Hiob 42:12 - O Debleskro Lab 2024 (Sinte-Manouche)

¹² Oun o baro Devel čivas boudeder barht ap o Hiob har glan kova. Oun yob las 14.000 (deesh-te-star-zerya) bakre oun 6.000 (shob-zerya) khamele oun 2.000 (douy zerya) groumya oun 1.000 (yek zero) bourike.

O Debleskro Drom 2021 (Sinte)

¹² Un o baro Dewel tchiwas budeder bacht ap o Hiob har glan kowa. Un job las 14.000 (deesh-te-star-serja) bakre un 6.000 (shob-serja) khamele un 2.000 (dui serja) grumja un 1.000 (jek sero) burike.

Hiob 42:12 ပူးပေါင်းရင်းမြစ်များ

1. Mose 24:35

O baro Devel čivas bari zoor oun boud barht ap miro ray. Yaake vas yob bravelo. O Devel das les bakre oun groumya, roup oun sonakay, boudepangre: morsha oun djouvya, ninna khamele oun bourike.

1. Mose 32:14

Oun o Yakob ačas i rati koy. Oun las i firhendar, hoy pash leste his, te dell lo len peskro phraleste Esau:

Hiob 1:10

Tou deh yak ap leskro kheer oun ap lauter, hoy les hi. Tou čival tiri barht ap lauter, hoy yob an-taprell. Oun leskre firhe van boud oun boudeder an o tselo them.

Hiob 1:2

Oun les his efta morsh čave oun triin ča.

Hiob 1:3

Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Hiob 8:7

Kova, hoy tout glan kova his, vell touke tiknes glan, te dikeh ko baro bravlepen, hoy dell tout o Devel an ko tsiro, hoy vella.

Debleskri gili 107:38

Oun yob das len barht, oun yon van boud oun boudeder. Oun yob das len ninna boud firhen.

Gosewe laba 10:22

Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Sikepaskro 7:8

Feteder hi, te pandess tiro mouy, har te kress tiro mouy pre o rakepaske. Feteder hi, te dess gar sik pre, har te vess pre-phourdo.

Ezekiel 36:11

Oun me krau, te venn i menshe oun firhe boud ap t'mende. Yon lenn boud čave. Oun me krau te nay djivenn i menshe kote yaake, har an i phoure tsirya his. Oun krau t'menge boudeder lačepen har an kek tsiro glan kova. Palle dikenn oun hayvenn t'mer, te hom me o baro Devel.

5. Mose 8:16

oun das t'men Manna te rhal an o moulo tato them, ko maro, hoy t'mare phoure gar prindjran. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi, te nay krell lo les t'menge pal kova mishto.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.