Jeremia 29:26 - O Debleskro Lab 2024 (Sinte-Manouche)

²⁶ O baro Devel rodas tout vin, te vess o rashay pal o rashayeste Yoyada. Tou vess o pralstouno an o baro Debleskro kheer, te čivess kol tsele narvelen pandles, kay venna oun penenn, te hi le Debleskre rakepangre, oun penenn čomone glan-vi. Tou čivess lengre pire an kashta oun sasterne shelle troul lengri meen.

O Debleskro Drom 2021 (Sinte)

²⁶ O baro Dewel rodas tut win, te wess o rashai pal o rashajeste Jojada. Tu wess o pralstuno an o baro Debleskro kheer, te tchiwess kol tsele narwelen pandles, kai wenna un penenn, te hi le Debleskre rakepangre, un penenn tchomone glan-wi. Tu tchiwess lengre pire an kashta un sasterne shelle trul lengri meen.

Jeremia 29:26 ပူးပေါင်းရင်းမြစ်များ

2. Rajengro liil 11:15

Oun o rashay o Yoyada kamas gar te vell li maredo an o baro Debleskro kheer. Doleske penas lo kol pralstoune lourdenge: “Anenn lat vin! Oun koon lake pal nashella, koles denn moulo o rhareha!”

2. Rajengro liil 11:18

Palle djan i tsele menshe dran o them Youda an o kheer ko deblestar Baal, oun kran kol tsele figure paash, hoy les sikran. Oun kol rhačepangre, kay firhen oun vavar koova leske rhačedo van, phagan le tele. Oun glan kol rhačepangre maran le leskro rashayes, o Mattan. Oun o rashay Yoyada bičras klisten, te denn le yak ap o baro Debleskro kheer.

2. Rajengro liil 9:11

Oun har o Yehou vin djas pash kol menshende leskro rayestar, poučan le lestar: “Hi čomone? Hoske vas ko dinelo pash toute?” “Či”, penas yob. “T'mer prindjrenn kol morshes, kova rakrell dinelo koova.”

2. Familjakro liil 16:10

O Asa rhoyras pes pral o dikepaskro, oun an peskri bari rholi moukas lo les an o stilepen te anell. An ko tsiro rikras yob ninna vavar menshen an o them i daventsa tele.

2. Familjakro liil 18:26

oun pen lenge: Kava penell o baro ray: “Čivenn koles an o stilepen, oun denn les gar boud maro te rhal, oun gar boud pani te piyell, bis te vau me sasto dran o kourepen pale.”

Jeremia 29:27

Kanna, de koy phagi o Yeremiyeste dran Anatot, kay pash t'mende glan-vi penell, hoy vella.

Jeremia 38:28

Oun o Yeremia ačas ap koy lourdengri platsa bis ap ko dives, kay o foro Yerusalem dren lino vas.

Jeremia 38:6

Kote lan le o Yeremiyes oun anan les pash i brounna ap koy lourdengri platsa. Koy brounna his o baro rayeskro čaves, o Malkiya. Oun doryentsa moukan le o Yeremiyes tele an kay brounna. Kote dren his kek pani, kokres sapeni čik his kote, oun o Yeremia peras i kotar dren an koy čik.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Mateo 21:23

Oun har o Yezous an o Debleskro baro kheer vas, ap i menshende rakras, oun len o Debleskro drom sikras, koy van i bare rashaya oun i biboldengre phoureder pash leste, oun poučan lestar: “Koon penas touke, te kress tou kova lauter? Koon bičras tout?”

Markus 3:21

Oun har leskre menshe kova shounan, penan le: “Yob hi dinelo!” Oun yon kaman les te taprell.

Johanni 10:20

Boud lendar penan: “I beng hi an leste oun yob hi dinelo. Ma shounenn ap leste!”

Johanni 10:33

Penan kol bibolde ap leste: “Ko lačo koova, hoy tou kral, koleske kamah mer tout gar moulo te dell. Tou anal ladj ap o Debleste. Tou hal i mensho oun kreh, har te vals o Devel. Doleske kamah tout te marell.”

Johanni 8:53

Hal tou boudeder har maro dad Abraham, kay meras? Oun kol Debleskre rakepangre meran ninna. Hal tou feteder har yon?”

Bičepangre 16:24

Har yon kova ap leste penan, vitsras yob len an o palstouno stilepen, oun čivas lengre pire an o kasht, oun pandas len.

Bičepangre 26:11

An i tsele biboldengre kangria moukom me kol patslen dava te dell i čoupniyah, oun kamom, te denn le pengro patsepen pre. Me homs yaake rhoyedo ap lende, te lom len ninna an forya an vavar themma palla.

Bičepangre 26:24

Har o Paulo kova rakras, te sikrell lo, kay hi kek doosh ap leste, das o Festo gole: “Paulo, tou hal dinelo! Tou hal yaake gosevo, te val narvelo.”

Bičepangre 26:25

O Paulo penas: “Raylo Festo, hom gar narvelo! Hoy me rakrau, hi čačo oun kek dinlepen.

Bičepangre 4:1

Har o Petro oun o Yohanni kova i menshenge penan, van i rashaya pash lende, ninna ko pralstouno kol klistendar an o Debleskro baro kheer, oun i Sadducarya.

Bičepangre 5:18

oun tapran len, oun vitsran len an o stilepen.

Bičepangre 5:24

Har ko pralstouno klisto pral o Debleskro baro kheer oun kol bare rashaya kova shounan, djinan yon gar, hoy te patsenn le, oun poučan pendar har kova doureder djala.

2. Korintarja 11:33

Troul o foro his i bari massouri. Oun i patsle čivan man an i korba oun moukan man dran i vorhni vin, hoy an koy massouri dren hi, tele ap i phoub. Yaake nay tapran yon man gar.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!