Jeremia 29:20 - O Debleskro Lab 2024 (Sinte-Manouche)

²⁰ Kanna shounenn, t'mer lauter dran o foro Yerusalem, kay pandles krik anlo han an o them Babilonia! Shounenn, hoy moukell o baro Devel t'menge te penell:

O Debleskro Drom 2021 (Sinte)

²⁰ Kanna shunenn, tumer lauter dran o foro Jerusalem, kai pandles krik anlo han an o them Babilonia! Shunenn, hoi mukell o baro Dewel tumenge te penell:

Jeremia 29:20 ပူးပေါင်းရင်းမြစ်များ

Jeremia 24:5

Kova penell o baro Devel, ko Devel pral o Israel: Kol menshe dran o them Youda, kolen tradom kate krik an ko them, kay i Kaldearya djivenn, yon hi har i lače fayge.

Jeremia 29:1

O Debleskro rakepaskro, o Yeremia, činas i liil ap i phourende, kay pral ačan kolendar, kay pandles krik anlo van, oun ap i rashayende oun o Debleskre rakepangre oun ap i tsele menshende, kolen o Neboukadnezar an Yerusalem pandles las oun an o them Babilonia anas.

Jeremia 29:2

Yob činas kava liil pal kova, kay o baro ray Yekonya oun leskri day krik anlo van khetne kol pralstunentsa dran o baro rayeskro kheer oun i pralstunentsa dran o them Youda oun dran o foro Yerusalem. Ninna kol boudepangre an Yerusalem, kay hayvenn mishto te boudrell o kashteha oun o sasteha van lentsa krik anlo.

Jeremia 29:31

Biče i liil ap i tsele Israelitaryen, kay van anlo an o them Babilonia, oun mouk lenge te penell: Kova penell o baro Devel pral o Shemaya dran o foro Nehelam: O Shemaya das glan, te hi lo miro rakepaskro, oun me bičrom les gar. Yob kras, te patsan t'mer leskro rhorhepen.

Ezekiel 11:9

Me tradau t'men dran ko foro vin, oun dau t'men an o vast i menshendar dran i vavar them, oun moukau len te denn le t'menge t'mari phagi.

Ezekiel 3:11

Dja pash i menshende dran tiro them, kay pandles krik anlo van an o them Babilonia! Rake ap lende oun pen lenge, hoy me o baro Devel, lengro ray, kamell lenge te penell! Nay vell, te shounenn le. Nay vell, te shounenn le gar.

Ezekiel 3:15

Oun me vom pash kolende, kay pandlo krik anlo his, oun an o gab Tel-Abib djivan pash o lengsto pani, hoy kharell Kebar. Efta divessa homs kote beshdo pash lende, oun homs har moulo kolestar, hoy dikom.

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.