Jeremia 31:18 - O Debleskro Lab 2024 (Sinte-Manouche)

¹⁸ Shounom mishto, har o Efrayim rovas: “Baro Devel, homs har i terno gouroum, kay djinas gar, har te tserdell lo. Tou sikral man daventsa, hoy te krap. An man pale, me kamau pash toute te vell. Tou hal miro Devel.

O Debleskro Drom 2021 (Sinte)

¹⁸ Shunom mishto, har o Efrajim rowas: “Baro Dewel, homs har i terno gurum, kai djinas gar, har te tserdell lo. Tu sikral man dawentsa, hoi te krap. An man pale, me kamau pash tute te well. Tu hal miro Dewel.

Jeremia 31:18 ပူးပေါင်းရင်းမြစ်များ

Hiob 5:17

Dik, barhtelo hi ko mensho, koleske o Devel leskri doosh sikrell! Doleske ma hade tout khatar leste, te dell tout o zorelo Devel.

Debleskri gili 118:18

Ninna te das lo man zoreles, moukas lo man gar te merell.

Debleskri gili 119:67

Har djom tiro dromestar tele, dal tou man i phagi. Kanna rikrau tiro lab.

Debleskri gili 119:75

Baro Devel, me djinau, tou te deh i phagi, djah tou pal o čačepen. Touke his čačo har dal man i phagi.

Debleskri gili 31:15

Baro Devel, me rikrau man ap toute. Miro Devel hal tou.

Debleskri gili 32:9

“Ma avenn dinele har i graya, oun i maultikre bourike! Lenge hounte čivess i shello trouyel oun i saster an o mouy, te nay aness len kote, kay kameh.”

Debleskri gili 80:19

Yaake kamah mer gar tiri rigyatar te djal. Mouk men te djivell! Oun mer dah tiro lab an-gole.

Debleskri gili 80:3

glan tire menshende dran o kheer Efrayim, Benyamin oun Manasse! Sike tiri bari zoor oun ab ap mari rig!

Debleskri gili 80:7

Kolla, kay troul mende djivenna, čingrenn pen pral maro them. Kolla, kay kamenn men krik te tradell, praasenn men.

Debleskri gili 85:4

Tou rikral tiri rholi pale, oun rhačral bouder gar i rholyatar.

Debleskri gili 94:12

Barhtelo hi kova, koneste tou, baro Devel, leskri doosh sikreh, koleste tou sikreh, har te djivell lo.

Gosewe laba 26:3

I čoupni o grayeske, oun i ledertikri rima troul i meen i eslatar, oun i kasht ap o doumo i dinelestar.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Gosewe laba 3:11

Miro čavo, ma dik čilačes, te dell tout o baro Devel i phagi! Ma naash lestar krik, te dell lo tout trad.

Jesaja 1:5

Han gomme gar doha dino? Hoske rikrenn t'mare djia pandlo oun djan doureder ap t'maro čilačo drom? T'maro tselo shero hi pherdo doukepen, oun t'maro tselo dji hi nasselo.

Jesaja 51:20

Tire čave peran khetne, oun his čiddo ap hake dromma. Yon hi har i tserfo, hoy an i netsa djas. Yaake tapras len koy rholi o baro Deblestar, oun leskro čingepen.

Jesaja 53:7

Yob vas phares dino, oun rikras kova vin, oun das kek gole. Har sau terno bakro his lo, koles yek koy anella te vell lo maredo. Oun har sau bakro, hoy gar gole dell, te venn lestar i balla tele činlo. Yaake kras yob peskro mouy gar pre.

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Jesaja 9:13

Ap yek dives las o baro Devel lendar i pralstunen krik, ninna kol rhorhene rakepangren, kay penan, kay lengre laba o Deblestar van. Kova hi, har te činals yek i mačestar o shero oun o pori tele, oun i roukestar i patria oun i telstouno kotar. I phourende oun i an-dikle hi o shero. Kol rhorhene, kay penenn, lengre laba vans o Deblestar, hi o pori.

