Jeremia 31:14 - O Debleskro Lab 2024 (Sinte-Manouche)

¹⁴ I rashaya venn pale čalo o feteder massestar. Oun mire menshenge dau boudeder har doha rhapaske, penell o baro Devel.

O Debleskro Drom 2021 (Sinte)

¹⁴ I rashaja wenn pale tchalo o feteder massestar. Un mire menshenge dau budeder har doha chapaske, penell o baro Dewel.

Jeremia 31:14 ပူးပေါင်းရင်းမြစ်များ

2. Familjakro liil 6:41

Oun kanna, baro Devel, maro ray, ste pre, oun dja pash koy platsa, kay khere hal, tou oun ko morhton, hoy men tiri bari zoor sikrell. Baro Devel, maro ray, čip o čačepen pral tire rashayende har i ripen! Mou denn tire menshe gole i barhtyatar pral tiro lačepen!

Nehemia 10:39

Oun yek rashay kol menshendar Aron hounte djal lentsa ap ko tsiro, kay lenn le ko deshto kotar dren. Oun i Levitarya hounte anenn o deshto kotar foun lengro deshto kotar an maro Debleskro kheer oun čivenn kova an ko kheer, kay savo koova pre garedo vell.

Debleskri gili 107:9

Kolen, kay his len troush, das lo doha te piyell, oun kolen, kay his len bok, das lo boud lačo rhapen.

Debleskri gili 132:16

Lengre rashayenge dau an o dji, te penenn le miro lačepen doureder. Oun kol menshe, kay mire hi, denn gole i barhtyatar.

Debleskri gili 132:9

Čip o čačepen pral tire rashaya har i ripen! Mou denn tire menshe gole i barhtyatar!

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Debleskri gili 36:8

Har raylo hi tiro lačepen, miro Devel! I menshe venn pash toute, te rikress tire vasta pral lende, har i čirklo rikrell peskre moussya pral peskre terne.

Debleskri gili 63:2

Devel, tou hal miro Devel. Tout rodau me o djiyestar. Miro dji djal pal toute. Man hi troush pal toute har i trouk tato them troushell pal o pani.

Debleskri gili 63:5

Me parkrau man pash toute yaake rah har me djivau. Oun me hadau mire vasta pre, te mangap tout an.

Debleskri gili 63:6

Tou kreh miro dji yaake čalo oun barhtelo, har te rhap i shoukar rhapen. Miro mouy givell touke i gili oun sharell tout.

Debleskri gili 65:4

Ko čilačepen, hoy krom, hi phares ap mande čiddo. Tou hal kova, kay i doosh krik lell.

Debleskri gili 85:13

Ava, o baro Devel moukell menge mishto te djal, oun mari phoub anell menge boud rhapen.

Debleskri gili 90:14

Haki tsalla kre maro djipen pherdo tiro lačepen! Palle sharah tout oun givah touke gilya yaake rah har djivah.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Jesaja 25:6

Kate ap i berga Sion moukell o baro Devel, ko ray pral o bolepen oun i phoub, i menshenge an i tsele themma i lačo rhapen glan te čivell; i rhapen thoullo masseha oun lači phouri mool, ava, vi-rodedo lačo mass oun vi-rodedi phouri mool.

Jesaja 61:6

T'mer venn rashaya o baro Deblestar, oun venn kharedo maro Debleskre boudepangre. Oun ko bravlepen dran vavar themma, koleha moukenn les t'mer t'menge mishto te djal, oun koleha sharenn t'men.

Jeremia 31:25

Kolen, kay khino hi, dau me pale zoor, oun kolen kay bokenna, dau doha te rhal.”

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Jeremia 50:19

O Israel anau me pale khere, te djivenn le pale ap i berga Karmel oun an o them Bashan, oun hatsenn doha rhapen, oun venn čalo ap i berge Efrayim oun an o them Gilead.

Ezekiel 34:14

Kote, kay lačo zenlepen hi, anau len. Ap lače platse pral ap i berge an Israel nay čivenn le pen tele oun rhan pen čalo.

Haggai 2:19

An t'mare djobengre khera ačell doha djob. I drakengre rouka hidjrenn pale drake, i faygetikre rouka hidjrenn fayge, i granatikre phabyengre rouka hidjrenn phabya, oun i djeteskre rouka hidjrenn djeteskre drake. Kava divesseha čivau miri barht oun miri zoor ap t'maro them.

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

Efesarja 3:19

ninna te hi leskro kamlepen bareder har lauter, hoy an mare shere dren djala. Te hayvah leskro kamlepen boud oun boudeder, palle djivell o Devel boud oun boudeder an mende.

5. Mose 33:23

Pral o kheer Naftali penas lo: Ap o Naftali hi o baro Debleskri barht čiddo. Yob das leste boud lačo koova. Leskro them djal dour tele o baro panyestar ap koy rig, kay o kham pralstounes tardo hi.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

Debleskro tsiro 5:10

Oun tou kreh lendar raya oun rashaya maro Debleske. Oun yon venn raya pral i tseli phoub.