Hiob 8:22 - O Debleskro Lab 2024 (Sinte-Manouche)

²² Kolla, kay kamenn touke čilačepen te krell, hounte ladjenn. Oun i khera i čilačendar ačenn gar tardo.

O Debleskro Drom 2021 (Sinte)

²² Kolla, kai kamenn tuke tchilatchepen te krell, hunte ladjenn. Un i khera i tchilatchendar atchenn gar tardo.

Hiob 8:22 ပူးပေါင်းရင်းမြစ်များ

Hiob 15:34

Yaake djal i familyenge kolendar, kay djivenn kek Debleha. Yon ačenn kek čaventsa. Oun i yag rhačrell lengre khera pre, hoy kran le kol loventsa, hoy lenge playsedo vas te rhorhenn le.

Hiob 18:14

O merepen tserdell les vin dran o kheer, kolestar yob patsas, te nay djal leske či. Oun yob vell anlo glan koleste, kay hi o ray pral i moulende.

Hiob 21:28

T'mer penenn: “Hoy vas dran o kheer ko rayestar, kay yaake boud čilačepen kras?”

Hiob 36:6

Yob moukell o čilačes gar djides, oun vell koleske ap i rig, kay tele rikedo vell, te lell yob peskro čačepen.

Hiob 4:21

Oun vavar lenn, hoy len his. Yon merenn oun hayvenn gar, hoy lenge djal.

Hiob 7:21

Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

Hiob 8:15

Rikrell lo pes ap peskro kheer, phagell kova khetne. Rikrell lo pes ap kova, hoy les hi, ačell kova gar.

Hiob 8:18

Te tserdell yek les vin, djinell bouder kek, kay lo tardo his.

Hiob 9:1

O Hiob penas koy pre:

Debleskri gili 109:29

An i ladj ap kolende lauterende, kay anan doosh ap mande pre. Lengri ladj mou vell yaake baro, te venn le latar čakedo har i bayah.

Debleskri gili 132:18

Leskro raylepen vell baro oun bareder. Oun ap kolende, kay leske čilačepen kamenn, čivau bari ladj.

Debleskri gili 35:26

Kre, te ladjenn le pen, oun nay hadenn pengro shero gar pral, kolla lauter, kay hi barhtelo pral miri bibarht! Mou vell praasepen oun ladj ap lende, kay hadenn pen pral mande.

Gosewe laba 14:11

O kheer o čilačestar vell tele phagedo, i familyake kolestar, kay djal o čačo drom, djal mishto oun vell bareder.

Ezekiel 26:16

Oun i raya an kol themma pash o baro pani stenn pengre rayle beshepangre pre, oun djan lendar tele, oun rivenn pengre kouč baya oun shoukar gada vin, oun rivenn paash koola an. Oun beshenn ap i phoub oun moukenn gar tele te trissell.

Ezekiel 7:27

O baro ray rovell, oun i pralstoune darenn pengro djipaske. Hakeno an o them trissell i daryatar. Me krau lentsa pal kova har yon kran. Oun yaake har kran yon o čačepen vin pral i vavarende, yaake krau me o čačepen vin pral lende. Palle dikenn oun hayvenn le, te hom me o baro Devel.

Zakarie 5:4

O baro Devel, ko ray pral o bolepen oun i phoub, penell, ko praasepen te vell pral o čorepaskro kheer oun an o kheer kolestar, kay dell pes i rhorheno sovel an o lab o baro Deblestar. Ko liil ačell an lengre khera, oun rhal len pre, ninna lengro kasht oun lengre barra.”

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.