Hiob 38:36 - O Debleskro Lab 2024 (Sinte-Manouche)

³⁶ Koon čivas o gosvepen kote, kay lo khatedo hi? Oun koon krell, te nay hayvell i mensho čomone?

O Debleskro Drom 2021 (Sinte)

³⁶ Koon tchiwas o goswepen kote, kai lo khatedo hi? Un koon krell, te nai haiwell i mensho tchomone?

Hiob 38:36 ပူးပေါင်းရင်းမြစ်များ

Hiob 12:13

O Debles hi gosvepen oun ninna zoor. Yob hayvell halauter, oun nay penell, hoy te vell kerdo.

Hiob 32:8

Hi čačo, kova, hoy krell i menshes gosevo, hi o dourho o zorelo Deblestar, koles yob an i mensheste dren čivas.

Hiob 9:4

O Devel hi gosevo an peskro dji oun les hi bari zoor. Kekeske, kay las pes glan te čingrell lo leha, djas kova mishto.

Debleskri gili 51:6

Ap toute kokres krom, hoy čilačo hi. Ava me krom, hoy midjak hi glan tire yaka. Doleske hi tout čačes an tiro rakepen. Tou kreh o čačepen, te deh man i phagi.

2. Mose 31:3

Me čivom miro dourho an leste, oun dom les gosvepen oun vasta, hoy hayvenn mishto te boudrell,

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Jesaja 28:26

Oun har yob kova hounte krell, sikras les o Devel, kova hoy yob djinell, vell lestar.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.