Hosea 5:14 - O Debleskro Lab 2024 (Sinte-Manouche)

¹⁴ Me hom o themeske Efrayim har i levo, oun o khereske Youda har i terno levo. Me dandrau len an kotya, oun djau mange. Me hidjrau len krik, oun kek nay lell len dran miro vast vin.

O Debleskro Drom 2021 (Sinte)

¹⁴ Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

Hosea 5:14 ပူးပေါင်းရင်းမြစ်များ

Hiob 10:16

Te hadau miro shero pre, palle leh tou man palla, har te vals i levo, oun sikreh tiri bari zoor, te doukress man.

Hiob 10:7

Tou djineh, te hi ap mande kek doosh, oun te hi kek koy, koon nay lell miro djipen dran tiro vast vin.

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Debleskri gili 7:2

Baro Devel, tou hal miro Devel, pash toute khatrau man. Le man vin dran i vasta kolendar, kay man palla lenna! Te veh tou gar ap miri rig,

Jesaja 5:29

Lengri gole hi har koya, hoy i levo dell, ava, yaake har dell i terno levo gole, hoy vell dour dran leskri meen. Oun palle stell lo pre oun taprell ko firhes, hoy lo rhapaske kamell, oun hidjrell les kote, kay kek nay lell les leske krik.

Jeremia 25:38

Yob djas vin, har i terno levo vin vell dran peskro khatepen, te marell lo. Oun lengro them ačas khetne stakedo čiddo. Yaake baro his o kourepen, oun o baro Debleskri rholi pral lende.

Ropaskre gilja 3:10

Yob louras mange pre, har te vals lo i čilačo divyo firho, oun har i levo an peskro khatepen.

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

Hosea 2:12

Glan lakre pirnengre yaka rivau lat nanges vin. Oun kek nay lell lat dran miro vast vin.

Hosea 6:1

Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

Amos 2:14

Ninna kolla, kay nashenn nay sik, nay nashenn gar penge. Zorele morsha nashrenn pengri zoor. Oun kourepangre ačenn gar djido.

Micha 5:8

Israel, hade tiro vast pral halauterende, kay kourenn pen touha, te ačell kek lendar djido!

5. Mose 28:31

Tou dikeh har vavar tiri groumni marenn, oun tou lell latar či te rhal. Tiri bourika vell touke randedo glan tire yaka, oun vell tout gar bouder pale dino. Kol menshe, kay kourenn pen touha lenn tire bakre oun bouzya penge, oun kek vell ap tiri rig, te lell lo len dran lengre vasta vin.

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.