Jeremia 25:26 - O Debleskro Lab 2024 (Sinte-Manouche)

²⁶ i tsele bare raya an kol themma, kay kote čiddo hi, kay norden hi. Ava, i tsele themma ap i phoub, kolla, kay hi dour, oun kolla kay hi gar dour o themestar Israel. Lengre bare raya hounte piyenn dran ko khoro, yek pal o vavar. Oun o baro ray pral Sheshak hounte piyell pal lende.

O Debleskro Drom 2021 (Sinte)

²⁶ i tsele bare raja an kol themma, kai kote tchiddo hi, kai norden hi. Awa, i tsele themma ap i phub, kolla, kai hi dur, un kolla kai hi gar dur o themestar Israel. Lengre bare raja hunte pijenn dran ko khoro, jek pal o wawar. Un o baro rai pral Sheshach hunte pijell pal lende.

Jeremia 25:26 ပူးပေါင်းရင်းမြစ်များ

Jesaja 51:23

Me dau les kanna an o vast kolendar, kay tiro djipen yaake phares kran, kolla, kay ap toute penan: “Vitse tout tele, te djap pral toute vergel!” Oun tou kral tiro doumo yaake, te hals yek i phoubyah, oun hals lenge har o drom, pral koleste yon pral vergel djan.

Jeremia 25:12

Pal kol efta-deesh bersha dau me i phagi ko rayeske pral o them Babilonia oun leskre menshenge koy doshake, hoy le ap pende anan. Palle vell o them Babilonia i moulo them hako tsireske.

Jeremia 25:9

Doleske moukau kol lourden te vell dran i themma, kay kote čiddo hi, kay norden hi. Lengro pralstouno hi o baro ray, o Neboukadnezar, dran o them Babilonia. Koles rodom vin, te krell yob, hoy kamau. Kolla perenn pral t'mende oun t'maro them, ninna pral kol tsele themma kay trouyel. Kal themma moukau yaake paash te dell, te ačell či har barra pral hako tsireske. Oun i vavar menshenge, kay kova dikenn, ačell o rakepen krik i trashatar, oun yon denn i vasta pral o shero khetne.

Jeremia 51:41

O foro Sheshak hi khetne phagedo! Ko foro, hoy ap i tseli phoub bares an-diklo his, hi dren lino! Har nay vas kova? I menshenge an i vavar themma ačell o rakepen krik i trashatar.

Jeremia 51:51

T'mer penenn: I ladj vas pral mende. Menshe dran vavar themma praasan men oun san pral mende. Vi-themarya peran an o kheer o baro Deblestar dren.

Ezekiel 32:30

Kote hi i pralstoune pral i tsele themma, kay hi kote čiddo, kay norden hi. Kote hi ninna i tsele Sidonarya, kay pash kolende tele djan, kay van maredo. Ninna te kran le vavarenge bari daar, hi kanna lengri bari zoor paash dino. Yon hi gar činlo ap pengro mass oun hi čiddo pash kolende, kay o rhareha maredo van, oun hidjrenn pengri ladj khetne kol vavarentsa an o moulengro them.

Habakuk 2:16

Tou anal ladj ap toute oun kek sharepen. O baro Devel dell tout dran leskro khoro pherdi peskri rholi te piyell. Kanna pi, bis te nay rikreh tout bouder gar ap tire pire! Palle vell i ladj pral toute, oun tiro raylepen hi gar bouder.