Jeremia 25:34 - O Debleskro Lab 2024 (Sinte-Manouche)

³⁴ T'mer pralstoune, kay hounte vans har bakrengre o baro Debleskre menshenge, rovenn oun denn gole! Čivenn t'men tele an i yagakri čik! O tsiro hi koy, kay venn maredo. T'mer perenn tele oun venn phagedo har i kouč khoro, hoy perell tele.

O Debleskro Drom 2021 (Sinte)

³⁴ Tumer pralstune, kai hunte wans har bakrengre o baro Debleskre menshenge, rowenn un denn gole! Tchiwenn tumen tele an i jagakri tchik! O tsiro hi koi, kai wenn maredo. Tumer perenn tele un wenn phagedo har i kutch khoro, hoi perell tele.

Jeremia 25:34 ပူးပေါင်းရင်းမြစ်များ

2. Familjakro liil 36:10

Oun har o bersh trouyel his, moukas les o Neboukadnezar an o foro Babilon te anell, oun moukas leha boud kouč koova dran o baro Debleskro kheer te anell, oun čivas leskro kakes, o Sedekya, pral o them Youda oun o foro Yerusalem, te vell lo baro ray.

Debleskri gili 2:9

Ab ray pral lende i sasterno vasteha, tou phageh len nay har čare.”

Jesaja 10:12

An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

Jesaja 2:16

i tsele bare shiffe an o baro pani, oun i tsele shoukar bere.

Jesaja 30:14

Ko kheer hi an kotya čiddo yaake har o khoro, hoy paash dino vas. Lestar ačell kek tikno kotar, koleha nay lals yag dran o bob oun pani dran i brounna.

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Jesaja 34:6

O rharo o baro Deblestar hi pherdo rat oun thulepen, yaake har i čouri pherdo rat oun boukengro thulepen hi ap ko dives, kay venn terne bakre, bouzya oun morsh bakre maredo o Debleske. Kanna rikrell o baro Devel i marepaskro dives an o foro Bozra, oun marell boud boud menshen an o them Edom.

Jesaja 34:7

Ninna divye gourma merenn lentsa, terne gourma khetne kol zorele phourentsa. Oun lengro them vell pherdo rat, oun thulepen čakrell lengri phoub.

Jeremia 18:22

Biče lourden, kay venn ap yek kopo pral lende oun lengre khera, te denn le gole i trashatar! Yon lourenn koy pre te taprenn le man, oun čivan dorya, te taprenn mire herya koy dren.

Jeremia 22:28

Yek nay penals: Hoske kreh tou ko morsheha Konya yaake har i khoreha, hoy an kotya dino vas, oun hoy kek kamell? Hoske vell yob oun leskre čave krik tradedo, oun zoryah an i vavar them anlo, hoy prindjrenn le gar?

Jeremia 23:1

Bibarht ap t'mende, t'mer pralstoune, kay hounte vans har bakrengre mire menshenge, oun moukenn len nashedo te djal, oun rikrenn len gar khetne.

Jeremia 25:12

Pal kol efta-deesh bersha dau me i phagi ko rayeske pral o them Babilonia oun leskre menshenge koy doshake, hoy le ap pende anan. Palle vell o them Babilonia i moulo them hako tsireske.

Jeremia 25:23

i menshe an i forya Dedan, Tema, oun Bouz; i menshe, kay činenn pengro bal tiknes;

Jeremia 25:36

Shounenn, har denn i pralstoune gole! Shounenn, har rovenn le! O baro Devel krell lengro lačo them paash.

Jeremia 27:7

I menshe dran i tsele themma hounte boudrenn leske oun leskro čaveske, oun koleskro čaveske, bis te vell ko tsiro, kay nashrell ninna leskro them peskri zoor. Oun menshe dran vavar bare themma oun lengre zorele bare raya venn i raya pral lende.

Jeremia 3:19

Me, o baro Devel penom, har nay rikrau me tout, har te vess tou miro čavo? Kamoms te dap tout ko lačo them, ko shoukester kotar them i tsele themendar. Oun patsom, tou peness palle ap mande kamlo tata, oun djals bouder gar mandar krik.

Jeremia 48:26

Tou Moab, his gar yaake, te his touke i Israelitarya sapaske? Hako kopo kay rakral lendar, sanal pral lende, har te vans le čorepangre, kay van tapedo. O Moab hadas pes pral o baro Debleste. Doleske krenn les mato! Yob te perell an peskro čadepen! Oun vavar sanenn pral leste.

Jeremia 48:38

Pral ap i khera an o tselo them Moab, oun ap leskre tsele dromma denn le bares gole. O baro Devel penell: Me phagom o them Moab an kotya har i khoro, hoy kek bouder kamella.

Jeremia 50:27

Marenn i tsele terne morshen, denn len tele čourye har terne gourma! Har djoungeles djal lenge! Lengro dives vas, ko tsiro, kay lenn le pengri phagi!

Jeremia 6:26

T'mer, mire menshe, t'menge penau: Rivenn gone ap t'mende! Čivenn t'men an i yagakri čik! Rovenn har te merals t'maro čavo, oun t'men kek vavar hi! Givenn i ropaskri gili! Kol marepangre perenn ap yek kopo pral mende.

Ropaskre gilja 4:21

Ava, san t'menge oun khelenn, t'mer Edomarya an o them Ous! Pash t'mende vell ninna ko khoro pherdo o Debleskri rholi, hoy hounte piyenn, bis te venn mato oun rivenn t'men vin.

Ezekiel 34:20

Doleske penau me, o baro Devel, t'maro ray ap t'mende: Me hom kova, kay krell o čačepen vin mashkral kol thoulle bakre oun kol vi-bokede bakre.

Daniel 11:8

Ninna lell lo lengre deblen oun figuren oun lengro kouč koova, hoy dran roup oun sonakay hi, oun anell kova an o them Egiptia. Oun palle moukell lo bershenge tele ko baro rayestar pral o them Syria.

Hosea 8:8

O Israel hi nashedo; i menshenge dran i vavar themma troul lende, hi lo har i piri, hoy či moldo hi.

Amos 5:11

Kova krenn t'mer: I čorvelen rikrenn tele, oun lenn lendar boudeder djob har čačo hi. Doleske vell yaake: An kol shoukar neve khera, hoy t'menge kran, djivenn t'mer gar. Oun i mool kol neve drakengre roukendar, hoy an i phoub čivan, piyenn t'mer gar.

Zakarie 10:3

O baro Devel penell: Me hom rhoyedo pral i bakrengre, kay rikrenn mire bakren tele. Ninna ap i zorele morsh bakre djau me pre. Me, o baro Devel, ko ray pral o bolepen oun i phoub, hom har i bakrengro. Oun o kheer Youda hi mire bakre. Ap lende dau yak. Me krau, te venn le har i zorelo kourepaskro gray, koleha an o kourepen djau.

Zakarie 11:3

I pralstoune pral i themma denn gole i doukatar, lengro raylepen hi bouder gar. Shounenn i gole i levendar! O veesh, kay le khere his, pash o pani Yordan, hi khetne stakedo.

Jakobo 5:5

T'menge djas mishto ap kay phoub, t'mer rhan oun piyan, oun van pesso, yaake har i firhe, kay venn maredo.