Jakobo 3:14 - O Debleskro Lab 2024 (Sinte-Manouche)

¹⁴ Te zilverenn t'mer oun hadenn t'men pre pral i vavarende, ma penenn, kay han gosevo! Kova vals i rhorhepen oun gar o čačepen.

O Debleskro Drom 2021 (Sinte)

¹⁴ Te silwerenn tumer un hadenn tumen pre pral i wawarende, ma penenn, kai han gosewo! Kowa wals i chochepen un gar o tchatchepen.

Jakobo 3:14 ပူးပေါင်းရင်းမြစ်များ

1. Mose 37:11

Oun leskre phrala dikan čilače yakentsa ap leste. Leskro dad rikras kol laba an peskro dji.

1. Mose 38:9

O Onan djinas, kay kol čave gar leskre hi. Doleske kras yob yaake, kay peskro phraleskri romni gar an vavar koova vella, hako kopo har vas lo lah khetne. Yob kamas gar, te vell i čavo leskro phraleske boldo.

2. Rajengro liil 10:16

oun penas: “Am mantsa oun dik har miri tseli zoryah o baro Debleske koy hom!” Oun yob moukas les peha oulerell ap peskro vourdin.

2. Rajengro liil 10:31

O Yehou rikras pes gar peskro tselo djiyestar ap i laba o baro Deblestar, kay o Israeleskro Devel hi. Yob moukas gar kol rhorhene deblen, hoy o Yerobeam kras, oun kolentsa yob i Israelitaryen o Debleskro dromestar tele anas.

Hiob 5:2

Koon rhoyrell pes pral halauter, hi dinelo. Leskri rholi tassrell les. Koon peskri rholi gar pale rikrell, hi narvelo. Yob merell ap peskri rholi.

Gosewe laba 14:30

Shoukapen an o dji krell o tselo menshes sasto. I dji, hoy zilverell, hi har i nasslepen, hoy i kokale pre rhal.

Gosewe laba 27:4

I rholi hi divyo oun zorelo har i zorelo pani, hoy lauter peha krik tserdell. Koon nay ačell tardo te zilverell i morsh?

Jesaja 11:13

Palle zilverenn i menshe an Efrayim bouder gar ap kolende an Youda. Oun kolla dran Youda krenn kolenge dran Efrayim bouder kek čilačepen.

Habakuk 1:3

Hoske moukeh tou man savo čilačepen te dikell? Hoske dikeh tou, har i menshe doukedo venna, oun kreh či? Kay dikau, dikau čorepen oun djoungelo koova, kourepen oun čingepen.

Mateo 27:18

O Pilato djinas mishto, te zilverenn le ap o Yezouseste. Oun dran kova dan le les an leskre vasta.

Johanni 16:2

Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Bičepangre 13:45

Har i bibolde kol boud menshen dikan, zilveran le ap kol douyende. Yon čingran ap o Pauleste, oun rakran i djoungele laba pral leste.

Bičepangre 26:9

His i tsiro, kay kamom me ninna miri tseli zoryah kava nevo patsepen ap o Yezouseste dran Nazaret paash te krell.

Bičepangre 5:17

Ko baro rashay oun kol Sadducarya, kay pash leste his, kolla zilveran ap o Yezouseskre bičepangre,

Bičepangre 7:9

Mare phoure dada zilveran ap o Yosefeste, oun bikran les an o them Egiptia. Oun o Devel his pash leste,

Remarja 1:29

Yon hi pherdo čilačepen, djounglepen, ninna bok pal i love. Yon hi čilačo oun zilverenn, čingrenn, rhorhenn, marenn, oun doukrenn i vavaren. Yon rakrenn djoungeles pral i vavarende,

Remarja 13:13

Djivas yaake djoudjo, har djivenn i menshe ap o dives. Te djas gar kote, kay rhan le pen nasselo oun piyenn pen mato! Te kras gar vi-ladjedo koova! Te čingras gar, oun dikas gar čilače yakentsa ap kova, hoy o vavares hi!

Remarja 2:17

Hoy krenn t'mer, i bibolde? T'mer sharenn t'men oun penenn: “Me hom i biboldo oun prindjrau o Moseskre laba. O baro Devel hi miro Devel.

