rakepen, hoy gomme vell. Koon kova shounell, koles taprell i bari daar. An leskre vasta hi bouder kek zoor. Leskro dji dell sik. I daryatar nay rikrell lo peskro pani gar. O tsiro hi kay, kova vell sik! Čačepah, kova vell, penell o baro Devel, maro ray.

Ezekiel 21:17

De gole oun rob, tou mensho! Mire menshe hi, kolen o rharo marell. I pralstunen an Israel dell miro rharo moulo, oun lentsa khetne mire tsele menshen! Doleske de ap tiro beč o ropastar!

Ezekiel 23:3

Kolla van loubya an o them Egiptia, har le terne his. Kote moukan le pengre čoučya an te taprell.

Ezekiel 36:26

Me dau t'men i nevo dji, oun čivau i nevo dourho an t'mende, oun lau ko dji dran bar dran t'mende vin, oun dau t'men i dji dran mass.

Ezekiel 36:31

Oun palle vell t'menge an o shero, har čilačo kova his, hoy kran oun har djivan. Oun ko tselo čilačo koova, hoy kran, oun har i rhorhene deblen an-mangan, vell t'menge čadepaske.

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Louka 15:30

Tiro čavo, kay vas kanna pale khere, kova, kay das tire love vin i loubyentsa, koleske maral i terni thoulli groumni.

Louka 18:13

Ko pale-čiddo ačas palla tardo, oun hadas gar peskro shero pre. Oun yob das ap peskro beč, te sikrell lo, kay leskro čilačo koova khaytas les, oun penas: Miro Devel, me hom i čilačo morsh. Dik ap mande oun ab mange lačo!”

Remarja 6:21

Kova, hoy kran, his či moldo. T'mer kran savo koova, koleske kay dives ladjenn t'men. Savo koova anell an o merepen dren.

5. Mose 30:2

Te djan t'mer palle pale pash t'maro baro Debleste, t'mer oun t'mare čave, oun shounenn ap leste t'maro tselo djiyestar oun t'mari tseli zoryah an halauter, hoy me t'menge kava dives penom,

2. Timoteo 2:25

ninna te kamenn le gar ap leste te shounell. Yob rakrell lačes lentsa, te anell lo len ap o čačo drom! O Devel nay dell len o dji, te moukenn le pengro čilačo drom, oun te hayvenn le, hoy o čačepen hi.