Jeremia 10:20 - O Debleskro Lab 2024 (Sinte-Manouche)

²⁰ Miro plarhteno kheer vas paash dino, oun mire shelle hi an kotya činlo. Mire čave djan mandar krik, oun hi gar bouder koy. Kek čivell miro kheer pale pre, kek čivell i plarhta koy pral.

O Debleskro Drom 2021 (Sinte)

²⁰ Miro plachteno kheer was paash dino, un mire shelle hi an kotja tchinlo. Mire tchawe djan mandar krik, un hi gar buder koi. Kek tchiwell miro kheer pale pre, kek tchiwell i plachta koi pral.

Jeremia 10:20 ပူးပေါင်းရင်းမြစ်များ

Hiob 7:8

Tou, kay leh man kanna an o yak, nay dikeh man palle bouder gar. Te rodeh pal mande, hom me bouder gar koy.

Gosewe laba 12:7

I čilače venn tele vitsedo oun hi gar bouder koy. O kheer kolendar, kay an o čačepen tardo hi, ačell tardo.

Jesaja 51:16

Oun me čivom mire laba an tiro mouy, oun rikrau mire vasta pral toute. Me hom kova, kay krom o bolepen bourhles pral i phoub oun čivom i phoub pre. Oun me penau ap i menshende an o foro Sion: Mire menshe han t'mer!

Jesaja 51:18

Kote his kek mank tire tsele čavende, kolen ap i phoub anal, kay sikras tout o čačo drom. Oun kek his koy, kay tout ap o vast las, tire tsele čavendar, kolen bares tserdal.

Jesaja 54:2

Kre tiro plarhteno kheer bourhlo! Tserde kol plarhte ap i rigya doureder! Ab gar čindo! Kre i shelle lengsto, oun de kol saster, hoy rikrenn len, zoreles an i phoub dren!

Jeremia 30:17

Tout oun tiro doukepen krau me pale sasto, penell o baro Devel, ninna te penenn le ap toute o praasedo them un: o foro Sion, pal koleste kek poučella.

Jeremia 31:15

Kova penell o baro Devel: I gole oun zorelo ropen vell shounlo an o foro Rama: I Rachel rovell pral peskre čaven: Yon hi moulo. Oun yoy kamell kek shoukar laba te shounell.

Jeremia 4:20

Yek foro pal i vavar vell dino. O tselo them denn le paash. Ap yek kopo hi mire oun plarhtene khera khetne dino.

Ropaskre gilja 1:5

Kolla, kay kamenn o foreske čilačepen te krell, len hi kanna penepaske pral leste, oun lenge djal mishto. O baro Devel anas koy bibarht pral o foro te dell lo les i phagi leskri boud doshake. Oun kolla, kay lan o foro dren, lan i čaven pandles, oun tradan len glan pende vin dran o them.

Micha 2:9

I djouvyen tradenn t'mer dran lengre khera, hoy lenge boud moldo hi. Oun ko lačo koova, hoy man lengre čavenge hi, lenn t'mer lendar krik hako tsireske.