Remarja 2:8

Ap kol vavarende vell leskri rholi. Lenge hi lo gar lačes. Yon hi kolla, kay djivan pal pengro shero oun shounan gar ap o Debleskro čačo lab, oun kran, hoy lengro čilačo dji lenge penas.

1. Korintarja 13:4

Kones hi o Debleskro kamlepen an o dji, kova rikrella lauter vin. Yob hi lačo oun zilverella gar. Yob krell pes gar bares oun sharell pes gar.

1. Korintarja 3:3

T'mer djivenn yaake har te prindjrenn o Yezous Kristes gar. Te hi čingepen mank t'mende, oun te zilverenna, palle djivenna yaake har i menshe, kay prindjrenn o Yezous Kristes gar.

1. Korintarja 5:2

T'mer han pre-phourdo. T'mer hounte rovans pral ko koova, oun hounte čivans koles pale, kay kras ko koova.

1. Korintarja 5:6

T'mer sharenn t'men. Oun kova hi gar mishto. Djinenn t'mer gar, te krell i tikno kotar shoutlo yarro ko tselo vavar yarro shoutlo?

2. Korintarja 12:20

Me trashau, te vau pash t'mende, dikau savo koova pash t'mende, hoy kamau gar. Palle hom me vitar gar yaake har t'mer kamenna. Me trashau te dikau čingepen mank t'mende, ninna zilvepen, rholi, praasepen, djoungelo rakepen pral o vavareste, pre-phourdepen, bipandlo djipen, oun yek kamell feteder te vell har ko vavar.

Galatarja 5:15

Te dandrenn t'mer t'men har midjak djoukle, denn yak, te rhal yek kol vavares gar pre!

Galatarja 5:20

Yon mangenn vavar koova an har o Debles. Yon dourkrenna. Yon kourenn pen oun čingrenn pen. Yon zilverenna, oun len hi rholi ap i vavarende. Yon dikenn ap pende kokres, te djal lenge mishto, oun dikenn gar ap i vavarende, te djal lenge ninna mishto. Yon moukenn pengre phralen oun djan vavarentsa khetne.

Galatarja 5:21

Yon kamenn kova, hoy o vavares hi. Yon hi pipangre oun rhapangre. Oun boud vavar čilačo koova krenn yon. Me penom t'menge oun penau pale: Koon yaake djivella, vell gar pash o Debleste an o bolepen oun lell gar ko lačo koova, hoy o Debles peskre čavenge hi.

Galatarja 5:26

Mer rodas gar pal kova, te vas bareder oun feteder har kol vavar. Mer čingras gar oun dikas gar čilače yakentsa ap kova, hoy ko vavares hi!

Galatarja 6:13

Yon ninna, kay moukan pen ap o mass te činell, krenn gar lauter, hoy o Moseskre laba penenna. Doleske kamenn le, te moukenn t'men ap o mass te činell, yaake te sharenn yon pen glan i menshende.

Filiparja 1:15

Mashkral lende hi ninna save, kay zilverenn ap mande. Kolla rakrenn o Yezous Kristestar, te sikrenn le mande, kay yon kova feteder hayvenna har me. Yon krenn kova dran i čilačo dji oun kamenn, te vell mange boudeder ropaske. Vavar sikrenn i menshende o Yezouseskro drom dran i lačo dji. Yon kamenn man o djiyestar oun djinenna, me hom kate stildo, te sikrap o Yezouseskro drom i čačepangren yaake, te djinenn le o čačepen.

Filiparja 2:3

Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

1. Timoteo 2:4

Yob kamella, te venn i tsele menshe ap leskro drom, oun te hayvenn le leskro čačepen.

1. Timoteo 6:4

palle hi yob pre-phourdo oun hayvell či. Yob kamell te čingrell pes hako labeske. Kova hi yaake har i nasslepen. Dran savo koova vell, te zilverenn le, te čingrenn pen le, te rakrenn le djoungeles yek pral o vavareste, te dikell ko yek čilače yakentsa ap o vavareste.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

Jakobo 3:16

Kote, kay i menshe zilverenna, oun hadenn pen pre pral i vavarende, kote hi čingepen oun hako čilačo koova.

Jakobo 5:19

Mire phrala, djinenn: Te peras yek t'mendar o čačo dromestar tele, oun yek vavar anell les pale ap o čačo drom,