Hosea 9:2 - O Debleskro Lab 2024 (Sinte-Manouche)

² Doleske vell yaake, te hi t'men bouder gar doha djob, vitar gar doha djet. Ninna dell bouder kek nevi mool.

O Debleskro Drom 2021 (Sinte)

² Doleske well jaake, te hi tumen buder gar doha djob, witar gar doha djet. Ninna dell buder kek newi mool.

Hosea 9:2 ပူးပေါင်းရင်းမြစ်များ

1. Mose 50:10

Oun yon van ap i platsa, hoy kharella Goren-Atad. Koy platsa hi čiddo ap i vavar rig o panyestar Yordan. Kote rovan le oun dan bari gole pral o Yakobeskro merepen. Oun o Yosef rovas lentsa efta divessa pral peskro dadeste.

Hosea 2:11

Doleske kamau miro djob oun mire drake pale te lell an ko tsiro, kay le baro van, oun dren anlo vans. Ninna lau latar mire bakrengre balla, oun miro layntikre thaba lakre ripyenge.

Hosea 2:12

Glan lakre pirnengre yaka rivau lat nanges vin. Oun kek nay lell lat dran miro vast vin.

Hosea 2:9

Oun te nashell li peskre pirnenge palla, oun nay lell len gar dren, oun te rodell li pal lende, oun nay hatsell len gar, palle penell li: “Me kamau pale pash miro ersto romeste te djal. An ko tsiro djas mange feteder har kanna.”

Amos 5:11

Kova krenn t'mer: I čorvelen rikrenn tele, oun lenn lendar boudeder djob har čačo hi. Doleske vell yaake: An kol shoukar neve khera, hoy t'menge kran, djivenn t'mer gar. Oun i mool kol neve drakengre roukendar, hoy an i phoub čivan, piyenn t'mer gar.

Haggai 1:9

T'mer kamenn boud, oun gar boud hi, hoy lenn t'mer. Oun te kamenn kova khere te anell, lau les t'mendar. Hoske kova? penell o baro Devel, ko ray pral o bolepen oun i phoub. Miro kheer hi paash dino oun čiddo an kotya. Oun hakeno t'mendar dikell kokres ap peskro kheer.

Haggai 2:16

Te vas yek t'mendar kote, kay i djob čiddo hi, oun kamas douy-sheel kilogramme te lell, hatsas yob gar boudeder har yek sheel kilogramme. Te vas yek t'mendar kote, kay i mool garedo vell, oun kamas sheel litarya te lell, hatsas lo gar boudeder har star-deesh litarya.