Jeremia 25:15 - O Debleskro Lab 2024 (Sinte-Manouche)

¹⁵ O baro Devel, ko Devel pral o Israel, penas ap mande: Le ko khoro mool dran miro vast. Kava khoro hi pherdi miri rholi. De les i tsele natsyonenge te piyell, pash kolende me tout bičrau.

O Debleskro Drom 2021 (Sinte)

¹⁵ O baro Dewel, ko Dewel pral o Israel, penas ap mande: Le ko khoro mool dran miro wast. Kau khoro hi pherdi miri choli. De les i tsele natsjonenge te pijell, pash kolende me tut bitchrau.

Jeremia 25:15 ပူးပေါင်းရင်းမြစ်များ

Hiob 21:20

oun dikell peskre yakentsa peskri bibarht, oun hayvell kokres, har kova hi, te vell o zorelo Debleskri rholi ap leste.

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

Debleskri gili 60:3

Miro Devel, tou čival men pale, oun tradal men kate te kote. Bari rholi hi tout ap mende. Rake mentsa pale lačes!

Debleskri gili 75:8

Na-a, o Devel hi o čačepaskro ray, kay ko yekeske i zoor krik lell, oun o vavares bares krell.

Debleskri gili 75:9

O baro Debles hi o khoro an o vast pherdo zoreli mool, hoy yob dren čoras. Oun i tsele čilače ap kay phoub hounte piyenn lat, bis te bouder kek mool an o khoro hi.

Jesaja 14:26

Yaake his kova an o Debleskro dji te krell lo ap i phoub. Oun leskro vast hadas lo pre, te dell lo i menshen an hake themma pengri phagi.

Jesaja 34:2

O baro Debles hi i bari rholi ap i tsele themma lengre boud lourdentsa. Oun yob kras pash peste vin, te hounte merenn le, oun das len an i vasta kolendar, kay marenn len.

Jesaja 51:17

Ste pre! Ste pre! Hade tout, Yerusalem! Tou piyal dran o baro Debleskro khoro, hoy his pherdi leskri rholi. Tou hounte piyal ko khoro vin, bis te či bouder an leste his. Kolestar val har yek, kay hi mato, oun nay vell bouder gar tardo ap peskre herya.

Jesaja 51:22

Kava penell o baro Devel, kay tiro ray oun tiro Devel hi, kova, kay lell o koova leskre menshendar an peskro vast: Dik, me lau ko khoro, hoy tout mates kras, dran tiro vast vin. Tou hounte piyess bouder gar dran o khoro, hoy pherdi miri rholi his.

Jesaja 51:23

Me dau les kanna an o vast kolendar, kay tiro djipen yaake phares kran, kolla, kay ap toute penan: “Vitse tout tele, te djap pral toute vergel!” Oun tou kral tiro doumo yaake, te hals yek i phoubyah, oun hals lenge har o drom, pral koleste yon pral vergel djan.

Jeremia 1:5

Me prindjrom tout, glan te krom tout an tiri dakro per, oun rodom tout vin, glan te val boldo, te vess miro rakepaskro i menshenge dran i tsele themma.

Jeremia 36:2

Le i liil oun čin halauter dren, hoy penom touke pral o Israel oun o Youda, oun i menshende an kol tsele vavar themma dran ko tsiro, kay o baro ray Yosia djivas bis kava dives.

Jeremia 43:11

Yob peskre lourdentsa vell dren an o them Egiptia oun vell o zorleder. Palle merenn boud menshen, vavar venn pandles lino, oun vavar o rhareha maredo. Hakeno vell yaake tapedo har leske glan-vi diklo hi

Jeremia 45:5

Oun tou kameh touke baro koova? Vals feteder te kamess či! Me moukau bibarht te vell pral i tsele menshende, penell o baro Devel. Tou ačeh djido, kay tou ninna djah, ninna te ačell touke či har tiro djipen.

Jeremia 46:1

Kava hi o lab pral i vavar themma, hoy penas o baro Devel ap leskro rakepaskro, o Yeremia.

Jeremia 48:26

Tou Moab, his gar yaake, te his touke i Israelitarya sapaske? Hako kopo kay rakral lendar, sanal pral lende, har te vans le čorepangre, kay van tapedo. O Moab hadas pes pral o baro Debleste. Doleske krenn les mato! Yob te perell an peskro čadepen! Oun vavar sanenn pral leste.

Jeremia 49:12

Shounenn mishto, t'mer Edomarya, penell o baro Devel. Dran ko khoro, kay hi pherdo miri rholi, hounte piyan ninna kolla, kay kek čilačepen kran. Oun t'mer kamenn, te vell kek phagi ap t'mende? Na-a, t'mer lenn t'mari phagi. T'mer hounte piyenn ko khoro ninna!

Jeremia 51:7

O foro Babilon his har i sonakaskro khoro an o baro Debleskro vast, i khoro, hoy pherdi mool his, kolestar i menshe an i tsele themma piyan oun mato van. Doleske van yon yaake narvelo.

Ezekiel 23:32

Kava penell o baro Devel, maro ray: Tou hounte piyess ko emligo khoro vin har tiri pheen. Kava khoro hi baro oun bourhlo. Oun boud djal dren. Hakeneske vess sapaske.

Ezekiel 23:33

Ko khoro, hoy tiri pheen Samaria piyas, hi i khoro pherdi traash oun khetne-phagepen. Savo khoro hounte piyess tou ninna vin. I daryatar nay veh bouder gar tardo ap tire herya, har te vals mato.

Ezekiel 29:12

Me krau ko them Egiptia, te vell lo i moulo them, yaake har i vavar themma troul leste moule themma hi. Star-deesh bersha ačell leskre foryendar či har barra pral, yaake har pash kol vavar forya ninna hi, hoy an i themma koy trouyel čiddo hi. Oun i Egiptaryen tradau an vavar themma, te djivenn le mank vavar menshende.

Ezekiel 36:5

Doleske penell o baro Devel, maro ray: Čačepah, an miri tati rholi rakrom me i phagi vin pral i menshende an o them Edom oun an i themma troul t'mende, kolla miro them penge lan, te randenn le les vin. Koy pashel san le pen moulo pral t'mende, te djas t'menge yaake, oun praasan t'men.

Obadja 1:16

T'mer menshe dran Youda, kay djivenn ap miri berga, t'menge penau: Yaake har piyan t'mer dran o khoro miri rholyatar, yaake hounte piyenn palle i tsele vavar menshe ap i phoub koy dran hako dives. Yon hounte čorenn o pipen an pende dren, bis te či bouder dren hi, oun kek lendar bouder koy hi. Palle vell, har te dans yon gar.

Habakuk 2:16

Tou anal ladj ap toute oun kek sharepen. O baro Devel dell tout dran leskro khoro pherdi peskri rholi te piyell. Kanna pi, bis te nay rikreh tout bouder gar ap tire pire! Palle vell i ladj pral toute, oun tiro raylepen hi gar bouder.

Debleskro tsiro 14:10

Yon hounte piyenn o Debleskri mool. Kay mool hi o Debleskri rholi. Kaya hi yaake zoreli har i mool, kay kek pani dren hi. Kolla, kay mangenn o firhes an, hounte djan an i bari yag. Oun koy yag oun i yagakri khand krenn lenge bare douka. Oun yon dikenn o Debleskre bolepangren oun o terno bakres.

Debleskro tsiro 14:19

Oun ko bolepaskro vitsras peskri čouri pral i phoub, oun činas i drake tele, oun vitsras len an i bari piri, kay venn i drake stakedo. Koy bari piri hi o Debleskri rholi.