Hiob 7:18 - O Debleskro Lab 2024 (Sinte-Manouche)

¹⁸ Haki tsalla dikeh ap leste, oun moukeh les gar i tikno tsireske dran tiro yak, te dikess palla, har oun hoske yob kova kras, hoy lo kras?

O Debleskro Drom 2021 (Sinte)

¹⁸ Haki tsalla dikeh ap leste, un mukeh les gar i tikno tsireske dran tiro jak, te dikess palla, har un hoske job kowa kras, hoi lo kras?

Hiob 7:18 ပူးပေါင်းရင်းမြစ်များ

1. Mose 22:1

Pal kava koova kamas o Devel te dikell, te shounell o Abraham ap leste o tselo djiyeha, oun penas ap leste: “Abraham!” Oun yob penas: “Kate hom.”

Hiob 14:3

Oun savo hom me. Oun tou leh man an o yak, oun aneh man glan i tsillo, te kress o čačepen vin pral mande.

Hiob 23:10

Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

Debleskri gili 73:14

Man hi douka hako dives, haki tsalla hayvau tire dava.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

2. Mose 32:34

Oun kanna dja pale! An kol menshen an ko them, kay me rakrom lestar. Miro bolepaskro djal glan toute. Te vell miro tsiro, dau i Israelitaryen pengri phagi.”

Jesaja 26:14

I moule venn bouder gar djido, oun stenn bouder gar pre. Kolen, kay pral mende i raya his, dal tou lengri phagi: Yon hi bouder gar koy. Oun i menshe bistran len.

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Daniel 12:10

I djia boud menshendar venn djoudjo kerdo oun venn thodo, har sonakay an i yag thodo vell. Oun i čilače krenn doureder o čilačepen. oun hayvenn kava koova gar. Kokres kolla, kay o Debleskro drom prindjrenna, hayvenn ninna kava koova.

Zefanja 3:5

Kova lauter krenn le, ninna te djivell o baro Devel mank lende. Yob krell kek čilačepen. Oun leskro čačepen ačell zoreles tardo. Yaake har hako dives o kham pre djal, yaake sikrell lo hako dives, har te djivenn le an o čačepen. Kol čilače menshe krenn pale te pale djoungelo koova, oun ladjenn gar.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

5. Mose 8:16

oun das t'men Manna te rhal an o moulo tato them, ko maro, hoy t'mare phoure gar prindjran. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi, te nay krell lo les t'menge pal kova mishto.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.