Jeremia 14:20 - O Debleskro Lab 2024 (Sinte-Manouche)

²⁰ Baro Devel, mer dikah dren, kay djivam gar touha, oun mare phoure čilačepen kran. Mer lam doosh ap mende glan toute.

O Debleskro Drom 2021 (Sinte)

²⁰ Baro Dewel, mer dikah dren, kai djiwam gar tuha, un mare phure tchilatchepen kran. Mer lam doosh ap mende glan tute.

Jeremia 14:20 ပူးပေါင်းရင်းမြစ်များ

2. Samuel 12:13

Koy penas o David ap o Nataneste: “Me anom doosh ap mande, oun krom i čilačo koova ap o baro Debleste.” Penas o Natan: “Kanna las o baro Devel tiri doosh toutar krik, oun tou mereh gar.

2. Samuel 24:10

Oun o Davideskro dji djas sikeder har yob kol tsele morshen an i liil pre-činas. Oun o David penas ap o baro Debleste: “Kova his i bari doosh, hoy anom ap mande. Me krom i čilačo koova. Oun kanna mangau tout, baro Devel, le mange koy doosh krik!”

Nehemia 9:2

Oun hakeno, kay i Israelendar hi, moukas kolen, kay gar peskre menshendar hi. Oun yon van glan o Debleste oun mangan pen tele, oun penan havi doosh yon oun pengre phoure ap pende anan.

Hiob 33:27

Ko mensho givell palle glan i menshende oun penell: “Me lom doosh ap mande, oun rissrom mange o čačepen yaake har me kamom. Oun miro Devel moukas kova gar ap miro shero pale te vell.

Debleskri gili 32:5

Doleske penom me touke miri doosh, oun khatrom gar o čilačepen, hoy me krom. Me penom mange: “Me kamau o baro Debleske ko čilačepen te penell, hoy krom.” Oun tou lal miri doosh mandar krik.

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Jeremia 3:13

Tou hounte kress či, har te dikess dren, kay anal doosh ap toute, har hadal tout pre pral o baro Debleste, kay tiro Devel hi. Tou nashal kay te koy trouyel, te mangess vavar deblen an tel hake zenele rouka, oun shounal gar ap mire laba, penell o baro Devel.

Jeremia 3:25

Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

Jeremia 8:14

Hoske ham mer kay trouyel beshdo? [poučenn i menshe dran Youda.] Mer vas khetne, te djas mer an kol zorele forya, te vas koy maredo! Mer moukam o baro Debles, maro rayes. Doleske kamell lo maro merepen, oun dell men savo pani te piyell, hoy marell men.

Ropaskre gilja 1:20

Ah, baro Devel, dik, har boud traash man hi, har i douk an mande rhačella! Miro dji rissrell pes an mande! Hoske shounom gar ap toute? Glan o kheer tapras o rharo mire čaven, oun an o kheer meran le dran i djoungelo nasslepen.

Ropaskre gilja 3:42

Mer anam doosh pral mende kokres, oun shounam gar ap toute. Kova bistral tou menge gar.

Ropaskre gilja 5:7

Mare phoure anan doosh ap pende, oun djivenn bouder gar. Mer kitse kay ham, hounte hidjras lengri tseli doosh.

Daniel 9:15

Maro ray oun Devel, tou sikral tiri zoor, har anal tire menshen vin dran o them Egiptia, oun kral tiro lab bares bis kava dives. Mer anam doosh ap mende. Mer kram čilačo koova.

Amos 7:2

An miro dikepen dikom, har kaman i stepangre o tselo zenlepen te rhal an o them. Koy penom: “Baro Devel, maro ray, ma dik ap mari doosh! Har nay vell o Yakobeskro kheer pale ap i herya, kay yaake tikno hi.”