Jeremia 29:17 - O Debleskro Lab 2024 (Sinte-Manouche)

¹⁷ O baro Devel, ko ray pral o bolepen oun i phoub penell: Me bičrau kourepen, bok oun nasslepen mank lende, oun krau lentsa, har te vans le djoungele fayge, hoy nay rhal kek.

O Debleskro Drom 2021 (Sinte)

¹⁷ O baro Dewel, ko rai pral o bolepen un i phub penell: Me bitchrau kurepen, bok un nasslepen mank lende, un krau lentsa, har te wans le djungele faige, hoi nai chal kek.

Jeremia 29:17 ပူးပေါင်းရင်းမြစ်များ

Jeremia 27:8

Kanna penau t'menge, te hounte krenn t'mer, hoy kamell o baro ray dran Babilonia t'mendar, yaake har hounte krell i gouroum, koles i kasht troul leskri meen hi, kova, hoy leskro ray kamell. Hako them peskre menshentsa, hoy kamell kova gar te krell, koles dau i phagi. Leskre menshe hounte merenn an o kourepen, i bokatar oun dran nasslepen, bis te moukau o Neboukadnezares ko them dren te lell.

Jeremia 29:18

O kourepen, i bok oun o nasslepen lenn len palla. Oun i menshe dran i tsele themma ap kay phoub denn i vasta khetne pral o shero, te dikenn le len. An hako them, kay tradau len, dikenn le ap lende har ap praasede menshende, kolendar darenn le. Oun yon denn shol pral lende oun praasenn len.

Jeremia 32:24

I Babilonarya hi troul o foro tardo, oun čivan phoub pre, te krenn le i drom, te nay djan le an o foro dren. Kava drom djal bis pash o foreste. Sik hounte perell o foro an lengre vasta. Oun i menshendar koy dren merenn boud i bokatar oun ap o djoungelo nasslepen. Oun vavar venn maredo o rhareha. Yaake har tou kova penal, yaake vas ninna; tou nay dikeh kokres, har hi.

Jeremia 43:11

Yob peskre lourdentsa vell dren an o them Egiptia oun vell o zorleder. Palle merenn boud menshen, vavar venn pandles lino, oun vavar o rhareha maredo. Hakeno vell yaake tapedo har leske glan-vi diklo hi

Jeremia 52:6

Ap o enyato dives an o starto čon vas i bok bares an o foro, oun i menshen his bouder či te rhal.

Louka 21:11

Oun kay te koy vell i phoub zoreles trisslemen. An boud themma hi i menshen gar doha te rhal, oun baro nasslepen vell ap lende. Oun yon dikenn i baro koova ap o bolepen, hoy krell lenge bari daar.

Louka 21:23

Koy bibarht hi bari kol djouvyenge, kay hi an vavar koova, ninna kolenge, kay hi len i ternepen. O Debleskri rholi vell pral i tsele menshende an kava them. Oun len hi i pharo tsiro.

Debleskro tsiro 6:8

Oun me dikom i grayes. Kova his parno har i moulo. Oun kova, kay pre beshdo his, koleskro lab his “Moulo.” Oun o merepen vas pal leste. Oun les vas i zoor dino, te marell lo i menshen ap o starto kotar i phoubyatar. O rharo, i divye firhe, i bok oun o nasslepen marenn len.