Hiob 40:11 - O Debleskro Lab 2024 (Sinte-Manouche)

¹¹ Čore tiri tseli rholi vin, dik ap lauterende, kay pre-phourdo hi, oun vitse len tele!

O Debleskro Drom 2021 (Sinte)

¹¹ Tchore tiri tseli choli win, dik ap lauterende, kai pre-phurdo hi, un witse len tele!

Hiob 40:11 ပူးပေါင်းရင်းမြစ်များ

Hiob 20:23

Ap ko tsiro, kay krell lo peskro per pherdo, bičrell o Devel peskri zoreli rholi ap leste, oun moukell lat har brishin tele ap leste te perell.

Hiob 21:30

Ap ko dives, kay vell i bibarht, kay vell o Debleskri rholi pral i menshende, ačell o čilačo djido.

Hiob 27:22

Ko dourho phourdell ap leste peskri tseli zoryah, oun moukell gar tele. Oun ko mensho marell pes tele, te nashell lo peske glan leskri zoor.

Hiob 4:9

O Devel phourdell ap lende, oun yon merenn. Leskri rholyakro dourho marell len.

Hiob 9:5

O Devel čivell i berge yek rigyatar ap i vavar, glan te hayvenn le kova. An peskri rholi vitsrell lo len trouyel.

Debleskri gili 144:6

Biče tiri yag, hoy ap o bolepen pral oun tele djal! De tire fayle karye ap kolende, kay ap mande djan!

Debleskri gili 94:2

Tou hal o čačepaskro ray pral i tseli phoub, de kol pre-phourden pengri phagi!

2. Mose 15:6

Tou, mo baro Devel, har zorelo hi tiro čačo vast! Tou, baro Devel, tiro čačo vasteha dal tou kolen an kotya, kay kouran pen touha.

2. Mose 18:11

Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”

Jesaja 2:17

Palle vell lenge kova krik lino, koleha i menshe phourdan pen pre. Oun lengro sharepen ačell gar. Ap ko dives hi kokres o baro Devel o Devel pral halauter.

Jesaja 22:19

Oun me tradau tout dran tiri boudi, oun tserdau tout tele dran tiri pralstouni platsa.

Jesaja 23:9

O baro Devel, ko ray pral o bolepen oun i phoub penas, te vell kova yaake. Yob kamas lenge ko tselo raylepen krik te lell, koleha yon pen yaake bares kran, oun kamas i an-dikle morshen ap i phoub tiknes te krell.

Jesaja 25:11

Ninna te hadenn le pengre vasta oun krenn len bourhles har i shvimari, djan le tele, oun ninna kova, hoy le pengre vastentsa kran. Yaake krell o baro Devel len tiknes.

Jesaja 26:5

I pre-phourden vitsrell lo ap i phoub, Lengro foro phagell lo tele, bis te hi lo čiddo an i čik.

Jesaja 42:25

Kote moukas lo peskri bari rholi pral mende te vell, oun moukas men an i zorelo kourepen te vell. Leskri rholi his troul mende trouyel har i yag, oun mer hayvam kova gar. Ninna har rhačras men leskri rholi, lam kova gar an mare djia.

Jeremia 48:29

An hako tsiro vas penlo pral o them Moab, har pre-phourdo yob hi, oun havo sharedo yob hi, har rikrell lo boud pestar, havo baro mouyeskro yob hi, oun har dikell lo tele ap i vavarende!

Ezekiel 28:2

Tou mensho, pen ap o rayeste pral o foro Tirus: Kava penell o baro Devel, maro ray: Tiro dji hadas pes oun penas: “Me hom i devel! Oun hom beshdo ap i debleskri beshepaskri mashkral dren an baro pani!” Ninna te kreh, har te vals i devel, hal či har i mensho!

Daniel 4:24

Doleske, miro baro ray, mouk o čilačo kova, oun an bouder kek doosh ap toute! Oun dja an o čačepen, oun kre lačepen ap i čorvelende! Palle djal touke mishto i rah tsiro.”

Nahum 1:6

Koon nay ačell tardo glan leskri rholi? Koon nay ačell djido, te vell lo rhoyedo? Leskri rholi rhačell har i yag. Ninna i berge phagenn an kotya glan leste.

Nahum 1:8

I baro zorelo panyeha khossell lo o foro krik kolendar, kay hadan pen pral leste. Oun an i kali rat tradell lo len.

Louka 18:14

Oun o Yezous penas: “Me penau t'menge: O Devel dikas ap kaleste, oun his leske lačo oun gar ko vavareske. Kova, kay pes bares krella, koles sharell o Devel gar. Oun kova, kay pes gar bares krella, koles krell o Devel bares.”

5. Mose 32:22

Miri rholi rhačell pre har i yag, oun rhačrell i tseli phoub, oun halauter, hoy ap late bares vas, oun rhačell tele bis an o telstunepen, oun vell bis tele pash i berge.

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.