Jeremia 17:14

Kre man sasto, baro Devel, Te kreh man sasto, palle hom sasto. Le man vin dran i bibarht! Palle nay krell man kek či. Tou hal kova, kones sharau.

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 3:25

Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

Jeremia 31:6

Ko tsiro vella, kay denn le gole ap i berge Efrayim: Avenn, te djas pre an o foro Sion pash maro baro Debleste!

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Ropaskre gilja 5:21

An men, baro Devel, pale pash toute, te vas pale khere! Kre, te djal menge pale lačes har an o phouro tsiro!

Ezekiel 20:43

Oun kote vell t'menge kova an o shero, hoy kran oun har djivan, koleha t'mer t'men pale-čiddo kran. Oun ko tselo čilačo koova, hoy kran, vell t'menge čadepaske.

Daniel 9:13

Yaake har an o Moseskro liil činlo hi, yaake vas ninna koy bari bibarht pral mende. Oun mer mangam men gar tele glan toute, maro baro Debleste, oun moukam gar maro čilačo drom, oun dam gar yak ap tiro čačepen.

Hosea 10:11

O Efrayim his i terni groumni hoy boudras mishto, te dell li o djob vin. Har dikom lakro shoukar meen, čivom lake i kasht pre, te dap lat i phareder boudi: O Youda te vitsrell i phoub trouyel, oun o Yakob hounte krell i phoub čačo.

Hosea 4:16

I menshe an Israel hi har i divyi groumni, oun moukenn pen či te penell. Har nay krals o baro Devel lentsa, har te vans le tikne bakre, oun nay anals len vin ap i bourhlo kotar phoub, te hatsenn le kote zenlepen?

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Jona 3:10

Har o Devel dikas, hoy yon kran, har moukan le pengre čilače dromma, kote khaytas o Debles koy bibarht, hoy kamas lo pral lende te anell, oun yob kras les gar.

Zefanja 3:2

Te dell yek kol menshen kote trad, shounenn le gar, oun moukenn penge či te penell. Ap o baro Debleste rikran le pen gar, pengro Deblestar kamenn le či te djinell.

Maleachi 3:16

Koy rakran kolla mank pende, kay djivenn o baro Debleha. Oun o baro Devel das yak ap lengre laba oun shounas, hoy le penenn, oun moukas len an i liil dren te činell, te venn le gar bistedo. An kava liil hi kolla dren tardo, kay djivan leha, oun hadan leskro lab.

4. Mose 2:18

Ap koy rig, kay o kham tele djala, hounte čivenn kolla pengre plarhtene khera pre pash pengri pre-čiddi plarhta, kay venna dran o kheer Efrayim. Pash lende hi ninna lengre lourde 40.500 (star-deesh-zerya-panč-sheel) morsha. Lengro pralstouno hi o Elishama, leskro dad hi o Ammihoud.

Louka 1:17

Oun yob hi pherdo Debleskri zoor yaake har o Eliya, oun yob krell i drom pre o Debleske. Oun yob krella, te lenn i dada pale i dji pengre čavenge. Oun kolla, kay shounan gar ap o Debleste, kolen anell yob pale ap o čačo drom. Oun yaake krell lo, te hi i menshen djia, kay pre hi lengro Debleske.”

Louka 15:20

Oun yob stas pre, oun djas pash peskro dadeste pale. Har leskro dad les doural dikas, khaytas o čavo les. Oun o dad nashas pash leste, tapras les trouyel, oun čoumras les.

Bičepangre 3:26

Doleske bičras o Devel peskro boudepaskres, o Yezouses, glanstounes pash t'mende, te anell yob t'menge o Debleskri barht, te djal hakeno t'mendar peskro čilačo dromestar tele.”

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

Hebrearja 12:5

Ma bistrenn kol laba, hoy rakras o Devel peskre čavenge an o dji: Dikenn mire čave, kova hi t'menge mishto, te dap t'men i phagi. Te čingrau ap t'mende, ma nashenn mandar!

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!