Jeremia 30:23 - O Debleskro Lab 2024 (Sinte-Manouche)

²³ Shounenn: O baro Debleskri rholi vell yaake, har i baro dourho pral i phoub phourdell. I zorelo phourdepen djal tele ap i sherya i čilačendar.

O Debleskro Drom 2021 (Sinte)

²³ Shunenn: O baro Debleskri choli well jaake, har i baro ducho pral i phub phurdell. I sorelo phurdepen djal tele ap i sherja i tchilatchendar.

Jeremia 30:23 ပူးပေါင်းရင်းမြစ်များ

Debleskri gili 58:9

Yaake har i momeli tele rhačrell, oun bouder gar koy hi, oun yaake har i ternepen, hoy moulo boldo vell oun o kham gar dikas, yaake te ačenn yon vitar gar.

Gosewe laba 1:27

oun vell pral t'mende har i zorelo baro dourho; te vell i bibarht pral t'mende har i phourdepen, hoy lauter khetne phagell; te vell i pharo tsiro oun bari daar pral t'mende.

Jeremia 25:32

O baro Devel, ko ray pral o bolepen oun i phoub penell: Shounenn, Bibarht vell pral yek them pal o vavar. Oun miri rholi hadell pes har i pharo phourdepen, hoy vell foun doural.

Jeremia 4:11

An ko tsiro vell kol menshenge an Yerusalem penlo: I zorelo tatepen vell dran kol berge dran o moulo tato them pash t'mende. Kova hi kek phourdepen, hoy phourdell o phouss oun o čik krik,

Ropaskre gilja 1:12

T'menge halauterenge, kay nashenn kate ap o drom, penau: Hadenn t'mare yaka oun dikenn! Hi yek doukepen har miro doukepen, hoy pral mande vas? O baro Devel anas les pral mande ap ko dives, kay leskri zoreli rholi pral mande vas.

Zakarie 9:14

O baro Devel moukell pes te dikell pral peskre menshende, [te rikrell lo peskre vasta pral lende]. Leskro faylo djal sik har o bolepaskri yag. O baro Devel, maro ray, moukell an i bari phourdepaskri te phourdell. Yob djal an o zorelo dourho, hoy vell kotar, kay o kham pralstounes tardo hi.