Hosea 9:9 - O Debleskro Lab 2024 (Sinte-Manouche)

⁹ T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

O Debleskro Drom 2021 (Sinte)

⁹ Tumaro tchilatcho koowa, hoi krenn, hi jaake djungelo har kowa, hoi was kerdo an o foro Gibea glan i rah tsiro. Doleske bistrell o baro Dewel gar tumari doosh un dell tumen tumari phagi.

Hosea 9:9 ပူးပေါင်းရင်းမြစ်များ

2. Mose 32:7

O baro Devel rakras ap o Mose: “Naash, dja tele, tire menshe, kay tou dran o them Egiptia vin anal, kran djoungelo koova.

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jesaja 31:6

T'mer Israelitarya, rissrenn trouyel pash o baro Debleste, kolestar t'mer yaake dour tele peran!

Jeremia 14:10

Yaake penas o baro Devel kal menshendar: Yon nashenn yek rigyatar ap i vavar, yaake har kamenn le. Doleske dikell o baro Devel gar lačes ap lende. Leske vell an o shero, havo čilačo koova yon kran. Oun lengri doshake dell yob len i phagi.

Ezekiel 21:28

I menshenge an o foro Yerusalem vell kova glan har i rhorheno dourkepen. O baro ray dran Babilonia krals lentsa vin, te krell lo lenge či, oun dals peskro vast koy pre. Kanna te vell yob pral lende, vell lenge an o shero, te rikran yon gar dren, hoy le leha vin kran. Oun yon venn tapedo.

Hosea 10:9

O baro Devel penell ap i Israelitarya: T'mare phoure hadan pen pral mande an o foro Gibea. Foun ko tsiro moukan t'mer pale te pale miro drom. Doleske vell an o foro Gibea o kourepen pral kol čilače menshende.

Hosea 4:9

Doleske djal i rashayenge yaake har kol vavar Israelenge: Me dau t'men lauteren i phagi, oun dau t'men pale pal kova, hoy t'mer kran.

Hosea 5:8

Phourdenn an i phourdepaskri an i forya Gibea oun Rama! Denn i kourepaskri gole an o foro Bet-Aven! T'mer kourepangre dran o kheer Benyamin, nashenn glan, mer nashah t'menge palla!

Hosea 7:2

Oun kova djal gar an lengro shero dren, te djinau me lengro tselo čilačepen. Lengro čilačo koova hi troul lende trouyel, oun hi mange tardo glan mire yaka.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Hosea 9:8

Miro Devel bičras man, leskro rakepaskres, te dap yak ap t'mende an o them Efrayim. Oun t'mer čivenn i netsa vin ap mire tsele dromma, te taprenn man har i čirkles. Ninna an o kheer miro Deblestar lenn t'mer man palla.

Zefanja 3:7

Me penom mange: Te dikenn mire menshe kova lauter, dikenn le pre ap mande, oun moukenn penge mandar čomone te penell! Palle vals lengro foro gar paash kerdo! Oun či vals pral lende, hoy me penom, kay kamau te krell. Kanna vas vavarčandes: Lauter čilačepen krenn le oun moukenn gar tele.

Čačepangre 19:12

Leskro ray penas ap leste: “Mer djah gar an i foro, kay menshe djivenn, kay hi gar i Israelendar. Mer djah i kotar doureder bis an o foro Gibea oder Rama. Kote ačah pral i rat.”

Čačepangre 19:16

Koy vas i phouro morsh khere foun peskri boudi ap peskri harhetikri phoub. Oun ko morsh his ninna dran i berge Efrayim oun his i vi-themari an o foro Gibea. I vavar menshe an kava foro his Benyaminarya.

Čačepangre 19:22

Oun har yon les penge mishto djal moukan, van morsha dran o foro oun čivan pen troul o kheer tardo, či-molde morsha. Oun kolla dan ap o voudar, oun penan ap ko phouro morsh, koleske ko kheer his: “An menge ko morshes vin, kay pash toute an o kheer vas, te kras dinelo koova leha!”

Čačepangre 20:43

Yaake van i Benyaminarya dre-pandlo oun palla lino. I Israelitarya moukan lenge kek tsiro te lenn le nevo dourho, oun dan len moulo bis ap i vavar rig o forestar Gibea, kote kay o kham pre djal.