Hiob 8:6 - O Debleskro Lab 2024 (Sinte-Manouche)

⁶ oun djiveh i djoudjo djipen an o čačepen, palle stell lo touke pre, oun moukell les touke oun tiri familyake pale mishto te djal, yaake har čačo hi.

O Debleskro Drom 2021 (Sinte)

⁶ un djiweh i djudjo djipen an o tchatchepen, palle stell lo tuke pre, un mukell les tuke un tiri familjake pale mishto te djal, jaake har tchatcho hi.

Hiob 8:6 ပူးပေါင်းရင်းမြစ်များ

Hiob 1:8

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar.”

Hiob 11:14

Te kral čilačepen, mouk tele kolestar, te vell kek čilačepen an tiro kheer hatslo.

Hiob 16:17

Yaake hi kova, ninna te krom kek čilačepen, oun mangom miro Debles i djoudjo djiyeha an.

Hiob 34:28

Yon djan yaake čilačes i čorvelentsa trouyel, te dan yon gole ap o Debleste. Oun yob shounas koy gole kolendar, kay tele rikedo van.

Hiob 5:24

Oun tou dikeh oun hayveh, te djal lauter mishto an tiro kheer. Ninna kote, kay tire firhe hi, hi kek lendar nashedo.

Debleskri gili 18:25

Miro čačepen his glan leskre yaka. Oun kek doosh his ap mande. Doleske kras o baro Devel mange lačepen.

Debleskri gili 44:23

Tire menshe ham mer. Doleske vah mer o tselo tsiro moulo dino, har vams firhe, hoy venn maredo.

Debleskri gili 7:6

palle mou lenn man palla kolla, kay hi rhoyede ap mande! Mou taprenn le man, oun vitsrenn man ap i phoub, oun moukenn le man an i čik čiddo!

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 3:33

O baro Devel čivell i bibarht ap o kheer i čilačendar, oun barht ap o kheer kolendar, kay an o čačepen tardo hi.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jesaja 3:10

I barht vell ap kolende, kay an o čačepen tardo hi! Oun lauter djal lenge mishto. Ko lačo koova, hoy le kran, vell ap lende pale.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

1. Timoteo 2:8

Yaake kamau me, te mangenn i morsha o Debles an, kote, kay i patsle khetne venna. Kal morsha hounte djivenn pengro djipen yaake, har o Devel kamella. Te hadenn le pengre vasta pre, te mangenn le o Debles an, palle hounte denn le yak, te vell kek rholi oun kek čingepen an lengre djia.