Jeremia 14:18 - O Debleskro Lab 2024 (Sinte-Manouche)

¹⁸ Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

O Debleskro Drom 2021 (Sinte)

¹⁸ Djau me win ap o them, dikau me menshen, kai peran an o kurepen. Wau me an o foro, hi koi menshe tchiddo, kai meran i bokatar. Ninna Debleskre rakepangre un rashaja nashenn trujel an o them, un djinenn gar, hoi te krenn.

Jeremia 14:18 ပူးပေါင်းရင်းမြစ်များ

Jesaja 22:2

O foro hi pherdi gole oun pherde barhtele menshe, kay divyes trouyel nashenn. Kek t'mare lourdendar, kay moules ap o drom čiddo hi, vas moulo dino o rhareha. Yon meran gar an o kourepen.

Jesaja 28:7

Ninna i rashaya oun o Debleskre rakepangre hi mato i molyatar, oun perenn yek rigyatar ap i vavar o zorelo pipastar, hoy le piyan. Yaake boud mool oun zorelo pipen piyan le, te nay ačenn le bouder gar tardo. Te rakrenn le o Debleskro lab vin, hi le mato koy pashel. Te krenn le o čačepen vin, perenn le yek rigyatar ap i vavar.

Jeremia 2:8

T'mare rashaya poučan gar: Kay hi o baro Devel? Har penan le i menshenge, hoy te krenn le, rikran le pen gar ap mire laba. Oun kol pralstoune pral mire menshende hadan pen pral mande, oun shounan bouder gar ap mande. Oun mire rakepangre, kay hounte penans mire laba doureder, rakran an o lab ko rhorheno deblestar Baal, oun mangan figuren an, kay kek devel hi.

Jeremia 23:21

[O baro Devel penell:] Ninna te bičrom me kal rakepangren gar, nashenn le pash t'mende. Ninna te rakrom gar lentsa, penenn le laba glan-vi.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Jeremia 6:13

Kol baren oun kol tiknen hi bok ap bravlepen, hoy gar lengro hi. Oun o Debleskre rakepangre oun i rashaya rhorhenn i menshen,

Jeremia 6:25

Ma djan ap t'maro kotar them, kharell yek ap o vavareste! Ma nashenn ap i drom! I lourde venna haki rigyatar oun marenn hakenes pengre rharentsa.

Jeremia 8:10

Lengre djouvyen dau vavar morshende. Oun lengre kotya them dau kolende, kay tradan len krik. Halauter, tikne oun bare, rhorhenna, te venn le bravelo. Ninna i Debleskre rakepangre oun rashaya rhorhenn i menshen,

Ropaskre gilja 1:20

Ah, baro Devel, dik, har boud traash man hi, har i douk an mande rhačella! Miro dji rissrell pes an mande! Hoske shounom gar ap toute? Glan o kheer tapras o rharo mire čaven, oun an o kheer meran le dran i djoungelo nasslepen.

Ropaskre gilja 2:19

Ste pre an i rati, oun de gole pale te pale ap o baro Debleste! Čore tiro dji vin glan o Debleste. Rike tire vasta glan leste pre oun mange lestar o djipen tire terne čavendar, kay i bokatar merenna ap hako dromeskri ekka.

Ropaskre gilja 4:9

Kolenge, kay o rhareha maredo van, djas feteder har kolenge, kay meran i bokatar. Har kek djob bouder bares vas, phagan le khetne i bokatar, bis te meran le.

Ezekiel 7:15

Glan o foro hi kol lourde, kay kamenn i Israelitaryen te marell. An o foro hi i pharo nasslepen oun bok. Koon vin glan o foro hi, kova vell o rhareha maredo. Oun koon an o foro dren hi, merell ap o pharo nasslepen oun i bokatar.

Amos 4:6

Me hom kova, kay bičras i bok an t'mare tsele forya. Ninna te his t'men gar doha rhapen an o tselo them, van t'mer gar pale pash mande, penell o baro Devel.

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

5. Mose 28:36

O baro Devel tradell t'men oun ko rayes, koles t'mer pral t'mende čivan, pash i menshende an i vavar them, kay t'mer an kek tsiro djivan, vitar gar t'mare phoure. Oun kote mangenn t'mer oun barrengre deblen an.

5. Mose 28:64

Oun yob tradell t'men mank i menshende an i tsele themma ap kay phoub, kolen kate, oun kol vavaren kote. Lengre deblen dran kasht oun bar mangenn t'mer kote an. Kol deblen prindjrenn t'mer gar oun prindjran vitar gar t'mare phoure.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.