Jeremia 22:19 - O Debleskro Lab 2024 (Sinte-Manouche)

¹⁹ Yob vell gar paskedo, yob vell krik tserdedo har i mouli bourika, oun vin vitsedo glan i voudya o forestar Yerusalem.

O Debleskro Drom 2021 (Sinte)

¹⁹ Job well gar paskedo, job well krik tserdedo har i muli burika, un win witsedo glan i wudja o forestar Jerusalem.

Jeremia 22:19 ပူးပေါင်းရင်းမြစ်များ

1. Rajengro liil 14:10

Dran kova moukau me i bibarht pral tiro kheer te vell, oun marau i tsele morsha oun morsh čaven, kay pal toute venna. Kek lendar ačell pral an Israel, yaake har kek čik pral ačell, te vell o kheer djoudjes kerdo.

2. Rajengro liil 23:36

Biish-te-panč bersh phouro his o Yoyakim, har lo baro ray vas; oun yob his deesh-te-yek bersh baro ray an o foro Yerusalem. Leskri day kharas Sebouda. Lakro dad his o Pedaya dran Ruma.

2. Rajengro liil 24:6

Oun o Yoyakim meras oun vas paskedo pash peskre phourende. Oun leskro čavo, o Yoyakin, vas baro ray pal leste.

2. Rajengro liil 9:35

Har yon kote djan, te paskrenn le lat, hatsan yon latar či har i kokale o sherestar, i heryendar oun i vastendar.

2. Familjakro liil 36:6

Oun o Neboukadnezar, ko baro ray pral o them Babilonia, vas, te kourell lo pes leha, oun moukas les sasterne shellentsa te pandell, te nay anell lo les an o foro Babilon.

Sikepaskro 6:3

Nay vell i morsh, koleske venn sheel čave boldo, oun yob djivell boud bersha. Te vals lo yaake phouro oun vals gar barhtelo pral o lačepen an peskro djipen, oun leske vals vitar kek paskepen kerdo, kolestar penau me: I ternepen, kay moulo boldo vas, djal feteder har leske.

Jeremia 15:3

Me, o baro Devel, lom man glan, te anap star kope pharo koova pral lende: o rhareha te venn le moulo dino, i djoukle tserdenn len krik, i čirkle rhan len, oun kova hoy lendar pral ačell, rhan i divye firhe pre.

Jeremia 36:30

Doleske penau pral toute, Yoyakim, ray pral Youda: Kek tire čavendar vell pal toute o ray pral o Davideskro them. Tou mereh oun veh vin vitsedo oun ačeh čiddo an o kham ap o dives oun an o shilapen an i rati.

Jeremia 36:6

Doleske dja tou koy ap ko dives, kay rhan le či o Debleske. Oun drave kol laba an ko liil glan i menshende, kay an o baro Debleskro kheer hi, ninna glan kolende dran Youda, kay dran pengre forya kote venn.

Jeremia 8:2

Oun kol kokale venn koy trouyel vitsedo glan o kham oun o čon oun i tsele bolepangre momlia, kolen kaman kol menshe, oun mangan len an, oun nashan lenge pal. Kolendar poučan yon oun sharan len. Kol kokale venn gar pre hadedo oun venn gar paskedo. Yon venn foul i phoubyake.

Ezekiel 19:8

Kote čivan pen i menshe dran i themma koy trouyel, khetne, te djan le ap leste. Oun vitsran pengri netsa pral leste, oun tapran les an lengri grouba.

Ezekiel 39:5

Oun t'mer ačenn moulo čiddo ap i phoub. Me, o baro Devel, penom kova.